عنوان الموضوع : الثريااا وصلت من السفر تعليم الامارات
مقدم من طرف منتديات الضمير العربي
الحمدالله وصلت من السفر
واتفضلو تقريري المتواضع
شوفو يا بنات اول رحلتي من مطار دبي الى فرنسا وسكنا في فندق تيوليب ان لافيل يبعد عن ديزني لاند عشر دقايق سرنالها ثلاث مرات
صراحة الفندق ما عليه كلام وفي منطقة مريحة وهادية جدا ويبعد عن باريس تقريبا ساعة
وبعد اسبوع سافرنا المانيا عن طريق مطار اورلي في فرنسا واستلمنا سيارتنا من مطار المانيا
وهناك سكنا في فندق الاندلس في اوروبا بارك صراحة الفندق رهيب ورائعة ديكوراته وحديقة اوروبا بارك روعة روعة كلها لعب في لعب ويلسنا في الفندق اربع ايام
وبعد اربع ايام سافرنا سويسرا في السيارة تبعد عن وسكنا في فندق ماي سويت في جنيف
يبعد الفندق تقريبا خمس دقايق عن بحيرة جنيف
صراحة الفندق عبارة عن سويتات صغيرة
وتمينا في سويسرا اسبوع ما خلينا مكان ما سرناله
وبعد اسبوع سرنا النمسا بعد بالسيارة صراحة الطريج خفيف وما ينحس به من البرودة ورعة المناظر
المهم سرنا كابرون بس مب المدينة الاطراف وسكنا في فندق صراحة خيالي
مثل الكوخ وكله ورد حتى الجدران ورد
مزارع البقر من حوالينا واشجار التفاح والكمثرى والعنب والمشمش متناثرة في كل مكان
وصراحة شبرنا النمسا شبار ما خلينا مكان ما سرناه
الشلالات والمناطق الجبلية وسالزبورج وزلامسي والحدائق
وصراحة زيلامسي الوحيدة اللي ما عجبتنا لان اللة يهداهم العرب الموجودين فيها انتزعو كل الرومانسية والهدوء اللي فيها
زحمة وحشرة ويولة وشباب فاضيين على المقاهي يتفرجون على الساير والياي
وغيرهم من الشباب اللي يتفشرون بالسيايير
واليهال يراكضون
صراحة دوشة لاا توصف
المهم يلسنا في كابرون خمس ايام ثم انتقلنا اللى افيينا وسكنا في فندق سويت روعة ونضيف
فيينا روعةواسواقها روعة روعه خصوصا C&Aروعة وحلو حق الصوايغ والهدايا
وبعد ثلاث ايام ردينا بلادنا الحبيبة عن طرق مطار افيينا
بلادي بلادي ولو جارت علي السنين
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الحمدالله عالسلااامه غلاااي ^^
__________________________________________________ __________
>>>> الرد الثاني :
الحمددلله ع السلامة يا الغلا
__________________________________________________ __________
>>>> الرد الثالث :
__________________________________________________ __________
>>>> الرد الرابع :
الحمد لله على السلامة حبيبتي والحمد لله اللي استانستوا
وانا اتفق معج بالنسبة للعرب الله يهديهم يخربوا كل شي حلو بتصرفاتهم...
__________________________________________________ __________
>>>> الرد الخامس :
الحمدلله عالسلامة ونتريا الصور ولا ماصورتي
وبالفعل الانسان مهما دار ولف الدنيا مرده لبلادة ويرجع متوله عليها
رد مع اقتباس
