عنوان الموضوع : ღ♥ღشهر العسلღ♥ღفي قلب المحيط الهندي♥ღقولوا ماشالله تعليم الامارات
مقدم من طرف منتديات الضمير العربي


السلام عليكم ورحمه الله...شخباركم الغاليات وحشتوني...والله اشتقت للمنتدى....بعد غياب دام اشهر والسبب انشغالي بتجهيزات العرس...عقبالكم يارب..رجعت وحبيت احطلكم تقرير بسيط عن شهر العسل اللي ماكنت اعرف وين بروح الا فالمطار....بسس كانت أحلى مفاجأه...الرحله كانت لجزر سيشل..قمه فالروعه والسحر والجمال والرومانسيه...سبحان الله طبيعه خلابه.. والجو روووعه مره مغيم ومره مطر مع انه مش موسم المطر...والأحلى انه خلال الرحله بس شفنا عربي واحد عالجزيره...كله اجانب واغلبهم عيااااااييييييز....وأنا الوحيده اللي عالجزيره محجبه وكل مارحنا مكان احس اني مخلوق عجيب غريب من نظرات الناس كل الناس اطالعنا...وبالنسبه للتوقيت نفس توقيت الامارات بالضبط..راح احط صور بسيط من عندي واسمحولي لان باقي الصور خاصه وفي من النت...
...واسمحولي عالصور. لانها تصوير موبايل...اول صدمه فمطار دبي اكتشفت ان الكاميرا بطاريتها مفضيه يوم دخلنا السوق الحره قالوا مايبيعون بطاريات...قلنا بناخذها من سيشل طبعا مطارهم مافي ولفينا سوقهم كله ماحصلنا بطاريات تناسب الكميرا...مت من القهر...ترا سوقهم قحط شوي...حتى كاكاو ماشي...الكاكاو بس بتحصلينه فالمطار برا ماشي...


تعليمات بسيطه:


1_أول ماتنزلين من الطياره خذوا خريطه الجزيره هالخريطه شامله كل شي ومنها تحددون الاماكن السياحيه اللي بتروحولها....

2_قبل لاتاكلون اي شي خبريهم انه يكون خالي من الكحول ولحم الخنزير......والأفضل ماتاكلون لحوم هناك...

3_الافضل تصرفون الفلوس دولار.....اغلب تعاملاتهم بالدولار واليورو

4_ماانصحكم تاخذون سياره لان شوارعهم تموت من الخوف منحنيات واذا بس انحرفت السياره شوي....الله يرحمج.....انا بصراحه من اركب السياره قلبي يدق..... سكانها مايعرفون يسوقون فيها عدل كيف نحن؟لا وسواقتهم يمين...

5_من يبدا الظلام الافضل انج ماتطلعين برا لانها فتره الحراميه يشوفون شغلهم...



===================

نبذه بسيطه عن (سيشل):

تتكون سيشل من عده جزر وتقع فالمحيط الهندي..أكبرها(ماهي" و"براسلين" و"لاديغو")...وعاصمتها

فكتوريا...وهي اكبر مدينه....

اللغه:البريطانيه..الفرنسيه..الكريوليه

العمله: روبية سيشيلية (SCR)
=======================

معلومات عن الرحله:

تاريخ المغادره:8-3-2017

الأقلاع: مطار دبي.....طيران الأمارات....درجه رجال الأعمال...

مده الرحله:4ساعات ونص تقريبا....

مكان الوصول: (ماهي ايلاند)


==========

معلومات عن الفندق:

الفندق: le meridien fisherman cove

المستوى: 5نجوم

الأسعار: سعر الغرفه اللي كنا فيها(تقريبا 3000درهم لليله الواحده مع الفطور).... الاسعار تختلف من غرفه لغرفه...والسعر يعتمد على موقع الغرفه...وبعد على حسب الموسم
==========

مدخل الفندق....




هذا كل مااشوفه أضحك ماعرف ليش؟؟؟




اللوبي...




غرف الفندق...عباره عن اكواخ..الأحلى ان كل انواع الاشجار والورود حاطين اسمها جدامها..والاكواخ تسمى بأسماء النوع اللي جدامها....















صوره الغرفه من الداخل...واللي انصدمت اول مادخلتها.....بطلت عيوني....طلع الشاور والجاكوزي خارجي......حتى الحمام عزكم الله يدوب مصكر بخشب وفيه زجاج شكبره ماعرف بعد ليش مصكرينه دامه مكشوف....هذا الشي الوحيد اللي ضايقني فضييييييييحه......أما البلكونه مطله عالبحر عالطول....اسمحولي الصوره من النت للخصوصيه..




صوره من البلكونه....حلااااااااااااااته يوم اتنشين على صوت البحر والعصافير.كل ماانش واطلع اشوف عصفور شكل..



===============

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
معلومات عن المطاعم:

بالفندق 3مطاعم...مطعم متخصص بالسي فود...مطعم بوفيه عالمي...بار مع مطعم...



