عنوان الموضوع : محمية الوادي سياحة الامارات
مقدم من طرف منتديات الضمير العربي


مثل ما تشوفون المحمية مكانها على شارع الامارات- أم القيوين باتجاه راس خيمه و دبا الفجيره ..

مكان هادي وجميل يجمع بين الجو التراثي و جو من المرح والتغيير ..
تلاقون في المحمية حيوانات ( طيور و نعام و بط مفتوح في الحديقه و صقور و سبلان و غزلان و حصان و الحنطور ( حمار خخخ ) و كنغر و أرانب وو و و الخ )
و فيها دراجات للصغار والكبار ..
فيه خيام للايجار للي يبغي يبات .. أحجام مختلفه وأسعار مختلفه ^^
فيها معرض تراثي ... يعرضون الصرود و المغطى و التلي وهالشغلات يعني ..
فيها معرض للبيع .. يبيعون جلابيات شي بسيط عاد و شغلات تراثيه و فخاريات و عطور ودخون ...
فيها حريم يبيعون أكلات شعبيه ( هريس و ثريد و مرقوقه و قيمات و محشي وغيره )
فيها حوطه خاصه لليهال فيها نقازيات و ألعاب يهال منوعه ...
فيها جلسات شعبيه في خيام و شفت الشباب يتيمعون فيها ويقعدون يسولفون و مولعين نار و يطبخون شاي وقهوه ^^
فيها خيام خاصه للصلاه للحريم وللرياييل ...
و فيها حمامات للحريم وحمامات للرياييل ...

المفاجأه .. الساعه 5 تبدا فعاليات المحميه ...
راعي المحميه يسوي مسابقات بجوايز قيمه و جو حماسي رهيييييب ..
يسأل أسئله منوعه من ألغاز و ألعاب شعبيه شرات يوم يقولون جمله ويقول منو بيعيدها 5 مرات و يبدا الضحك عاد خخخ .. والجوايز في ساعات وفي 500 درهم و جذه .. وعقب تبدا مناطحه الثيران .. ونااااااسه اللي يسدح الثور ياخذ 500 درهم واللي يركب عليه بياخذ هديه .. بس الثور ترى صغير مب عود وايد ..
وعقب مناطحه تيس خخخخ هذا عاد للصغاريه و عقبها عروض كلاب مدربه روووعه ^^ و يعرضون حيوانات للبيع للي يبغي يشتري ... و ألعاب اليواني لليهال .. كل خمسه مع بعض ينقزون كل واحد بيونيه واللي يغلب ياخذ 500 درهم ... و غيرها وغيرها ...

صج صج وناااااااااااسه ^^ أنصحكم تسيرون ما يتفوت المكان بصراحه ^^


ان شاء الله اذا انحلت أزمتي مع موقع التحميل بحط لكم باجي الصور من تصويري و تقرير خاص لرحلتي الحلوه في محمية الوادي ^^

أنصحكم تسيرون المحميه روووعه كتغيير و جوها حلو و اليهال أكثر شي بيستانسون فيها ^^

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
بانتظار تقرير رحلتك
موفقة عزيزتي

__________________________________________________ __________

>>>> الرد الثاني :
نحن في الانتظار اختي بثينه لاتبطين علينا
وكم رسوم الدخول واذا الواحد بيبات كم اجار الخيام

__________________________________________________ __________

>>>> الرد الثالث :
تسلمين والله

ان شاء الله نسير

__________________________________________________ __________

>>>> الرد الرابع :
حلو يبالنا انسير .. خاطري اركب دراجات بس من غير وجود الشباب ..وبودي عيالي عسب يشوفون الحيوانات ويستانسون .. تسلمين غناتي علي هذا التقرير الغاوي ونتريا باقي الصور ..

__________________________________________________ __________

>>>> الرد الخامس :
تسلمين علي هذا التقرير