عنوان الموضوع : خلطة تبييض ريحتها تهبل تخلي الجسم مثل الحرير وتبييضها مو طبيعي لجمال الجسم
مقدم من طرف منتديات الضمير العربي

مرحبا شخبارك
رجعت لكم من جديد وجايبه لكم خلطه جنان بالعربي
بياض<< يمه وش جاب هاذي هذي سوده بس صدقوني بياض

طبعا قربنا ع الصيف
ولقيت هذي الخلطه
وحبيت أنقله لكم
بس بعد ماشفت ناس استخدموه ونتائج جنان
وأتركم
مع الخلطه


السلام عليكم شوفو بنات ترى ما احل الي تدش مواضيعي وما ترد واله ما احلها إلا الي عندها ظروف قاهرة يعني كمبيوترها معنفص ولا شي مو تقعد تدلعلي وتكيسلي تنزل لآخر الصفحة وتكتب فهمتوا زين شسوي حديتوني على الطريقة
واااااا بنااات
بقولكم سري الخطير
خلاتي اله يسلمكم مشهورين بالزين (طالعين علي ) خخخخخخخخ المهم وهذي خلطتنا ما نستغني عنها والله ان كل وحدة تنخطب او تملج تقوم تسويها واله ذاك اليوم خالتي مسويتها بطل بسي الكبير الي 3 ريال عندكم الحجم العائلي تارسته من هالخلطة
وريحتها تهبل وتخلي الجسم مثل الحرير وتبيضها مو طبيعي
روعة روعة روعة روعة روعة
واله كل ماخلصت تجمعنا وسوينا ورشة عمل نسويها
كل ليله نحطها تهبل تينن روعة ولا سهلة ما تتصورون
بسيطة جدا بدا
المهم

تتكون من اربع عناصر

أولا : غرشة كلونيا رفدور تعرفونها ؟؟ تلاقونها بالعطاطير بالجمعيات وبكل مكان
حتى خالتي من كثر ما تحبها تروح تحطها على الفرش والمخدات لمن كانت عروس تعرفون بالايام الاولى بعد كشخة تقول الريحة تهبل وتقعد شهور

ثانيا: علبة فكس صغيرة بناات لا تهولولي فكس ريحته مو حلوة نفاذة عادي كلها ربع ساعة من تحطينه وتروح الريحة وبعدين ترى مع الكلونيا والاشياء الثانية تروح الريحة تصير جنها ريحة عطر

ثالثا: علبة جلسويد الأحمر انتبهو جلسويد مو جلسرين اوكيك
رابعا : قلاص او كاس عصير ليمون لا تقولولي يخيس ما يخيس كاهي الخلطة عندي ياها من سنه وقاعدة لا خاست ولاهم يحزنون بس البنات لازم يتفلسفون يعني من زود السنع بس
خلطيهم آنه ماراح احكرج بمقادير معينه الي تبيها ثقيلة نوعا ما تخفف الكلونيا واليمون والي تبيها خفيفة مثل السائل وآنه افضلها جذي تزيد الكلونيا واليمون تبين تخففين الريحة حطي شوي فكس مو كل العلبة
انزين على طاري يمكن الكلونيا واليمون تسوي تهيج حق الي فيها حب شباب أو حساسية زين فلا تحطينه على ويهج انزين بس تحطينها على كل جسمج انزين
بنااات كيفكم إذا خفتو من الكلونيا مثل ما قالت أختي هام السحاب حطي كحول نقي من الصيدلية وترى هذي الكلونيا مخصصة لجسم أصلا يعني ما منها خوف انزين وبعدين شسوي فيكم جم مرة احط موضوع المشاركات وحدة ولا ثنتين افتشل حيل انتو ما تحسون باحسااسي


وشكرا

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
مشكورررررررررة عزيزتي
بانتظار المزيد
ودي

__________________________________________________ __________

>>>> الرد الثاني :
مشكوووووووووووورة ياقلبي


بس سؤال نحط الخلطة بعد الاستحمام

__________________________________________________ __________

>>>> الرد الثالث :
شكرا عالموضوع


ومدام انتو مجربين الخلطه انشاء الله نجربها

__________________________________________________ __________

>>>> الرد الرابع :
يعطيكي العافيه بس غريبه الوصفه

__________________________________________________ __________

>>>> الرد الخامس :
المشاركة الأصلية كتبت بواسطة عسولة بغداد مشكورررررررررة عزيزتي
بانتظار المزيد
ودي




نورتي غاليتي