عنوان الموضوع : رحلة عيد الأضحى المبارك لشخصينفى ماليزيا مستوى 3 نجوم ممتاز في الامارات
مقدم من طرف منتديات الضمير العربي

نبدأ ببسم الله الرحمن الرحيم

عزيزاتي
نويت ان شاء الله في شهر اربعة ازور اوروبا وهذي اول زيارة لي بسير أنا وزوجي خاطري اسير عدة دول وخاصة سويسرا والنمسا وألمانيا بس عندي مشكله واتمنى ألاقي لها حل وتساعدوني

سويت سيرج في النت عن كل المعلومات اللي ابيها ولاحظت ان الكل تقريبا يأجر سيارة من المطار ويرجعها بعد للمطار وبما انها اول مرة لنا في اوروبا ريلي ابدا مب متشجع يسوق هناك وقال لو فيها سواقة بيكنسل السفرة و قريت ان التكاسي اسعارها وايد غالية هناك فبشو تنصحوني هل من الفندق اقدر اخذ سيارة مع سايق وتكون اسعارهم معقولة واذا استخدمت الباص او المترو او التراك بصراحة ما عندي خلفية عنهم واخاف اضيع او ننزل مكان غلط وهذي السفره انا عازمة ريلي عليها يعني ابا كل شي تمام وما ابا اغلاط

اللي خبيرة في اوروبا يا ليت تفيدني ..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
القطار بيكون اسهل شي لج وارخص دام ما بتأجرين سياره ..

بس حاولي تقنعينه يسوق السواقه هناك متعه ثانيه ..
وارخص لج وفيها خصوصيه لج ..

__________________________________________________ __________

>>>> الرد الثاني :

المشاركة الأصلية كتبت بواسطة Pretty $oul
القطار بيكون اسهل شي لج وارخص دام ما بتأجرين سياره ..

بس حاولي تقنعينه يسوق السواقه هناك متعه ثانيه ..
وارخص لج وفيها خصوصيه لج ..



مشكورة فديتج على الرد
بس كيف بتكون التنقلات في القطار عادي والا معقدة على حسب الاماكن والمحطات لانها بتكون اول مرة نستخدمه

__________________________________________________ __________

>>>> الرد الثالث :
القطارات بتفيدكم وبتتعلمون بسهولة واذا ضعتوا تقدرون تراجعون مكتب الاستعلامات في كل محطة

__________________________________________________ __________

>>>> الرد الرابع :
اوروبا واايد حلوه انا رحتلها وكانت اول زيارة لي مع زوجي في شهر عسلنا (ألمانيا والنمسا - ميونخ سالزبورغ وزيلامسي)
وللأمانه كنا مخططين ناخذ سياره وريلي طلع الليسن الدولي وجهزنا كل شي

بس يوم وصلنا مطار ميونخ طلبو بطاقة كردت كارد والدفع لازم يكون ب كردت كارد وكنا نحن ساحبين كاش يورو ومرتبين امورنا وانا ماحب نستخدم الكردت كارد لانه فيها شويه رسك، غير جيه يطلبون منج تدفعين تأمين وضرايب ع الشارع وغيره وغيره واغلب سياييرهم قير عادي مب اتوماتيك ف انا انصحكم انكم ماتستأجرون سياره

عموماً كنا واصلين الساعه 12 منتصف الليل ف قلت حق ريلي بلا سواقة الليل وخلنا نروح الفندق وباجر الصبح يصير خير وبالفعل ما استأجرنا سيارة لانه المشي في الشوارع كان احلى واكثر متعه ف ميونخ وبدال السياره استأجرنا سياكل ههههههه والحمدلله انه ما استأجرنا سياره لانه الشوارع ظلام رحنا بتاكسي صح انه غالي بس استخدمنا التاكسي من والى المطار بس ، الحمدلله بلادنا الليتات فيها ف كل مكااان هم عندهم كم ليت حسيت المكان مظلم صراحه

وبالنسبه للتنقلات من ميونخ لسالزبورغ رحنا بالقطار وكان سهل وايد الفندق دايماً بيساعدكم ف كل شي، بالنسبه للمحطه سألي الفندق وبيخبرونكم وكل شي سهل، يعني تروحين المحطه وتاخذين تذكره ومكتوب كم رقم القطار واذا ماعرفتي اي شي دايماً سألي عادي بيخبرونج وبيفيدونج

