عنوان الموضوع : جايه سياحه عندكم يالامارتياااااااااااات واحتاج المساعده في الامارات
مقدم من طرف منتديات الضمير العربي

السلام عليكم ورحمه الله وبركاته
مرحبا بالحلوووووووووووووووووووين كلهم
انا جايه سياحه مع اسرتي الصغيره زوجي واطفالي ومحتاجه مساعدتكم من حيث
1-كيف الاجواء الفتره هاذي بالتحديد هالاسبوعين الجاااااايات يعنى اجيب جاكيتات بس ولبس ربيعي يعنى خفيف او اجيب اللبس الداخلي الشتوي يعنى اكثر اولا وخصوصا البيبيات حقوني خايفه عليهم من البرد
2-القريه العالميه حلووه هالسنه اولا وكم يكفيها وقت والوقت المناسب لزيارتها متى والافضل اجيب عربيه لبنتي ام3سنوات اولا يعنى فيه مشي كثييييييييييير ؟
3-الاوت لت والسوق الصيني يستاهلون الزياره اولا
انا محتاره لاني ماراح اشري من السوق الصيني بس ابغى اشوف الاوت لت هل يقااااارب للي موجود باوروبا وامريكا اولالالا يعنى كسعر وجوده
4-من وين تنصحوني اشتري لي ولاطفالي لبس حلو وسعر معقول سواء ماركات اوغيره
5-سوق ناااايف هل يستحق الزياره ؟؟وش الجديد او المميز فيه
6-المطاااااااااااااااعم
صديقتي راحت لمطاعم وقالت لي عليها بس ابغى ارائكم
مطعم حاتم ومطعم برج الحمام ومطعم قصر الهند وكرم بيروت وووومدري بعد كثييير
لكن عشان تعرفون ذوقي بالمطاعم ذكرتلكم اسماء ومابغى اسعاره تكون غاليه
يعنى احب الهندي واللبناني
7-حديقه الخور والمرسى والقوارب الماااااااااااائيه قريت كثير ودااااخ راسي
ابغى تنصحوني بالاماكن الاحلى والاقرب للر ومانسيه وتكون مناسبه بحكم وضعي لان معي بيبيات 2بس
يعنى الطلعات للبحر اسم المكان والوقت المناسب
يعنى عادي ادخل العربيه معي للسفينه اوكيف
6-السينمااااااااااااااات
هل يدخلون معي اطفالي او لا
يعنى اكنسلها او ايش
7-الاسواق انا اعرف ابن بطوطه وميركاتو ووافي سنتر والفسيفتال سنتر وخان مرجااان يقولون حلو وينه ومول الامارات ودبي مول
هل فيه اماكن اخرى تستحق الزياره او ذولي كفايه
8-الحديقه الثلجيه هل تناسبني او بيبردون اطفالي انا حابه اجرب بس خايفه عليهم
وبحكم انا عشت تجربه الثلوج باميركا ماني متحمسه كثير وخاصه انا اسعار التذاكر موقليله
9-التخفيضات متى تبدا خلال هالشهر اولا؟


بالنهايه اتمنى تنصحوني بجدول حلو للزياره انا مده رحلتي اسبوع كاااااااااااامل
واحلى الاماكن عندكم وهل المساااافات بعيده اولا
لان معي سياره خاصه يعنى موتاكسي ومامعي جااااارمن
فهل الاماكن سهل وواضح زيارتها
ومدينه الجميرات واتلانتس كم الوقت المناسب لزيارتهم ومتى
واذا فيه اشياء ماعرفها ياليت توضحون لي
اول سفره لي لدبي وحاااااااااااااااااااااااااااااااااااااااااااااااا ابه استمتع خاصه ان الوقت مناسب
وشاكره لكم ياسيدات الامارات
لاتنسون المساعده باقي كم يوم للرحله

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
هلا الغاليه..

مرحبابج في بلادنا أول شي لاتنسين اتيبين معاج لبس شتوي لان ماشاء الله عنا برد واااااااااااااااااااااااايد وامطار يعني اكيد الجو بارد ولاتنسين المظلات هع اوكي حبوبه

وعن القريه العالميه حلوه السنه مثل كل سنه ويبي معاج العربه لان فيها وااااااااااااااااااايد مشي اتزورين القريه العالميه الساعه 4 العصر يكون احسن وقت وهم يفتحون الساعه اربع

السوق الصيني حلوة بس بعد واااااااايد مشي والاوت ليت والله انا ماشايفه الي فيه اوروبا وها الاوت ليت حلوه

