عنوان الموضوع : بين دبي وعجمان في الامارات
مقدم من طرف منتديات الضمير العربي

سؤال بروح من دبي الي عجمان كم المسافه وكم الوقت يستغرق

قالولي عن عجمان وايد شنو اكثر شي فيها حلو اقصد المولات والتشري والهديا والعبي والملافع

ابي محلات المطارات (الترامز) الشاي والقهوه الحلو الي عندهم وين ابي سبشل
لا تخلوني باجر السبت سفرتي وماابي ارد لامي طلب عفيه

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
بس سؤال حبوبه ... لي تقصدين عجمان بالذات ؟؟؟ حد مدح لي شي معين في عجمان ؟؟؟

بقولج بصراحه ... الشي اللي صج ممكن تختارين انج تشترينه من عجمان العبي والشيل ... لانه أرخص هناك ..
وفي ديزاينات حلوه بعد ... تلاقينهم في بنايات الشيخ حميد ... اسئلي اي حد وبيدلج عليهم ... مجمع كبير للعبايات والشيل .... فوق 20 محل

و ممكن لو تبين ملابس تروحين على مصانع عجمان ... فيها شغلات حلوه وكانت قبل بأسعار رخيصه بس حاليا اسعارهم ارتفعت مع الزيادات اللي صارت ...


وغير جذه ما أنصحج بشي ثاني ...


بس نصيحه لو انتي تبين تتبضعين من الخاطر وبشغلات حلوه وأشياء مميزه ..
روحي على الشارقه ... وما بينها وبين دبي اي شي .. كلها مسافه ربع ساعه وتكوني في الشارجه ...
واتجهي مبااااشره على السوق الجديم .... مجمع محلات كبير و فيه كل اللي تبينه ....
ملابس ... عبايات .. ساعات .. قطع .. احذيه .. شنط ... عطور.. ميكياج ... ترامس ... أطباق .. ادوات للمنزل .. و و و و .... كل شي في بالج بتحصلينه هناك ... يعني اختصري الاماكن كلها في مكان او مجمع واحد ..

وخذيلج لفه على كل شي .. وفيه مركز ساره بعد هناك بتحصلين في اشياء حلوه بعد ..


وان شاء الله اكون أفدتج ..

__________________________________________________ __________

>>>> الرد الثاني :
حبيبتي بثينه ماقصرتي مشكوره

بس ما ادري انا ادور ترامز او دلا او مطاطير الشاي والقهوه الحلوه والكشخه ماني عارفه وين الاقيها بدبي

__________________________________________________ __________

>>>> الرد الثالث :

المشاركة الأصلية كتبت بواسطة احلى كويتيه
حبيبتي بثينه ماقصرتي مشكوره

بس ما ادري انا ادور ترامز او دلا او مطاطير الشاي والقهوه الحلوه والكشخه ماني عارفه وين الاقيها بدبي





روحي السوق الجديم في الشارجه واسئلي اصحاب المحلات عن محل اسمه بر وبحر ..
في ترامس و كل معدات المطبخ الراقيه وبأشكال واسعار فنتك ...

__________________________________________________ __________

>>>> الرد الرابع :
نفس ماقالت اختي بثينه سوق البحر عنده هالسوالف واااااااااااايد في مجال تختارين واتكاسرين بعد بالسعر

__________________________________________________ __________

>>>> الرد الخامس :
بتحصلين مركز في دبي اسمه بن سوقات فيه محل اظن اسمه سان ماركو او شي من هالقبيل الوالده دوم تشتري دلال واكواب واشياء راقيه من هناك , ومثل ما قالت الأخت السوق الجديم اللي فالشارجه وايد فيه محلات