عنوان الموضوع : .. خلاص بسير اوروبا بس ابا مشورتكن ظرووووري ... لذوي الاحتياجات
مقدم من طرف منتديات الضمير العربي
مرحبا بنات شحالكن ..
فديتكن خلاص نحن قررنا نسير ( ايطاليا + سويسرا + المانيا + النمسآآآ )
بس ما اعرف شو احلى المناطق فهالدول ..
والمشكله ان بنقعد تقريبا فكل دوله 5 ايام ...
واباااكن تقولولي شو احلى المناااطق ..
ابا مناطق رومنسيه وفيها طبيعه ..
وع فكره ترانا يمكن ننسافر 13 - 7
ابا اعرف شو جوهم ؟
وفي ثلج والا لا ؟؟؟؟
انا اخترت فايطاليا فينيسيا <<< في مكان احلى عنه ؟؟؟؟
واخترت فالنمسا << زلامسي وفيينا
والمانيا <<< ميونخ للشوبنغ
بس سويسرا ما اعرف ..
انصحووني وخبروني ..
ابا استاااااااااااااااااااانس فهالسفره ..
ابا اعيد شهر العسل لوول ^.*
اترياااكن بسرعه ...
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
وينكن بنات ؟؟؟
__________________________________________________ __________
>>>> الرد الثاني :
هلا الغالية
إذا تبين مناطق حلوة و هادية في سويسرا سيري لوزان Laussan مدينة واايد هادية و حلوة و خاصة المنظر اللي على بحيرة جنيف .. يلسي في فندق موفينبيك اللي على البحيرة المنظر روعة
إستخدمي الباصات مالهم .. تجربة جديدة
السوق في لوزان .. خذي الباص لين محطة Las fransecco و نزلي فيها
لا تسيرين جنيف زحمة و كلها عرب ....
ملاحظة : أخذي معاج ثياب شوي ثقيلة لانه برد و أهم شي المظلة
هاي بعض الصور من لوزان
البحيرة
__________________________________________________ __________
>>>> الرد الثالث :
انا انصحج تكنسلين دوله وحده ..اللي هي ايطاليا ..لان طابعها غيير ..
خليها سفره لحالها مستقبلا ..
وسيري الثلاث دول الباجيات وهم بعد قراب من بعض ..
المانيا سيري فرانكفورت ..احلى للشوبينغ من ميونخ ..وانا حسيت جوها احلى بعد والطبيعه احلى ..خاصه في الشتا ..
زيلامسي ما حبيتها وريلي سارلها من شهر تقريبا وسار النمسا ويقول بعد ما لقينا هاك الجو الحلو او الطبيعه او المناظر ..ترى احلى تكون في شتاهم ..شهر 7 اعتقد الجو يكون معتدل ..
سويسرا سرتلها مرتين واعتبرها جنه ..خاصه لو عرفتي تروحين المناطق الحلوه ..لوزرن ..انترلاكن ..
تاكدي من درجه الحراره قبل السفر وخذي ملابس ثقيله شوي وجوهم متقلب ..خاصه النمسا يوم تلقينه حر وشمس ويوم يكون مطر وبرد ..وان شاء الله تستانسين في رحلتج ..
__________________________________________________ __________
>>>> الرد الرابع :
مشكووورة حبيبتي ع المعلومات ...
والحينه سويسرا محتاره بين لوزرن وانترلاكن ....
والمانيا محتاره بين ميونخ وكولم ؟؟
شو تنصحوووني ؟؟؟
بليز ردوا علي ابا احجز ...
وشو الجو .. بارد والا حااار ؟؟؟
__________________________________________________ __________
>>>> الرد الخامس :
المشاركة الأصلية كتبت بواسطة طبشوره
انا انصحج تكنسلين دوله وحده ..اللي هي ايطاليا ..لان طابعها غيير ..
خليها سفره لحالها مستقبلا ..
وسيري الثلاث دول الباجيات وهم بعد قراب من بعض ..
المانيا سيري فرانكفورت ..احلى للشوبينغ من ميونخ ..وانا حسيت جوها احلى بعد والطبيعه احلى ..خاصه في الشتا ..
زيلامسي ما حبيتها وريلي سارلها من شهر تقريبا وسار النمسا ويقول بعد ما لقينا هاك الجو الحلو او الطبيعه او المناظر ..ترى احلى تكون في شتاهم ..شهر 7 اعتقد الجو يكون معتدل ..
سويسرا سرتلها مرتين واعتبرها جنه ..خاصه لو عرفتي تروحين المناطق الحلوه ..لوزرن ..انترلاكن ..
تاكدي من درجه الحراره قبل السفر وخذي ملابس ثقيله شوي وجوهم متقلب ..خاصه النمسا يوم تلقينه حر وشمس ويوم يكون مطر وبرد ..وان شاء الله تستانسين في رحلتج ..
مشكووووره حياااتي ع الرد وع المعلومات الحلوة ..
وحراام انا من متى ابا اسير ايطاليا .. حتى لو يوم واحد .. خخخ
وانشاءالله مره ثانيه بنسير لها بروحها ..
^^
وليش جيه قلتي عن النمسا
احس انها احلى بلد من هالبلدان ..
ويااارب يكون جوهم حلو .. لاني شاارده من الحر والرطوبه ..
انزين اي احلى فسويسرا لوزرن ما اعرف شو اسمها خخخخ والا انترلاكن ؟؟؟
ابا طبيعه واشيا حلوة ..
رد مع اقتباس