وسوق نايف يستاهل اتزورينا اذا تبين شي رخيص عندهم اشياء حلوه وعندج بيبي شوب حق اليهال وبعد عندج بعد محل كارتير في العربيه سنتر ومركز الغرير للاطفال

وعن المطاعم مطعم مشاوي بيروت ومطعم قيصر وانشاء الله البنات ايفيدونج اكثر بالنسبه للمطاعم

والسينما مايدخلون الاطفال فيها الا فوق ال18 فطلعي حبيبتي هالفكره انشاء الله المره اليايه اتسيرين السينما

ام عن الحدايق والله ماعندي فكره لاني ما اسير الحدايق والبحر وايد غير بحر الممزر

وهايه مراكز التسوق حلوه اليه بتسيريلها واحس انها كفايه لان دبي مول روحه يبالج يومين ولا ثلاث لين ماتتجولينه بكبره ماشاء الله وايد عود هالمركز

واذا انتي بتسكنين في منطقة ديره تقريبن نص ساعه لين الجميرا و الاتلانتس

والحدايق الثلجيه انصحج ماتسيريلها لان الجو واااااااااااااااايد بارد حبيبتي

وعن التخفيضات في محلات امسويه تخفيضات فديتج

وفي النهايه اتمنى البنات ايفيدونج اكثر واتمنى انج تتقبلين مروري حبيبتي

__________________________________________________ __________

>>>> الرد الثاني :
ماشالله الاخت ما قصرت عليج في الرد

اختي الجو عدنا برد ماشالله خصوصا هالايام واكيد بعد الايام اليايه بيكون وايد برد ..وبخصوص بنتج لازم تيبين لها عربه انا ولدي فديته عمره 3 سنين وايد يتعب من المشي في الحديقه واذا ناويه تسيرين القريه لازم تاخذيها معاج لان حرام بتتعب ..
ولازم تزورين الاوت لت والصيني فيهم شغلات وايد حلوه يعني يستحقوا الزياره
وبخصوص سوق نايف اسعاره جدا رخيصه
والمطاعم الي ذكرتيها حلوه وبعد قيص,ر وبروبحر ,وصدف الايراني ,,والحلاب لبناني ,,ولاتنسين انج يوم بتكونين في المراكز بتحتارين ..والمراكز الي ذكرتيها تكفي اصلا يكفيج مول الامارات ودبي مول^_^
وبخصوص السينما ما يدخلون اليهال اذا كان الفلم مثلا 18 سنه
والثلجيه ما انصحج لان وايد برد اما لو انتي تحبين الاسكيتنج سيري حديقة زعبيل حلوه للتمشي وللشوي وبعد فيها قوارب وفيها العاب لليهال واسكيتنج يعني وايد بتستانسون فيها وسيري ع الظهر احسن لو حابه تسيرين الاسكيتنج لانها ما بتكون زحمه..
وان شالله اني اكون فدتج وان شالله البنات بيفيدوج اكثر بعد

__________________________________________________ __________

>>>> الرد الثالث :
شكرا لكم بابنات اجاباتاتكم كافيه ووافيه
لكن ابغى احلى محلات الجلابيات والشيل بسعر معقول وبضاعه زينه وين اروح
والاماكن اللي ذكرتوها وش الوقت المناسب لزيارتها زي البحر والمجمعات المفتوحه
يعنى الجو بالنهار بارد بعد مومعتدل
ومحلات حلويات عربيه او شاميه معتبره وين صوب سوق نايف والاسواق الشعبيه

وطلعات البحر وين اروق مكان واشمل فينيسيا الجميرا ولاالخور ولاالمرسى وكيف اسعارهم
يعنى يكون مناسب لي عشان الجو وعشان بنتي
وتنصحوني اتغداء اواتعشى بسيفنه اولا
والشارجه وابو ظبي ابي اروحهم بس كيف هل كل وحده تحتاج يوم كامل تمشيه انا معي سياره
بس اي المدينتين احلى وفيها تماشي اكثر
بعد بسئل عن افضل محلات تبيع الزعفران والبخور الزييين بسعر معقول
والرصاصي وينه حق الجمله ابي اشياء بسيطه بس سعر الجمله
سوق مرشد يم سوق نايف اولا

__________________________________________________ __________

>>>> الرد الرابع :
بالنسبه لابوظبي والشارقه

اذا يايه دبي
من دبي لين بوظبي ساعتين تقريبا اذا ادلين الشوارع صح

اما الشارقه نص ساعه اذا ف الزحمه واذا ماشي زحمه ربع ساعه وانتي ف الشارقه

__________________________________________________ __________

>>>> الرد الخامس :
طيب تسوى روحه الشارقه باتوته يعنى ايش الحلو فيها