عنوان الموضوع : !!.. بنات رتبت جدولي بالتفصيل لاوروبا .. حياااكن يمكن تستفيدن ..!! احتياجات خاصة
مقدم من طرف منتديات الضمير العربي

هلا والله وغلا بنااات ..

شحالكن ؟؟

أنا انشاءالله مسافره اوروبا وهذي اول مره لي اسير
يعني ما اعرف شي اهناك ..
ورتبت لي رحله فيها كل الاماكن والمنااااطق
واباكن تطالعونها وتعطوووني ملاحظاااتكن ..


يعني يمكن انا ذكرت مكان مب لي هناك وفي مكان احلى ..
بس اللي سااااااااارت تخبرني ..
ما ابا وحده تقولي انا سمعت جيه جيه بس ما رحت !!!


المهم ما بطول عليكن واذا عيبتكن الرحله حلااااال عليكن خذوها ..
^.^

الرحله راح تكون الــى أوروبا
:: النمسا :: المانيا :: سويسرا :: فرنسا ::

عن طريق طيران النمسا .. << تنصحوني به والا اغيره !!


ونحن بنطلع من البلاد فليل عسب نوصل اهناك الصبح جيه .. ونشوف اوروبا عدل من فوق .. ونستغل اول يوم ^.^
<< ذكيه صح ...


الثلاثا 29 - 7 ( النمسا - فيينا )
< أكيد بنوصل الظهر تعبانين .. بنريح شوي فالفندق وعقب بنسير ونتغدى ونتمشى فالمنطقه اللي نحن فيها .. ونكتشف المكان واذا حسينا ان في وقت بنروح عند نهر الدانوب بنركب القاااارب وبنتعشى وبنرد ونرررررقد >

الاربعا 30 - 7 ( النمسا - فيينا )
< بنروح رحله سياحيه بنخلي اللي فالفندق يرتبوها لنا يعني مثلا بنسير القصر الامبراطوري او قصر الشونبرون وهو قصر تاريخي كبير وااايد و ملحق به حديقة انيقة للحيوانات اكتسبت شهرتها من وجود دب الباندا >

الخميس 31 - 7 ( النمسا - فيينا )
< بنسير منطقه Kahlenberg وهي منطقة جبلية مرتفعه تطل على فيينا ونسير لها فالباص والمنطقه فيها مقاهي وكشكات ومحلات ايس كريم ومحلات مأكولات خفيفة – سناكس - و نروم نشوف برج الدانوب >

الجمعه 1 - 8 ( النمسا - زلامسي )
< من الصبح بنودع فيينا وبنسير زلامسي .. بنروح الفندق وبنريح شوي وعقب بننزل ونتمشى تحت ونكتشف المكاان ونطالعه وبنسير عند بحيره زلامسي وبنركب القارب واذا شي وقت بنلعب فالالعاب المائيه >

السبت 2 - 8 ( النمسا - زلامسي )
< من الصبح بنطلع وبسير لشلالات كريميل .. وبنات بسالكن شي وقت نسير قريه سلفيلدين اللي فيها الزحليقه الكبيره ؟؟؟؟
لاني ابا اسيرها وابا اتزحلق ويا ريلي .. هع هع >

الاحد 3 - 8 ( المانيا - ميونخ )
< الصبح بنتمشى فزلامسي وبنسير نتغدى وجيه وعقب بنسير المانيا .. بنوصل وبنريح شوي .. وبننزل الشوووبننخ فميونخ وبنتمشى ونكتشف المكان هع هع >

الاثنين 4 - 8 ( المانيا - ميونخ )
< من الصبح بنظهر وبنسير قارمش ( وايد يمدحونها ) بس انا محتاره بين قارمش والا مدينه الالعاب europa park
وع فكره ترى ريلي ساير المانيا وما عيبته عسب جيه ما بنطول بها بس عسب خاطري بنسير .. >

الثلاثا 5 - 8 ( النمسا - زلامسي )
< من الصبح بنطلع بنرجع زلااااااااااامسي .. وبنريح شوي .. وعقب بنسير منطقه كااابرون المنطقه الثلجيه .. طبعا بنتزلج وبنخلص اليوم كله اهنااك >

