المكان :
فندق الشاطئ روتانا (Beach Rotana) .. الفئه :5 نجوم
نوع الغرفه :
Premium Room >> من غرف الطاابق 10
السعر :
750 + 16 % رسوم خدمه اضافيه + الانترنت.. يستوي سعر الغرفه = 880
سعر التأمين :
500 درهم .. ينخصم من التأمين في حال طلبتوا خدمات اضافيه مثل استخدام الميني بار و طلب توصيل الاكل من مطاعم الفندق للغرفه او في حال
طلب خدمات اضافيه .. وتتم استعادة المبلغ في حال استخدام الغرفه فقط بدون اي خدمات اضاافيه
طريقة الحجز :
ممكن تحجزون عن طريق التلفون مثل ماسوى أخوي حجز لي بالتلفون و خذوا رقم الفيزا
الخاصه فيه (ظروري في حال الحجز عن طريق الفون) .. و عطاهم ايميلي بعد ماتم الحجز وصلتنيه الرساله ع الايميل ..
المناسبه :
حجزت بمناسبة رجووع ريلي من السفر .. كنت حابه انهم هم يستقبلوونه ف المطار وكنت ابغي سيارة ليموزين بس ماتتوافر عندهم الليموزين عسب جذه حجزت من
عندهم الغرفه بس والترتيب الباقي انا رتبته التفاصيل عن الحجز موضحه فوق
اخوي حجز لي في الفندق كنت طالبه منه يحجز لي فندق ع ذووقه قالي هالفندق حلو لانه قد نزل فيه هو وحرمته وعيالهم .. الجيك ان كان الساعه 2:00
بس وافقوا يدخلون اغراضي من الساعه 12:00 وطبعاً هالمره ما صورت التفاصيل
لانه ريلي وصل متاخر اشوي .. ويا دوب اتعشينا ورقدنا ، والصبح سوينا جيك اوت لانه كان المفروض نسير للعين تلبية لعزايم الاهل حق ريلي ..
ولكن بما انه عندهم بطاقة عضويه ريلي من زود ماعيبه المكان خصوصا الشاطئ الخاص و ان الفندق قريب ع المطار وقريب على بووظبي موول
اشترك ف العضويه عسب اييبنا مره ثاانيه للفندق هذا ولباقي الفنادق التابعه لرووتانا .. لانه مالحقنا نتمشى فيه وهذي
اول زياره لي وله ..
مابطول عليكن هذي الغرفه .. الفندق حلو وهاادي وايد والخدمه لايعلى عليهاا ..
في حال الطلب راح يوفرون لج سرير الطفل وراح يوفرون لج بيبي سيتر .. وعندهم خدمة صف السياره ..
هاي اليلسه جريبه من السرير ومن البلكونه يالغاليات و ف البلكونه شي يلسه ثاانيه اروع خااصة ف الليل
اطلالتها على منظر من منااظر بووظبي .. فديت بوظبي
مخداتها مريييحه وتييب الرقااد حلوووه للاسترخاء .. بعد الجاكوزي
هااه المكتب .. وعليه التلفون الادوات الثانيه من اوراق واقلام وكل شي يحتاجه ريلج خصوصاً ان كان من النوع اللي مايستغنى عن المكتب
واذا له مكتب خااص ف البيت .. بوحارب شااعر ف يوم يكتب يحب يقعد في مكان مثل هذا 
حسّه نعيم وهادي ... يرمس وربعه اسْكوت
نوره قمر لبلادي ... خدّ وشفـــــــايف تـوت
طالعوا الكبت اللي ع يمين السرير موجوده فيه الادراج وموجود تحت الميني بار وفي حال ماتبون تدفعون السعر الاضافي وفي حال ماتبون
تستخدمون شي من الميني بار اطلبوا منهم يفقلونه
هاي صوره اقرب
يتبع ان شاء الله ..
رد مع اقتباس
