عنوان الموضوع : بنات الامارات ساعدوني أختكم من قطر لعشاق السياحة
مقدم من طرف منتديات الضمير العربي

السلام عليكم وحمة الله وبركاته

شخباركم خواتي

لو سمحتوا احنا ناوين نزوركم الامارات وهاي اول مره لنا انا والاهل

ناوين نروح دبي والعين والشارقة وأبوظبي

ياريت تفيدوني باحسن المجمعات عندكم ومحلات العبي اهم شي
وشنو احسن المجمعات اللي تستاهل الواحد يروحها
والاسواق الشعبية اللي عندها شغلات حلوة وغريبة
ومحلات الجلابيات

بعد بسألكم عن مصانع جبل علي شنو عندها بالضبط ؟؟ وشلون دوامهم يفتحون متواصل والا؟
وبعد وين احسن الاماكن السياحية عندكم للأطفال

وبعد شنو تنصحوني أخذ من عندكم ومب موجود عندنا في قطر


ومشكورين

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
وعليكم السلام والرحمه

حبوبه انا بعطيج المعلومات عن ابوظبي لاني من اهلها
المراكز الموجوده في ابوظبي:
1) المارينا مول
2)أبوظبي مول
3)الوحده مول
4)الخالدية مول
5) المهيري سنتر

ومحلات العبي في مكان واحد اللي هوه في الخالديه ( دائرة المياة) بالضبط جانب المهيري سنتر

وما عندنا اسواق شعبيه للاسف

وانشاء الله اني افدتج بالمعلومات

__________________________________________________ __________

>>>> الرد الثاني :
هلا والله الغاليه .... انا من دبي وبفيدج عن المراكز الي في دبي


بسم الله الرحمن الرحيم ....
احسن المراكز حق التسوق و الاكل والمتعه والتسليه

الامارات مول - دبي مول - برجمان سنتر - (وافي ستي) وفي قسم في (واافي) اسمه خان مرجان لايفووتك بعد حلو - (أب تاون مردف) و محلاته كلها برع والجو حلو بتحبون المكان - و ابن بطوطه مول - ابراج الامارات (البوليفارد) - سووق البحر -( ذا ووك) مكان واااااااااايد عووود ومحلاته و مطاعمه كلها برع تحسي نفسج في اوروبا روووعه والمحلات عدالج - وستي سنتر - و ميركاتو....
هاي بالنسبه للمراكز التجاريه الراائعه ,,,,

بالنسبه للاسواق الشعبيه :-
سوق نايف - سوق السطوه - المينا بازار - سوق الظلام - بس ما انصحكم اتسيرونله يوم الجمعه لانه الهنود وايد هههه...

وبالنسبه لل1هب و الالماس
الذهب في المراكز التجاريه بس بعد في : سوق الذهب ديره - سوق الذهب في بردبي - مجمع الذهب و الالماس فس شارع زايد ...

ومحلات العبايات :-
مركز ابو هيل في دبي و في بعد في الشارجه - وفي بعد في المحلات التجاريه وايد في دبي
اما في الشارجه : مركز حلوان - مركز العهود - مركز ابو هيل - السوق القديم فيه واااايد محلات بعد

وانشاله اكون فدتك يا اختي ,,,, ادعيلي بالزوج الصالح ;-)

__________________________________________________ __________

>>>> الرد الثالث :
للجلابيات انصحج بسوق عكاظ فيه اشياء حلوه

__________________________________________________ __________

>>>> الرد الرابع :
وانا من الشارجه ..

عندج السوق الجديم >>> عندهم محلات جلابيات ومحلات عبايا وايد...
مركز سارة >>> وموقعه في السوق الجديم >>> وعندهم محلات عبايا وملابس منوعه ...
الميغا موول >>> عندهم محلات وايد للملابس مثل زارا ومنغو و برومود وكمن محل جلابيات فخمه ... وعندهم قسم كلة ملابس اطفال ...
صحارى >>> فيه وايد محلات ومطاعم ...

وان شاء الله تستانسين ...

__________________________________________________ __________

>>>> الرد الخامس :
وانا بعد انصحج اتروحين سوق عكاظ ... عندهم اشياء وايد حلوة ... انا شخصيا اسير محل اسمه سارة بلازا ... وهو برع سوق عكاظ ... جلابياته وايد حلوة واسعارة زينه ...