عنوان الموضوع : بشو تنصحوني ؟ انا ابا اشتغل فالفجيرة ؟ تعليم الامارات
مقدم من طرف منتديات الضمير العربي
السلام عليكم ورحمة الله وبركاته
انا طالبة ثانوية عامة والحين ابا اسجل فوزارة التعليم العالي والبحث العلمي .
وطالبين منا نختار 3 جامعات او كليات وانا افكر اولا ادخل كلية التقنية العليا بالفجيرة لاني بشتغل فالفجيرة وانا تخصصي علمي .
1. فهل تنصحوني بالكلية ولا اروح الجامعة احسن ؟
2. لو درست مثلا فالجامعة واييت اشتغل فالفجيرة فهل بيكون معاشي اكثر مقارنة بوحدة درست فالكلية واشتغلنا بنفس المكان ولا كيف النظام يعني ؟
3. كيف اعرف رواتب كل التخصصات ، هل فيه موقع عشان اعرف هذي الشغلة كم يحصلوا فالشهر ؟
4. وانا حاطة فبالي بعد جامعة خليفة شو رايكم فيها ولامرة فحياتي سمعت عنها ؟ واي تخصص هندسة مطلوب اكثر فالامارات
بشكل عام والفجيرة بشكل خاص ؟ ارجوكم اللي عنده خبرة بالموضوع يساعدني ويزاكم الله خير
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
و عليكم السلام و رحمة الله و بركاته ^^
بما اني مواطنه من الفجيرة حبيت افيدج بالتالي:
1- الفرق الوحيد بين الدراسه فالكلية و الجامعه هو اللغه فقط لا غير,, فالكلية بتتقني الانجليزي ان شاء الله اما فالجامعه عن رمسة ربيعاتي يقولوا ابد الاساتذه ما مهتمين باللغه
2- الراتب ما يخصه ابدا بشهادة الجامعه او الكلية ^^ و في اماكن لعلمج ما يهمها اذا انتي جامعيه او عندج ثنوية,, الراتب الجهة اللي انتي مقدمه فيها تحدد لج الراتب بناء على اشياء وايد منها ( الراتب الاساسي ,, علاوة الزواج مادري اذا يعطوا الحرمة و الا بس للريال ,, علاوة الابناء ,, بدل سكن,, زيادة ع الترقية,, و اشياء وايد ) و اذا كنتي جامعية يعني دارسة فالكلية او الجامعه يمكن يزيد راتبه 2000 او 3000 و اعيد و اكرر الراتب ما يخصه اذا كنتي متخرجه من الكلية او الجامعه
3- التخصص ما يخصه بالراتب بعد,, المكان اللي بتشتغلي فيه هو اللي يحدد لج الراتب اللي بتستلميه مثال ( الهندسه يمكن تشتغلي معلمة فالكلية و تستلمي 40 الف ,, و اذا اشتغلتي فشركة خاصه بتستلمي 15 الف و اذا فشركة حكومية بتستلمي 20 الف ) يعني فكل مكان الراتب يختلف ,, اتمنى فهمتي المثال
4- جامعة خليفة جامعه ممتازة بصراحه و فيها تخصصات حلوة ^^ و الهندسه بانواعها مطلوبه فالدولة و فالنهاية انتي بتدرسي شي و بتشتغلي فشي ثاني يعني لا تشلي هم الشغل خخخخ
اتمنى اكون افدتج ^^
و الله يوفقج ^^
__________________________________________________ __________
>>>> الرد الثاني :
وعليكم السلام والرحمه
الاخت ما قصرت وجاوبتج على اسئلتج وانا معاها ف كلامها
والله يوفقج ان شاء الله
__________________________________________________ __________
>>>> الرد الثالث :
يزاج الله خير
فتحتي على كل الخير حبيبتي
شكرا لج انتي خاصة يا حلا الامارات لانج ماقصرتي معاي ابد
وفهمتج عدل مددل يزاج الله مليون بليون ترليون خير
احبج في الله وشكرا بعد dont care
__________________________________________________ __________
>>>> الرد الرابع :
للرفع
__________________________________________________ __________
>>>> الرد الخامس :
رد مع اقتباس
