عنوان الموضوع : سوريا ولبنان ..؟!؟!؟! احتياجات خاصة
مقدم من طرف منتديات الضمير العربي

الرجاء خواتي اللي زارت سوريا ولبنان تعطيني بعض المعلومات والنصائح اللي استفادت منهم في زيارتها ..

كذلك اسماء الفنادق والأماكن السياحية اللي ماتتطوف ..

( حطوا في بالكم اني أحب التفاصييييييييييييييييييييييييييييييل الدقيقة )


جزاكم الله ألف خير ..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
وينكم ؟؟؟؟

حتى لو مب تفاصيل ..

بس ادخلوا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

__________________________________________________ __________

>>>> الرد الثاني :
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

__________________________________________________ __________

>>>> الرد الثالث :
للرفع

وانا شراتج ابغي شوي معلومات

__________________________________________________ __________

>>>> الرد الرابع :
ما انصحك تروحي لبنان حاليا لانو الوضع الامني غير مستقر

__________________________________________________ __________

>>>> الرد الخامس :
هلا الغالية .......
المناطق الحلوة والسياحية والباردة في الصيف اللي في سوريا واللي بتحصلينها كلها خليجيين
هي بلودان فوق والزبداني تحت وما يفصل بينهم إلا شارع صح فيه فنادق بس أغلب الناس اللي تسير هناك تستأجر شقق أو فلل والسوق ف شارع واحد في الزبداني بتلاقين فيه كل شي من محلات ومطاعم وفيه بعد مهرجان وييبون بعد فيه مطربين وفيه مهرجان ثاني بعد مب في السوق في مكان ثاني في الزبداني فيه يكون معرض وألعاب للصغار وعروض سيرك وقطار ايمشيج في منطقة المعرض وفي بعد حيوانات .... فيه بعد عين بقين وسبحان الله مايها بارد وحلو جنه من الثلاجة وفيه بعد مطعم .... وبعد نبع بردى فيه مراكب تركبين في النبع ... وعين الزرزر نفس الشي وهناك بتشوفين خيول وعربات والناس كلها تتفسح وتتمشى بس العيب اللي فيهم يستغلون الخليجين ويقصون عليهم وياخذون منهم زيادة عاد نحن نعرف لهم لأنا سايرين أكثر من مرة ...... وقبر سيدنا هابيل عليه السلام بعد...... في بلودان حلو تسيرين مطاعمهم لأنها ع الجبال مثل مطعم مورا وزاده وفيه بعد أسواق وبعد ايسون معرض كل صيف
فيه حديقة كبيرة أسمها الأرض السعيدة على طريج دمشق فيها ألعاب خطيرة ونفسها للصغار ...
وإذا حابه تتسوقين من دمشق العاصمة من سوق الحميديه وهو سوق جديم فيه البوضة العربية بروحهم ايسونها وإذا مشيتي شوي ع داخل بتحصلين المسجد الأموي فيه قبر سيدنا ( يحيى ) وبعد فيه سوق الصالحية وجبل قاسيون أحسن شي الواحد ايسيره في الليل لان هناك جلسات ومطاعم ويكون الجو فيه وايد بارد
ومن المناطق المشهورة في سوريا حمص وحلب فيها فنادق مثل ( الميرديان ) ومنها تقدرين تسيرين من حلب للاذقية إذا ما كان عندج سيارة تاخذين القطار فيه سريع وفيه عادي بس بطئ واللاذقية منطقة ع البحر يعني أقدر أقولج جوها في الصيف حار نحن استأجرنا سيارة وتمشينا فيها وسرنا كسب منطقة حلوة وباردة ع الحدود التركية بس للأسف ما كنا ماخذين جوازاتنا ولا دخلنا تركيا وبعد منطقة حلوة حذالها أسمها صلنفة وفيه أماكن وايد وحلوة
وتسلمين الغالية عساني فدتج .....