عنوان الموضوع : جامعة العين فرع ابوظبي او كلية الامارات للتكنولوجيا تعليم الامارات
مقدم من طرف منتديات الضمير العربي

السلام عليكم ورحمة الله وبركاته
مرحبا بنات بإذن الله ناويه اكمل دراستي الجامعيه بس مااعرف شو اختار
انا وايد ضعيفه ف الانجليزية
هل ف كليات بلغة العربية يعني ماتطلب ايتلس ولا توفل يعني ادش تخصص بدون هالزوبعه
يقولون منزلين تخصصات يديده ف كلية الامارات للتكنولوجيا بالعربي نفس شي جامعه العين منزلين تخصصات يديده بالعربي


للي عندها معلومات رجاء لا تخبل عليه☺
خاطريه اكمل دراستي بس مشكلتي الإنجليزي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
وينكم صبايا

__________________________________________________ __________

>>>> الرد الثاني :
معقول 83 مشاهدة ولا رد

__________________________________________________ __________

>>>> الرد الثالث :
في كلية الامارات تخصص اعلام بالعربي يقولون انه سهل بس طبعا من شروط الكلية لازم آيلس او توفل وتواصلي مع كلية الطالبات بيفيدونج اكثر ان شاء الله

__________________________________________________ __________

>>>> الرد الرابع :
هذا من التعليم العالي لازم ايلس او توفل
بتقدرين تيبينهم شدي حيلج

__________________________________________________ __________

>>>> الرد الخامس :
لا تحاتين بالعكس اذا دشيتي اي جامعه بتلاقين عندهم لازم انجليزي
وحتى لو توظفتي كله بالانجليزي اغلب المؤسسات جي

انا كنت مب وايد شاطرة ف الانجليزي وكان عندي مثل مشكلتج
بس دشيت كلية وكنت وايد متخوفه بس عقب درسونا من الاساس
وبالنسبة لي الانجليزي الحين وايد سهل حتى اسهل من العربي
قواعده وكل شيء سهل

توكلي ع الله لا تحاتين خلي ف بالج انه سهل وكل شيء بيكون سهل

الحين فكري في الجامعه او الكلية يلي تناسب طموحج او الشيء يلي تبين تسوينه ف المستقبل ان شاء الله
وشدي حيلج ف السيبا

ربي يوفقج يوفقنا يارب