عنوان الموضوع : العمرة 00 اول مرة 00 في الامارات
مقدم من طرف منتديات الضمير العربي

خواتي 00000000000


بسم الله الرحمن الرحيم 000


ان شاء الله عيالي بيسيرون العمرة ضمن رحلة المركز الصيفي وبيتمون 15 يوم 000



شو احط في شنطتهم ؟


واحتمال كبير اكون انا وياهم فشو اخذ وياي ؟


الرحلة بتكون بالباص 00000000


عطوني كل التفاصيل 00 شو اخذ وشو ظروري 0000000 الخ


والتطعيم ظروري ولا مب ظروري لانهم طالبين على عيالي تطعيم 000

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

__________________________________________________ __________

>>>> الرد الثاني :
الافضل تطعمينهم

بالتوفيق ان شالله

__________________________________________________ __________

>>>> الرد الثالث :
أختي نحن من يومين رادين من السعودية

طبعا أول شي سرنا العمرة و عقبها سرنا أبها ..

بقولج عن تجربتي ..

طبعا التطعيم وااااااااايد ضروري ..

لأني وايد عانيت في العمرة من أمراض السفر..

و اليهال بعد ..يحليلهم ما سلموا .. حتى بنت أختي الصغيرة جاسها جفاف بسبة الاسهال و الترجيع و الحمى ..

أنا مب قاصدة أخوفج بس أقولج انه أهم خطوة (((التطعيم)))

ثاني شي ..

الأغراض اللي بتحتاجونها ..

1) خذي أشياء خفيفة حق الدرب (سلايز - جبن - شيبسات - بسكوت - مكسرات ) المهم شي خفيف
2) طبعا بما انكم مسافرين فالباص فطبعا بتنزلون استراحات ( يعني أكيييد بتحتاجون مناديل ديتول ) و (معقم اليدين) .
3) تحسبا لأي مرض - لا سمح الله - لا تنسين الادوية الاساسية مثل أدوية ( الاسهال - الترجيع - أدول - مضاد حيوي)
4) هناك ما تضمنين نظافة الفراش فأنصحج تاخذين معاج هاللحافات الخفيفة .

هذي أهم الاشياء
ان شاء الله أكون أفدتج بشي
و في بعد شي واااايد مهم

بما انها اول مرة عمرة لازم تروحين تاخذين كتيبات تعرفين كيف تأدين العمرة و بنصحج بنشرة لابن باز اسمها (صفة العمرة ) بسيطة و مختصرة
علمي عيالج كيف بيعتمرون و شو يسون في الميقات و الطواف و السعي و الادعية اللي يقولونها .
و عمرة مقبولة ان شاء الله؟

تروحون و ترجعون بالسلامة.

__________________________________________________ __________

>>>> الرد الرابع :
اختي وضحى 000 مشكور كفيتي ووفيتي 000

وطعمت عيالي وللة الحمد بس عن الحمى الشوكية 000

وكل الاغراض اللي قلتيها حطيتهم في هاند باك صغير بيكون وياهم في الباص 00

واللبس الغالية 000

شو اخذ لهم ؟


يعني انا اشتريت لهم صنادل 00 احسههم عمليات واحسن عن النعول !!!!!!!!!!


واشكرج مرة ثانية وعمرة مقبولة ان شاء الله

__________________________________________________ __________

>>>> الرد الخامس :

المشاركة الأصلية كتبت بواسطة AMAL**
الافضل تطعمينهم

بالتوفيق ان شالله



لله الحمد طعمتهم 0000000000

والف شكر