عنوان الموضوع : !! طالبات جـامـعـة عـجـمـان للعـلوم و التـكنولـوجيا !! التعليم العالي
مقدم من طرف منتديات الضمير العربي

السلام عليكم ورحمة الله وبركاته

أشحالكن خوايته ..؟؟ عساكن بخير و عافية

موضوعي .. طالبات جـامـعـة عـجـمـان للعـلوم و التـكنولـوجيا

ألي تدرس بهالجامعة .. ممكن تتواجد .. لأن عندي كمن سؤال .. بخصوص هالجامعة ..

طبعا أنا فكرت أدرس .. و تخصص تربية ، لغة انجليزية ..

الاسألة كالتالي

- هل الجامعة معترف فيها ولا ..؟؟

- طبعا مطلوب مني توفل أو آيلتس 5 أكاديمك ..؟؟ و أنا بدرس عندهم و في نفس الوقت بحاول آخذ توفل .. عسب ما يضيع علي ، سنوات عمري .. هل تتوقعون برووم ولا ..؟؟ بيكون صعب عليه ..؟؟
و ممكن آخذ الايلتس عندهم ..؟؟

- شو رايكم بدكاترة الانجليزي .. أوكي ولا غلسين ..؟؟ يعطون درجات ولا ..؟؟

- و التدريب في آخر سنة ولا في كل كورس ..؟؟ و عادي ادرب في إمارتي لأني من راكـ ..؟؟

- و كيف طبيعة الدراسة .. هل يكرفونكم واجبات و مشاريع .. ولا الحياة حلوة ..!!

- و ممكن آخذ 4 مساقات .. و اسوي جدولي يومين بالسبوع بس ..؟؟
لأن مثل ما اتعرفون عندي بيبي .. و ما يحب حد غيري ..

بليز بنات ساعدوني .. قبل لا أقبل على خطوة التسجيل .. و بعدين أندم .. و تدرون كل شي ببيزات .. ما اريد اضيع بيزاتي من دون فايدة

أنا اتصلت ابهم .. و قالت لي تعالي و نحن بنشرح لج .. لكن صعب عليه اروح عجمان .. بس عسب الشرح .. اباااااا اعرف كل شي .. عسب ما اتسرع و اندم

و يزاكن الله خير .. و بلييز ردن عليه .. لأن خلاص اريد اسجل .. و الله يوفقني و ييسر أموري ..

هذا الموقع للي تبا تستفيد https://www.ajman.ac.ae/austweb/ar/default0006.html?langid=1



-

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
صراحه ماعندي فكره عن الانقلش


انا ادرس اعلامـ فــ جامعه عيمان ^__^



اي استفسار عـــن كليه الاعلام من عيووووني

__________________________________________________ __________

>>>> الرد الثاني :

المشاركة الأصلية كتبت بواسطة Bent RAK
السلام عليكم ورحمة الله وبركاته

وعليكم السلام والرحمة

أشحالكن خوايته ..؟؟ عساكن بخير و عافية

الحمدلله مناح

موضوعي .. طالبات جـامـعـة عـجـمـان للعـلوم و التـكنولـوجيا

ألي تدرس بهالجامعة .. ممكن تتواجد .. لأن عندي كمن سؤال .. بخصوص هالجامعة ..

طبعا أنا فكرت أدرس .. و تخصص تربية ، لغة انجليزية ..

الاسألة كالتالي

- هل الجامعة معترف فيها ولا ..؟؟

هيه معترف فيها

- طبعا مطلوب مني توفل أو آيلتس 5 أكاديمك ..؟؟ و أنا بدرس عندهم و في نفس الوقت بحاول آخذ توفل .. عسب ما يضيع علي ، سنوات عمري .. هل تتوقعون برووم ولا ..؟؟ بيكون صعب عليه ..؟؟
و ممكن آخذ الايلتس عندهم ..؟؟

