عنوان الموضوع : ساعدني اخواتي
مقدم من طرف منتديات الضمير العربي



السلام عليكن اخواتي

والله اني محتااااره وقلت مالي غير موقع سيدات الامارات اللي اعتبره مرجعي في كل شيء

المهم بدخل في الموضوع على طول

انا خريجة دبلوم كلية التقنية العليا
وتخرجت بامتياز والحمدلله
وما كملت دراسة لظروف خاصة وحبيت اكمل الحين ولكن تفاجأت من ردهم عليّه إني لازم ادرس
4 سنوات من أول ويديد يعني أبدأ من الصفر عشان بس آخذ باجلر !!!!
انزين واللي درسته عندكم!! قالوا انسي اللي درستيه قبل ما نحسبه ، يعني اللي دارسين دبلوم 3 سنوات يرجعون يدرسون
من اول ويديد!!! الصراحة حسيت باحباااااااااط

وبعد بحث مضني وجدت ان كل اللي تخرجوا مثلي دبلوم 3 سنوات من التقنية انطلب منهم دراسة 4 سنوات في الكلية
عشان ياخذون باجلر ، يعني 7 سنوات على باجلر!! حشا لو دارسين طب أبرك لنا

المهم انا الحين شليت التقنية من بالي خلاص واباا اكمل في جامعة خاصة ومحتارة وين اسجل ، ابا أكمل في جامعة الحصن لأنها على الاقل بتعادل لي كم مادة و اقدر آخذ صيفي و أخلص بسرعة ، لكن انزعجت من كلام بعض صديقاتي اللي
ينصحني بعدم الاكمال فيها وان شهادة جامعة الحصن مب قوية وخاصةً في التوظيف!

أرجوكن فيدني في الموضوع واللي مرت بنفس تجربتي تخبرني وين كملت دراستها
واستفسار أخير ، اذا أخذت الباجلر من جامعة الحصن وحبيت اكمل ماستر بعدين ، وين ممكن آخذ الماستر غير جامعة الحصن؟

طولت عليكن السموووحه
والله يوفق الجميع

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
وايد بنات خلصوا دبلوم ويكملون ويانا باجلر يعني 4 سنين ولازم تكون عندج شهادة آيلتس باند 5 اكاديميك

شهادة التقنية اقوى من هالجامعه وغير جذي ان التقنيه اعتمادها على التعليم والتدريب في نفس الوقت مب مثل نظام الجامعات تدرسين وتحفظين

من رايي تكملين في التقنيه وقبل كل شي استخيري

__________________________________________________ __________

>>>> الرد الثاني :
يزاج الله خير على الرد اختي بنت دبي

يعني شهادة جامعة الحصن مب قوية ؟
بنات ياليت تفيدوني و اشوف تعليقات أكثر

__________________________________________________ __________

>>>> الرد الثالث :
أختي أنصحج تدرسين جامعة أحسن...الله يكون بعونك..أدري سبع سنين وايد لكن ممكن تاخذين صيفي وتخلصي بثلاث سنوات..تعب أدري لكن الله يعين ويوفقج يا رب..

__________________________________________________ __________

>>>> الرد الرابع :
درسي في جامعة العين او جامعة ابوظبي ما شاءالله الجامعات بكل مكان

__________________________________________________ __________

>>>> الرد الخامس :

انا انصحج بعد تدرسين بالجامعة ,,,لانه لوكنتي اصلا جامعية مابتحتايين تدرسين من يديد ..
حتى لو فرضا حبيتي تكملين براا البلاد وكانت الجامعة معترف فيها ع طول تتعادل لج الساعات وتكملين الدراسة,,
غير على ان النظام الاكاديمي تكملين فيه الدراسات العليا بسهولة اكثر خاصة لو نفس المجال وعندج لغة جيدة,,
انا من رايي دام مطلوب منج تعيدين 4 سنوات تختصرين على عمرج وتدخلين جامعة ذات سمعة طيبة.
الله يوفقنا ويوفقج وجميع المسلمين .