1_مطعم البوفيه _ريوق+عشا (صوره من النت)

هالمطعم اغلب الايام اكلنا فيه .....لان البوفيه عالمي...هندي+لبناني+مغربي+ايطالي...وأحلى شي ان الشيف يسويلج اي شي تبينه....حتى الشوارما لقيناها هناك.....بس شوارما تقليد...والشي الحلو ان الطاوله اللي تقعدين عليها اول مره خلاص تكون مكانج كل يوم....بس اهم شي تسألين اذا الاكل فيه كحول..او لحم خنزير...

سعر الشخص الواحد:تقريبا 500درهم




2_مطعم متخصص بالسي فود والباستا...واللي يميزه انج تقدرين تقعدين في اي مكان عالبحر...واحلى قعده بنهايه المطعم....(صوره من النت)





3_البار وفيه مطعم....قعدته حلوه...فيه لاب توب..وفيه مكتبه...بس ولامره اكلنا فيه.....وفيه شيف يسويلج اي شي تبينه...صوره من النت...روووعه المكان باليل...




وفيه مطعم هندي بس بفندق قريب من فندقنا...تقدرين تمشين مشي عالشاطي بس بتهلكين...انا كنت اتحراه قريب وقلت خلنا نمشي مشي بس طلعت روحي...===================

الأماكن السياحيه:

في وااايد اماكن سياحيه فالغابات او فالبحر او متاحف...


الشلالات:

مكان روووعه بس يباله مجهود لين توصلينه لان السياره توصلج مكان وعقب تمشين مشي...قصدي تصعدين مشي...الماي باااااااااااارد....وفي موسم المطر يكون غزير وقوي...المنظر روووعه..



مصنع الشاي...دخلناه ماعيبني لاعت جبدي من الريحه....يمكن لاني ماحب الشاي....بس مكانه يخوف

هذي صوره وانا واقفه عداله اصور روعه المنظر بس ماعرف كيف تجرأت وصورته...



طبعا لاتفكرون بشي اسمه شوبينغ....بس اذا بتاخذون هدايا تذكاريه....لان سوقهم كله من نايف

اتمنى اني مانسيت شي واي استفسار انا حاضره...وأدعولي الله يوفقني فحياتي اليديده....وعقبال العزابيات ياااارب.......تحياتي لكم الغاليات.....
[/SIZE]
[/CENTER]

__________________________________________________ __________

>>>> الرد الثاني :
وااااو صدقتي بكل كلمه
انا زرت موريشيوس حذالها بالضبط ونفس الطبيعة والاجواء وصادفني نفس موقف الكاميرا بس انا كنت ناسيه الجارجر مالها وفضت ع طول احلى شي النشاطات البحريه واتمنى ما تكون فاتتج بس الشمس وااااايد نازله وحاره ومنتجعاتهم مملوءة بالحشرات والزواحف والفيران بسبب الطبيعه حتى ل كانت 7 نجوم
انا مستحيل اعيد التجربه صراحه اللي يبغي جزر يزور الجزر الاوروبيه او اللاتينيه
كابري الايطاليه
الجزر العذراء الامريكيه
فيجي
المهم الله يوفقج ويسعدج مع زوجج وعقبال العايزين

__________________________________________________ __________

>>>> الرد الثالث :
روووعه هالجزيره و اهم انج أستاانستي


و ربي يوووفقكم

__________________________________________________ __________

>>>> الرد الرابع :

المشاركة الأصلية كتبت بواسطة tootah1289
وااااو صدقتي بكل كلمه
انا زرت موريشيوس حذالها بالضبط ونفس الطبيعة والاجواء وصادفني نفس موقف الكاميرا بس انا كنت ناسيه الجارجر مالها وفضت ع طول احلى شي النشاطات البحريه واتمنى ما تكون فاتتج بس الشمس وااااايد نازله وحاره ومنتجعاتهم مملوءة بالحشرات والزواحف والفيران بسبب الطبيعه حتى ل كانت 7 نجوم
انا مستحيل اعيد التجربه صراحه اللي يبغي جزر يزور الجزر الاوروبيه او اللاتينيه
كابري الايطاليه
الجزر العذراء الامريكيه
فيجي
المهم الله يوفقج ويسعدج مع زوجج وعقبال العايزين



تسلمين الغاليه عالمرور....صح موريشيوس حذالها بالضبط وكنا بنروحها على اخر شي بس مارضيت لاني كنت متوله عالاهل...بالعكس الغاليه قعدنا وااايد و الحشره الوحيده اللي شفتها سحليه وشفتها وين فالشلالات ...اما الفندق نظيف جدااا جدااا ومافي من هالاشياء ابد الحمدالله....يمكن الوضع يختلف فموريشيوس وبالنسبه للجو حلو مره مغيم ومره ممطر...مامر علي يوم حار....

__________________________________________________ __________

>>>> الرد الخامس :

المشاركة الأصلية كتبت بواسطة الحلوووه19
روووعه هالجزيره و اهم انج أستاانستي


و ربي يوووفقكم



مرورج الاروع الغاليه...وربي يوفق الجميع