بقولج قصة حياتي انا وربيعاتي دفعة 2006 ونحن اول دفعه توهقنا بالتوفل

طبعا ما كنا نعرف شو يعني توفل ولا غ آيلتس

كانو يدرسونا آيلتس ونمتحن توفل؟؟؟؟

بس نحن خبر خبر ما كنا نعرف

وبعدين احتجينا وغيروا طبعا خلو آيلتس وتوفل بس فالجامعه ماشي امتحان آيلتس

- شو رايكم بدكاترة الانجليزي .. أوكي ولا غلسين ..؟؟ يعطون درجات ولا ..؟؟

انتي شو تبين بدرجات الانجلش ويا الدكاترة اهم شي تفهمين كل شي

لان درجات الانجلش لا تودي ولا تييب

الامتحان اهم شي

وعن نفسي بعد ما دخلت جامعة عيمان أحس اني تغيرت فالانجلش وايد

صرت اعرف ارطن عدل هع هع

الدكاترة اوك لان اصولهم مب عرب هنود وباكستانيين وفيه بريطانيين

الصراحه افضل عن العرب طوول الوقت وهم يهذربون بالعربي

يا بنتي ويا بنتي

بس الانجلش في جامعة عيمان اوكيك

بس مب اطنشين وتقولين مابا ادرس

كل شي يستوي بمجهود الشخص

واسلوب بعض الدكاترة فالجامعه مووووووووووول مب شي

بس فيه منهم اوك

وانتي وحظج

تعرفين الناس اجناس بس الواحد يصبر

- و التدريب في آخر سنة ولا في كل كورس ..؟؟ و عادي ادرب في إمارتي لأني من راكـ ..؟؟

ماعرف والله انتي تربية ماعرف نظامكم

- و كيف طبيعة الدراسة .. هل يكرفونكم واجبات و مشاريع .. ولا الحياة حلوة ..!!

اكيد فيه مشاريع وهوم وورك والحضور اهم شي ولا بتستلمين انذارات

وانذار ورا انذار فصل وحرمان وحاله فيعني الاصطلاب افضل ههههههه

- و ممكن آخذ 4 مساقات .. و اسوي جدولي يومين بالسبوع بس ..؟؟
لأن مثل ما اتعرفون عندي بيبي .. و ما يحب حد غيري ..

اذا 4 مواد هيه ترومين بس انتي وحظج فالمواد لازم تجسلين بكير

بليز بنات ساعدوني .. قبل لا أقبل على خطوة التسجيل .. و بعدين أندم .. و تدرون كل شي ببيزات .. ما اريد اضيع بيزاتي من دون فايدة

أنا اتصلت ابهم .. و قالت لي تعالي و نحن بنشرح لج .. لكن صعب عليه اروح عجمان .. بس عسب الشرح .. اباااااا اعرف كل شي .. عسب ما اتسرع و اندم

و يزاكن الله خير .. و بلييز ردن عليه .. لأن خلاص اريد اسجل .. و الله يوفقني و ييسر أموري ..

هذا الموقع للي تبا تستفيد https://www.ajman.ac.ae/austweb/ar/default0006.html?langid=1

حفظت الموقع شرات اسمي



-





__________________________________________________ __________

>>>> الرد الثالث :
يزاكن الله خير ( كوين فاشن & غرشوبة السمر )

ما قصرتن ^^

__________________________________________________ __________

>>>> الرد الرابع :
وووينكن بنــات ...

يالله أنتظركــن ..

__________________________________________________ __________

>>>> الرد الخامس :

المشاركة الأصلية كتبت بواسطة Bent RAK
السلام عليكم ورحمة الله وبركاته

أشحالكن خوايته ..؟؟ عساكن بخير و عافية

موضوعي .. طالبات جـامـعـة عـجـمـان للعـلوم و التـكنولـوجيا

ألي تدرس بهالجامعة .. ممكن تتواجد .. لأن عندي كمن سؤال .. بخصوص هالجامعة ..

طبعا أنا فكرت أدرس .. و تخصص تربية ، لغة انجليزية ..

