عنوان الموضوع : اجازة عيد الأضحى اربع ايام... لعشاق السياحة
مقدم من طرف منتديات الضمير العربي
هلا شحالكن ان شاء الله بخير؟؟؟؟؟
انا من العين وبغيتكن اشورن عليه وين رايكن انروح في اجازة عيد الأضحى اربع ايام ( انا وريلي وعيالي اثنين 4 و6 سنوات ) ؟؟؟؟ طبعا مكان برع العين .....
وياريت اتقوللي اسم الفندق او الشالية اللي في المنطقة لتعرفنها يكون اوكي وراقي ...
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
انا م العين وسنويا نقضي اجازة العيد في الفجيرة الجو حلو والبحر احلى والتمشية بسيطة وفنانه خاصة انا انمر على سوق الجمعة
الفنادق وايد : المريديان العقة -مريمار - جال
وهالعيد نخطط نحجز في المريديان أو بنروح الكوف في راس الخيمة
__________________________________________________ __________
>>>> الرد الثالث :
أنا كنت بقولج شوفي ميولكم شووو ..
لو تحبون الطبيعه روحوا صوب الفجيره .. و أنصحكم علشان عيالكم صج يستانسون روحوا المريديان بنظري أحلى الفنادق اللي هناك لأني مجربتنهم .. المكان المخصص حق اليهال واااااايد نايس فيه ألعاب داخليه و بوابه خارجيه فيها ألعاب خارجيه مثل مريحانات و زحلاقات وغيره و فيها حوض سباحه خاص لليهال مغطاي بعد بمظله عن الشمس .. المكان ناااااايس ولدي وايد استانس فيه ..
و الأسعار تقريبا كلهم نفس الأسعار بس أكيد في العيد الأسعار تتدبل ^^
و اذا انتوا من النوع اللي تحبون الشوبينج و الأماكن المغلقه وألعاب السناتر .. روحوا دبي ..
نصيحه روحوا جديقه زعبيل وااااااااااايد حلوه كتغيير و أهم شي لا تنسوا تروحوا الكواكب اللي فيها أحلى شي في الحديقه ترى .. مكان مغلق فيه مطاعم وألعاب و محلات .. بس الجو غييييييييييييييييير
و الله سعرها اشويه عليها ... الدخول بـ 5 بس والله صج هالحديقه متعتها غيييييييير
و الجو بيكون ان شا اءلله أوكيه على العيد بعد ما تخلصون من الكواكب روحوا استانسوا وغيروا جو برع و اليهال صج بيستانسون فيها وحتى انتوا بتحبوها ^^
و عندكم المولات طبعا غنية عن التعريف .. مول دبي و مردف ستي سنتر و العربي سنتر وغيره من الأماكن الايديده و الحلوه ^^ و الفنادق أنصحج تحجزون من موقع بوكينج لأنه بيطلع لكم أرخص ...
و ممكن تكملون جولتكم وتمرون على حديقه الحيوانات .. ولو انها مب وايد كبيره يعني بس كتغيير ..
و البحر عندكم الممزر و عندكم بحر جميرا .. كلهم حلوين و بيستانسون فيهم اليهال ..
و ان شا ءالله تستانسون بطلعتكم في العيد ☺
و ادعيلي ربي يسهل علي و أقوم بالسلامه انا والبيبي ^^
__________________________________________________ __________
>>>> الرد الرابع :
__________________________________________________ __________
>>>> الرد الخامس :
اشكرج عالموضوع الاخوات ما قصرن وانا استفدت منه
احس فندق اتلانتس حلو واتوقع الصغارية بيستانسون عليه عندج المسابح والاكواريوم ومولات دبي طبعا
شي منتجع جزر الصحراء فجزيرة صير بني ياس وايد حلو اخت ربيعتي سارت له وتقول وايد استانسوا
شي رحلات للمحميات اليهال بيستانسون عالحيوانات هو نظام شاليهات عالبحر وشي مسابح فالفندق
https://desertislands.****tara.com/default_ar.aspx
رد مع اقتباس
