عنوان الموضوع : أختي المعاقة ؟ محتايه نصايحكن خواتي =) تعليم انجليزي
مقدم من طرف منتديات الضمير العربي

السلام عليكم والرحمة

خواتي أختي الكبيرة معاقة ، عمرها تقريبا 19
تصرفاتها تصرفات أطفال ، تصارخ ، تصفق ، تضحك !
م تتكلم أبدن ، المخ عندهـا فتافيت صغيره ، [ نقص في المخ ]

ببدا من البداية :
هية يوم كانت صغيره كانت طبيعية لين كملت الأربعين يوم ،
عقبهـا بدا أيها الصرع ، وسفروهـا أكثر من بلد وم عرفو شوفيهـا
وتخطيط مخ وهالسوالف ، طبعـا أنـا م أعرف وايد ف التفاصيل بس أسمع من أمي
وأظن أن أمي كلت أدوية وهية حامل فيهـا [ البكر ] / آخر شي فيهأ نقص في المخ

ودوهـا مدرسة معاقين ، بس م أستفادت ، وكانت معاملتهم سيئة ويا المعاقين
وربي لين أحين اذكر يوم أيي باص مدرستهـا ، ونلعب ونضحك ونتضارب مع المعاقين

وعشان يوقفون الصرع ، عطوها أدوية يومية . . وأكلها ورقادها ممنظم
يعني الصبح تقوم تتريق كورن فليكس وعقبة أدويتهـا وتقعد شوي وترد ترقد
والظهر تتغدى [ لـازم مع الروب ] وتاكل أدويتها وترقد
العصر نفس الشي [ أندومي ] وتاكل وتيلس تشوف التلفزيون
والعشى [ + روب ] وأدويتها وترقد

المهم أنـا أحس أني مقصرة وايد وياها
كل وقتها ف غرفتهـا ، م تيلس ويانا الا نادرا جدا جدا !
< نحن نخاف عليها لأن فيها فلات فوت ، وأكثر من مره طاحت ، مره الضربه فـ ريلهـا ومره شفايفها ومره يبهتهـا
أمم نحن يوم نقولها قومي ، تفهم وتقوم . . نقولها يلسي ، تيلس الحمدلله
نمد أيدنـا ، عقب دقايق تمد ايدها تسلم وتقربها من ثمها كانها تبوس أيدنـا
< هالحركة من يوم صغيره كان يدي[ الله يرحمه ] وصديقه يسلمون عليها بهالطريقة ، وكان دوم أييي يشوفها
تمسك الاشيـاء وتلعب ، يلفت نظرها الصور ف الكتب والمجلات ، طبعا تقطعهن ، وكم قطعت كتبية المدرسة وألزقهن

بس اللي قاهرني أنها لو عودناها بتتعود وبنقدر نتعامل وياها ! بس نحن مهملينها !
أنـا وايد مشغولة ف الدراسة لأنها أخر سنة ،
وعندها عادة حاولنها نغيرها بس ماشي فايده ، تحط صبوعها في ثمهـا !
هالحركة تسبب ريحة هب حلوه ، فيها وف غرفتهـا / ويورم صبعهـا عقب
كم مره لبسناها قفازات ، بس م فاد

ممكن تنصحوني ؟
كيف أقدر اعودها ع شي ممعين ؟ عندكن أفكار ؟ جدول معين !
كيف أمنعها من أنها تحط أيدها ف صبوعها ؟

دعولها خواتي ، والله يجعلها شفيعه لنا يوم نلقاه

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يشفيها ويجعلها شفيعة لكم


اب اب اب اب

__________________________________________________ __________

>>>> الرد الثاني :
آمين يارب =) مشكوره حبيبتي م قصرتي

[ كيف أمنعها من أنها تحط أيدها ف صبوعها ؟ ]

خخخخخخخ توني أنتبه ، ي الفشلة ش هالجملة الغير شكلُ . . قصدي صبوعها في ثمهـا ههه

أتريـا نصايحكن بنات =)

__________________________________________________ __________

>>>> الرد الثالث :
الله يشفيها ولكم الأجر عليها إن شاء الله .. دايما إشغلوا إيدها بلعبه مثل هالدباديب والقطط والعرايس بعد مهمه تساعدها على التفاعل وياهم .. وتسلمين

__________________________________________________ __________

>>>> الرد الرابع :
الله يآجركم على رعايتها

__________________________________________________ __________

>>>> الرد الخامس :
الله ياجركم بس اختي نصيحة ودوها اي ناادي تلعب مع المعاقين وتضحك واتجوف الناس لا اتعودوها على العزلة

وبعدين هاااي البنت من الاربعين ياتها العين مو بسبب الادوية الي امج استخدمتها


وحاولوا اتقعدوا عندها واتلعبوا وياها بعد حسسسوها انكم مهتمين فيها لا اتخلوها بروحها تراه الوحدة تقتل


انا باحثة اجتماعية وعارفة لهاي الامور ودائما حسسسوها انكم مشجعينها ولا تحبطوها باي شي اتسويه