عنوان الموضوع : منو تعرف مدينة شام أو شعم في تايلند؟؟ في الامارات
مقدم من طرف منتديات الضمير العربي

مرحبا خواتي المسافرات

الوالد عنده ربيع خبره عن مدينة تبعد بالسيارة عن بانكوك اسمها ( شام) والعرب يسمونها ( شعم)
يلست ادورها في النت وما قدرت
لقيت مدينة اسمها (شام شوي بو ) لكنها في هونج كونج

ربيع الوالد مصر انها في تايلند وانه سايرلها بالسيارة هالسنة

انا كنت هناك هالصيف وما قط سمعت عن منطقة بهالاسم

فاللي تعرف يا ليت تخبرني

الوالد الظاهر يبغي يروحلها

ومشكورات مقدما

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
والله ما عندي فكره ما جد سرت شرق اسيا

__________________________________________________ __________

>>>> الرد الثاني :
مشكورة ms.goldy
انا سرت وما قط سمعت عنها .. لاحول ولا قوة إلا بالله على هالربيع اللي مصر يتعبني

منو تقدر تفيدني؟؟

__________________________________________________ __________

>>>> الرد الثالث :
هيه الغاليه .... في منطقة في بانكوك اسمها شام ويسمونها العرب شعم ... انا في الصيف كنت ف بانكوك للاسف ماسرت شام بس ربيعاتي سارو بالسياره .... وايد يمدحونها ويقولون حلوووة .... ^_^ .... وانا متاكده 100 % انها في بانكوك ....


اتمنى اكون فدتج حبوبه ..... والسموحه منج

__________________________________________________ __________

>>>> الرد الرابع :
المنطقة اي موجوده في بانكوك ...........وهي منطقة هادية ومريحة فيها مجموعه فنادق على البحر
انا واهلي قعدنا في فندق اسمه Indra Regent Hotel
المكان وااااااااااااااايد حلو وعباره عن غرف في الفندق وجزء شاليهات خشبيه رهيبه
وهادي فيه مسابح طبعا اليهالوه ما قصروا
وفيه عدة مطاعم على البحر ......وأحلى شي SPA مسااااااااااج بس رهيب وايد عيبني
وعلى البحر فيه خيول ......طبعا انا ماقصرت ركبت ولا عشر مراااااات
وبعد عندهم مساج على الهواء الطلق للرييل بعيد عن الرياييل
ومابنسى عصير الاناناس اللى شربه في الثمره نفسهاااااااااااا
عندي صور بس فيهاااااااااا صورنااااااا

__________________________________________________ __________

>>>> الرد الخامس :
NaughtyDxb

مشكورة الغالية الواليد بيستانس وايد الحين.. الصيف اللي طاف رحت انا وامي وخواني وعيالي وشغالتي بروحنا من غير الوالد .. والظاهر يبغي يسيرلها غياض حقنا

اسيل2007

مشكورة على هالمعلومة.. الحين بدور في النت اكثر وبسهولة