الاربعا 6 - 8 ( النمسا - زلامسي )
< بنروح جبل Grossglockner اعلى قمه فالنمسا .. >

الخميس 7 - 8 ( سويسرا - انترلاكن )
< بنتغدى فزلامسي .. وبنودعها .. وعقب بننطلق لسويييييسرا .. واكيد بنوصل فليل وبنريح .. وبننزل ناكل ونتمشى تحت .. واكيد اذا شفت سوق بدش طبعا .. >

الجمعه 8 - 8 ( سويسرا - انترلاكن )
< بنتمشى فوسط انترلاكن ف عربات تجرها خيول .. وبنروح كل مكان .. يعني مب مكان معين .. جيه بس بنتمشى >

السبت 9 - 8 ( سويسرا - انترلاكن )
< بنسير مرتفع جنغفرو .. بنروحه من الصبح فالقطار ويبالنا يوم كامل فيه .. لان فيه كهف جليدي .. ونهر جليدي .. وثلوج ومبنى من زجاج .. احس روووعه ما يتفوت هالمكان >

الاحد 10 - 8 ( سويسرا - انترلاكن )
< mystery park .. رحله تاريخيه وما ادري اذا في وقت نسير schynige platte اللي فيه معرض العرايس وحديقه جبال الالب .. >

الاثنين 11 - 8 ( سويسرا - انترلاكن )
< عاد هاليوم بنخلي حد يودينا احلى الاماكن اللي فانترلاكن .. يعني جوله سياحيه ع ذوووقهم >

الثلاثا 12 - 8 ( سويسرا - انترلاكن )
< بنسير مدينه لوزرن وبنتحوط فيها .. يعني بنسير السفينه .. والبحيره الزرقا وهالسوالف >

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الاربعا 13 - 8 ( فرنسا - باريس )
< بنطلع من الصبـــــح بنسير باريس .. ونحن بنحجز فديزني لاند .. عاد ما ادري متى بنوصل .. لو وصلنا بسرعه بسير السووووووووووق وبنتمشى فباريس وبنتعشى فبرج ايفيل ..
الجو هنااك وااايد رومنسي .. >

الخميس 14 - 8 ( فرنسا - باريس )
< هاليوم بنخليه ليورو دزني يعني طول اليوم لعب و وناااسه >

الجمعه 15 - 8 ( فرنسا - باريس )
< انشاءالله بنروح الشانزليه وابا اسير اتشرى اغراااض ,,, تعرفون باريس بلد الماركات .. ابا اخلص ماركاتهم خخخخخ .. واذا في مجال خاطري اسير متحف اللوفر .. >

السبت 16 - 8 ( فرنسا - الامارات الحبيبه )
< انشاءالله راااح نرجع الامارات .. ونوصل بالسلامه .. ونحن مشتااااااااااقين لها ولترابها
بس طبعا مب لجوها >

ها بنات شرايكن فالرحله ؟؟؟
تراني بروحي رتبتها حتى ريلي ما ساعدني
اذا في شي غلط والا في ملاحظات خبروني وانصحوووني ..

وعن الفناادق بنخليها للشركه اللي بنحجز عندها التذاكر والفنادق ..

واترياااااااكن حبيباتي ..

ورحله سعيـــــــــــــده للكل انشاءالله

دعواااتكن بليز ..

__________________________________________________ __________

>>>> الرد الثاني :
ان شاء الله تستانسون الغاليه
الله يحفظكم

__________________________________________________ __________

>>>> الرد الثالث :
بنات عادي باب النقد مفتوح خخخخ

حليلي اول مره ارتب جدول السفر بروحي ..

__________________________________________________ __________

>>>> الرد الرابع :

المشاركة الأصلية كتبت بواسطة ورد طايفي
ان شاء الله تستانسون الغاليه
الله يحفظكم



آآآمين يا رب ..
ويحفظج يالغاليه .

مشوورة ع ردج الحلو

__________________________________________________ __________

>>>> الرد الخامس :
رحلة سعيدة ان شاء الله

بس لا تنسين في انترلاكن تروحون
توب اوف يورب
جبل حلووووووووو تروحونه بالقطار
اعلى جبل في لوروبا وفيه ثلج