الاسألة كالتالي

- هل الجامعة معترف فيها ولا ..؟؟

نعم أختي معترف فيها

- طبعا مطلوب مني توفل أو آيلتس 5 أكاديمك ..؟؟ و أنا بدرس عندهم و في نفس الوقت بحاول آخذ توفل .. عسب ما يضيع علي ، سنوات عمري .. هل تتوقعون برووم ولا ..؟؟ بيكون صعب عليه ..؟؟
و ممكن آخذ الايلتس عندهم ..؟؟

ما عندي فكرة لاني تربية تخصص رياضيات و علوم و مب مطلوب التوفل و لا الايلتس

- شو رايكم بدكاترة الانجليزي .. أوكي ولا غلسين ..؟؟ يعطون درجات ولا ..؟؟

دكاترة الانجليزي مادري عنهم بس دكاترة مواد الجامعة و المواد التربوية زينين و بصراحة انتي و جهدج و شطارتج و الدرجة حسب امتحاناتج و أغلب الامتحانات معقولة و مش صعبة ابدا

- و التدريب في آخر سنة ولا في كل كورس ..؟؟ و عادي ادرب في إمارتي لأني من راكـ ..؟؟

التدريب بيكون في أخر كورس لج في الجامعة طبعا بيكون دوام رسمي مثل المدرسات العاديات في اي مدرسة متعاونة مع الجامعة يعني تداومين الصبح الين الظهر و كل يوم ... بالنسبة لامارتج ماعتقد بس اذا كنتوا قروب بنات و تبون نفس المدرسة و اتفقتوا ويا المديرة اناها تتعاون معاكم يمكن يقبلون ...

- و كيف طبيعة الدراسة .. هل يكرفونكم واجبات و مشاريع .. ولا الحياة حلوة ..!!

و الله يا أختي الحياة الجامعية حلوة واااااااايد صح تمر عليج أوقات تكونين خلاص تعبانة من الكراف و مرااات الواجبات و البحوث و الامتحانات و هالشي طبيعي كل طالب علم يمر به و لا تحاتين ابدا الحياة جدا حلوة ....

- و ممكن آخذ 4 مساقات .. و اسوي جدولي يومين بالسبوع بس ..؟؟
لأن مثل ما اتعرفون عندي بيبي .. و ما يحب حد غيري ..

هيه اختي تقدرين تاخذين من 3-7 مواد في الكورس بس كل ما خذتي أكثر كل ما خلصتي اسرع ... و عادي تقدرين تخلين على يومين بحيث انج ترتبين المواد اللي بتاخذينها على يومين حسب الجدول المطروح مع الاوقات .. و خاصة انتي توج مستجدة يعني بتحصلين فرص وايد مب مثل وحدة في السنة الأخيرة ما عندها الا كمن مادة و مجبورة انها تاخذهم و بالاوقات المطروحة حتى ولو مادة الصبح و مادة العصر تكون مجبورة عشان تخلصهم ... بس انتي الخيارات امامج عديدة تقدرين تنسقين الجدول مع مرشدج الاكاديمي ...

بليز بنات ساعدوني .. قبل لا أقبل على خطوة التسجيل .. و بعدين أندم .. و تدرون كل شي ببيزات .. ما اريد اضيع بيزاتي من دون فايدة

أنا اتصلت ابهم .. و قالت لي تعالي و نحن بنشرح لج .. لكن صعب عليه اروح عجمان .. بس عسب الشرح .. اباااااا اعرف كل شي .. عسب ما اتسرع و اندم

أختي انصحج تدرسين ما شي أحسن عن الشهادة ... السنوات بتمر و بتخلصين و الله يوفقج ياااارب و ييسر امووووورج .... و يزاكن الله خير .. و بلييز ردن عليه .. لأن خلاص اريد اسجل .. و الله يوفقني و ييسر أموري ..

هذا الموقع للي تبا تستفيد https://www.ajman.ac.ae/austweb/ar/default0006.html?langid=1



-