الصراحه السنه اللي طافت سافرت كيرلا
استمتعت وااايد وخاطري اسير مره ثانيه
نزلنا بكوتشي مطار كوتشي يعني وقعدنا فيها يومين
وبعدين رحنا البي ورحله بحريه بهر البي من احلى ايام حياتي
وبعدها سرنا مونار
سبحان الخالق والشلالات والمناظر اللي ما تحلمين فيها والمطر والجو البارد
وجبال الشاي
وبعدها ختمنا بتكدي
سبحان الخالق
اصبري بنزل لج بعض المناظر
وان شاء الله اكون افدتج اي استفسار حاظره
وفنادقها روعه منتجعات في غاية الجمال والروعه
بس ما راح تاكلون الا بالفنادق لانها الاضمن الشعب حبوب ومثقف جدا
يعني يتكلمون انجليزي من صغيرهم لكبيرهم طبعا على شان الاستعمار
حتى العجايز يرطنون
والمدينه اللي هي كوتشي فيها محلات للخام والقطع روووعه
يعني ان شاء الله راح تستمتعين بس ما فيها اكثر من اللي ذكرته يعني اذا ناويه تتسوقين اللي عندهم على قدهم يعني مب مثل بومبي
حبيبتي اخر منطقتين خبرتج عنهم مونار وتكدي
برد من الخاطر يعني صقيع
ممكن تكون درجة الحراره فيها تحت الصفر احيانا لانها مرتفعات
يعني حطي حسابج على اللبس الثجيل للعيال
حتى فنادقهم ما فيها مكيفات الا قليل اكثر فيها الدفايات
وكلها جبال شاي ومزارع بهارات
اقسم بالله راح تكون رحلة العمر اذا انت من الناس اللي تحب الاستجمام والمنظر الحسن والطبيعة البارده
واذا تبين رقم دريول يعرف يسوي لج برجرام هناك انا حاظره
بعطيج رقم واحد امين وحريص جدا
وان شاء الله الله يسهل عليج
واذا تبين صور اكثر قول لي لي
لاني مصوره اكثر من الف صوره
والسموحه
رد مع اقتباس
