عنوان الموضوع : ممكن صور أو معلومات عن صلالة التدريس الاماراتي
مقدم من طرف منتديات الضمير العربي

حبيباتي عزمنا نطلع هذه السنة الى صلالة حد عنده صور أو معلومات تفيدنا عن صلالة ..شاكره لكم تعاونكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
صلالة وايييد حلوة جوها رهيييب بس لو حبيتو تسكنون في الفلل ف خذو في منطقة دهاريز الشمالية هي منطقة حيوية ولكن شققها وفللها مب هاك الزود
بالنسبة للمناطق السياحية فهي كالآتي : جبل اتين وفيها قبر النبي ايوب بس انتبهو وايد يوم بتصعدون اليبل لان الأرض زلق والضباب كثيف والرؤية منعدمة تقريبا / منطققة عين رزات بس ما انصحج فيها لان فيا وايد حشرات صغيرة / عين دربات / المغسيل وهي منطقة تطل على بحر العرب والجمال الي فيها ان البحر يضرب في اليبل ويكون لوحة رائعة سبحان من خلقها
انشاء الله اختي افدتج

__________________________________________________ __________

>>>> الرد الثاني :
صلاله حلوة وايد بس مب في هالوقت لان هالخريف توه بادي

يعني من نص شهر سبعه لاول ثمانيه غالبا تكون أحلى لهالسبب البعض يوم يروح يقول حلوة وحد يقول مب شي

فقبل ما تروحون وتبون تشوفونها بشكل خيالي اختاروا الوقت المناسب

اما مناطقها حلوة ومثل ما قالت الاخت

اذا عايلة لازم فله وتعتمدون تكون معاكم شغاله عشان تساعد في الطبخ من الصبح وتطلعون

او تاخذون ذباح وتشوون برى

واذا اثنين او معاكم طفل او طفلين ممكن تروحود السعادة للشقق الفندقيه

احيده حلو

والسموحه

__________________________________________________ __________

>>>> الرد الثالث :
احنا بعد اختي عزمنا نروح صلالة ، وطبعا جوها روعة من نصف 7 لآخر 8 ، أما شهر 9 فخلاص يرجع جوها عادي ، احنا تقريبا نروحها كل صيف ، ونزور نفس الاماكن الذي ذكرتها الاخت ، وسكنا في منطقة السعادة بس لازم تحاولي تحجزي قبل ، لأن السكن المناسب صعب يتحصل ، وبالتوفيق

__________________________________________________ __________

>>>> الرد الرابع :
انابعد سايره صلاله كمن مره واحلى الاماكن اللي سرناها,, المغسيل وعين جرزيز وعين صحنوت والغابه على مااظن وطبعا اهم مكان للالعاب مركز البلديه الترفيهي,, صلاله حروه بشكل عام بس على نص 8 يكثر البعوض فيها ,,اخر مره سرناها تمينا لين 15- 8 ويوم ردينا طلعت اثار التقريص على اليهال وحتى الكبار من البعوض بس انصحج تاخذين مرهم يبيعونه هناك ف الصيدليات بس قوليلهم ابا مرهم او رش عن البعوض وهم يعرفونه وشي وايد انواع تحطينه وقايه عن البعوض وبالنسبه للسكن انصحج تحجين من قبل نحن سكنا اخر مره في شقه وكان اسم البنايه,البرعمي,,لانه ماتحصلين حجز خاصه اذا كنتو جماعه وايدين لانه ماشالله كل مكان تسيرينه يقولون فل فل ف احسن تحجزون من قبل
وبشكل عام صلاله حلوه واهل الامارات هناك ماشالله في كل بقعه اكيد بتستانسون هناك ...

لي عوده وبحطلج بعض الصور الغاليه

__________________________________________________ __________

>>>> الرد الخامس :
هاي الصور واسمحيلي عاد ع الكوالتي لانهن من التلفون,,,,

[IMG][flash width=400 height=350]https://www.uae4pic.com/~up/uploads/1e624f8211.jpg[/flash][/IMG]


[flash width=400 height=350]https://www.uae4pic.com/~up/uploads/4d49bbef0a.jpg[/flash]

[flash width=400 height=350]https://www.uae4pic.com/~up/uploads/52598da346.jpg[/flash]

[flash width=400 height=350]https://www.uae4pic.com/~up/uploads/63291ea498.jpg[/flash]


[flash width=400 height=350]https://www.uae4pic.com/~up/uploads/7f9d44503c.jpg[/flash]