عنوان الموضوع : أبغي أعرف عن العمرة؟! التدريس الاماراتي
مقدم من طرف منتديات الضمير العربي

السلام عليكم ورحمة الله وبركاته

نوينا أنا وريلي والعايلة انروح العمرة ان شاء الله بس بغيت اسألكم عن كم من شي للي تعرف اتخبرني الله يجزيكم خير

1- شو احسن طيران وشو رايكم بطيران ناس؟
2- اذا بنسير بالطيارة من دبي او الشارجة لجدة وين بيكون الميقات يعني من وين انحرم؟
3- شو يكون احرام الحرمة ؟؟ يعني شو لازم ألبس؟


ويزاكم الله خير

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله ينوويلكم يارب وعمرة مقبولة بااذن الله الله يسر امووركم

امممم شووفي يالغلاا طيران نااس مب شي بس اذاا بتتحملوون مب مشكله لانه وايد يلعوزون ومااشي اهتماام

انصحج بطيران الامارات او السعودية


الغلاا وانتي ف الطياره يقولولج انوي العمره وبتكونيين متزهبة من قبل وانتي ف الامارات

والنيه طبعاا ف القلب

شوفي يالغلاا البسي شي مرييح الحرمه مالها لبااس معين ف العمره البسي كندورة قطن عسب الحر

ولازم تلسين صرووال عسب ترتاحيين ف المشي

والعبااءه طبعاا

ويزااااااج بالمثل ان شاء الله اكون افدتج

ومعلوومة ماايجووز يالغلاا تلبسيين قفااز ف العمره ولا نقااب

__________________________________________________ __________

>>>> الرد الثاني :
طيران ناس وايد يلعوزووووون

__________________________________________________ __________

>>>> الرد الثالث :
الله ييسر أمركم

أنا ما جربت الا طيران الامارات ،، متعوده عليهم وما عليهم كلام ،، طيران ناس حد يمدحه وحد يذمه ،، بس انا أخاف اتكون الطياره تتقرقع
الفنادق :: فندق زمزم ما عليه كلام وبتحصلون هل الاماارت كلهم فيه ،، وريوقهم مع الحجز وكان روعه
كابتن الطياره بيعلن عن الوصول الى الميقات فلا تحاتون ،، وفي هاللحظه تنوون والريال يلبس الاحرام
الحرمه مالها لبس معين ،، يعني مب لازم الوحده تلبس أخضر ع قولتهم ،، بس المهم ما يكون ملفت للنظر ويلامع،، دوري شي ساده ،، وعند أداء مناسك العمره ما يستوي لبس القفاز والنقاب

وأنصحج اتسوين بحث في الجوجل اكتبي ( صفة العمره ) واختاري مشايخ ثقه واطبعي هالورقه وخليها وياج بتنفعج في معرفة مناسك العمره والادعيه بالضبط

__________________________________________________ __________

>>>> الرد الرابع :
أنا رحت طيران ناس

شو يلعوزون؟؟؟من أي ناحيه ؟؟؟
طيران عادي شرات أي طيران .....
وبعد هو اقتصادي جدا....

__________________________________________________ __________

>>>> الرد الخامس :
طيان السعودي احسن او جربي العربيه زين واوفر

بالنسبه للميقات في الطياره يخبرونج

اما لبس الاحرام للمراه مافي لبس معين بس شي هادي

الله يسر اموركم يارب