عنوان الموضوع : اللي بتسافر تخبرنا من وين حجزت وكم البكج
مقدم من طرف منتديات الضمير العربي

بنات بليز ابغي مساعده كل وحده بتسافر ها الصيف وحالتها مثلي اقصد متزوجه وعندها ولد واحد او حتى لو ما عندها عيال يعني بتسافر ويا ريلها تخبرنا وين المكان واي سفريات اختارت وكم يوم وكم طلع عليهم علشان احجز نفس المكان ما فيني ادور واتعب نفسي لانه ريلي وايد بارد ما يسوي الشي الا اذا انا رتبت له .. ومشكورين

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
أحنا حجزنا عند حور للسفر والسياحة بعجمان أسبوعين لماليزيا إن شاء الله وتقريبا طلبوا من ريلي 14000 في مقدم والباقي أقساط تقدرين تتصلين عليهم وتستفسرين عن كل شيئ

__________________________________________________ __________

>>>> الرد الثاني :
نحنا بنسافر الى استراليا انصحج فيها وااايد بتستانسين فيها ان شاء الله

والاسعار بصراحة ما اعرف

__________________________________________________ __________

>>>> الرد الثالث :
احنا من العين حجزنا على بروكسل 12 يوم بفندق الراديسون ساس مع تذكرة طيران الاتحاد 2 +2اطفال 6و12 سنة يوم 27-7 ب18الف

__________________________________________________ __________

>>>> الرد الرابع :
الغالية

اول شي اختاري الطيارة وافتحي موقعهم واحسبي انتوا كم واحد وكم بيستوي
وبعد ماخترتي الوجهة افتحي اي موقع لحجوزات الفندق وشوفي كم ليلة وبتعرفين الاسعار طبعا مع عدد الغرف
ثالث شي احسبي مصروف الاكل+المواصلات+الهدايا (ع حسب البلاد اللي بسيرينها)

والمجموووووع هو الباكيج اللي ع قدكم

__________________________________________________ __________

>>>> الرد الخامس :
انا حااجزة 12 يووووم الى ماليزيا وبانكوووك

ماليزيا ( فندق صن واي لاقوون ) + فندق ( نسيت اسمه 4 نجووم )
وفي بانكون فندق اماري بوليفاااارد

وكلفنا حق كل الباكج للشخص الواحد 4500 درهم فقط

شامل التذكرة والفطور والفنادق والمواصلات من المطار الى الفندق والعكس
وشامل رحلة سياحية يوم واحد لكل فندق

وحياكم الله