قطار ألمانيا وااايد راقي وكان فاضي مب زحمه يوم رحنا انا وريلي وحتى عقب ركبنا قطار من سالزبورغ لزيلامسي وكان مب زحمه واغلب الخليجيين يركبون قطار، كانو ويانا سعوديين وكويتيين .. يعني الامور طيبه بس يبالكم تركيز ع المواعيد وقت القطار واحسن شي ترتبون مع الفندق لانه وايد بيساعدونكم يقدون يدخلون ع الموقع ويخبرونكم متى ينطلق القطار ومتى لازم تكونون فالمحطه لانهم وااايد دقيقين فالمواعيد هناك

وعندي نصيحه افضل انكم ماتتنقلوون واااايد يعني ثلاث او اربع اماكن بالكثير، عشان تستمتعون بالرحله اكثر، الا اذا كانت رحلتكم طويله واايد يعني اكثر عن 10 ايام

اذا 10 ايام روحو ثلاث اماكن، لانه الجيك ان والجيك آوت والانتظار فالمحطه والساعات فالقطار اذا زاادت تكون ممله وتحسين يومج ضاع

الله يحفظكم ويارب تكون سفرتكم حلوووه وتستانسون وان شاءالله كل شي يكون سهل عليكم وحلوه المغامرااات ف لاتخافين من اي شي وان شاءالله اكون عطيتج معلومات مفيده واذا عندج اي استفسارات ثانيه انا حاضره

بالتوفيج الغاليه

__________________________________________________ __________

>>>> الرد الخامس :
شوفي حبيبتي : بما انها أول رحلة لج لاوروبا فاعتبريها رحلة تعليمية !

ما فيها شي اذا ضعتوا والا غلّطتوا لأنها هذي الطريقة مفيدة جدا في التعلّم وتفادي الأخطاء المرة اليايه

رايي بما انها أول رحلة فخليها في دولة وحدة بس واتنقلي في مدنها القريبة من بعض

واذا اصريتي انهن يكونن 3 دول فخليهم دول قريبة من بعض
عشان التنقل (سواء بسيارة أو قطار) يكون سهل

بالنسبة لتأجير السيارة الأفضل تحجزينها من البلاد وتحرصين انه يكون فيها نافيجيتر
وخبري ريلج انه السواقة في أوروبا وااااااااايد سهلة

تحطون العنوان في النافيجيشن سيستم وتوديكم السيارة بمنتهى السهولة
واذا ما يعرف له (يوم بيستلم السيارة من المكتب بيراوونه كيفية التشغيل)

وحتى لو وصلتوا الفندق وما عرفتوا توصلون مكان مثلا
اسألوا الفاليه مال الفندق ... هم عندهم خبره كبيرة فيه

السيارة أرخص بوايد من انج تأجرين سيارة بسائق

لكن اذا ريلج ما يبغي السواقة
فما في حل غير القطارات ... بسيطة ومب معقدة

احرصي انج تسئلين في المحطة الـ Information عن كيفية الوصول الى محطتج

هم وايد متعاونين : يعطونج خريطة بخط سير الرحلة ويعلمون على محطتج بهايلايتر
ويخبرونج اذا تحتاجين تغيير محطة أو اذا كانت الرحلة دايركت

واسئلي قد ما ترومين مثلا في طريق العودة :

متى مواعيد القطار الى وجهتكم الأخيرة ؟
ومتى موعد آخر قطار ؟
واكتبي كل شي عندج

بس نصيحتي لج اذا قررتوا تستخدمون القطار في التنقلات لا تشلين وياج شنط ثقيلة !
لأنه هناك ما في حمالين ..كل واحد يخدم نفسه بنفسه

خذي وياج أقل القليل وبالكثير شنطتين والأفضل يكونن الى على شكل طقم : شنطة سفر متوسطة وفوقها شنطة صغيرة
ويكون فيها أربع تواير من تحت عشان انتوا الاثنين ترومون تحركونهم بسهولة

وأي سؤال ثاني احنا في الخدمة