سائحة اول مره تزور الامارات

[مريم]

عنوان الموضوع : سائحة اول مره تزور الامارات
مقدم من طرف منتديات الضمير العربي

السلام عليكم ورحمة الله وبركاته

انا ان شاءالله راح ازور الامارات في عيد الاضحي وكانت عندي شوية اسئلة اتمني انكم تساعدوني

1- باذن الله بروح ابوظبي ودبي حبيت اعرف كم المده اللي بينهم وكيف اقدر استاجر سواق من شركة ينقلني من ابوظبي لدبي ؟
2- سمعت عن انتاجات هيئة ابوظبي للثقافة للكتب الصوتية حبيت اعرف من وين اقدر اشتريها واسعارها اذا ممكن ؟
3- ابي اعرف متي الاسواق تكون فاضية مافيها زحمة كثير خصوصا في دبي مول في ايام العيد اذا الصباح تكون فاضية او لا ؟
4- وكمان حابة ازور السينما في دبي مول جابة اعرف متي تكون فاضية و اذا صالات vip بالعاده تكون فاضية او لا ومتي تفتح السينما

وشكرا لكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ياااا اهلا وسهلا بالاخت الغالية في دار زايد الخير .. ويشرفني اكون اول شخص يرد عليج ،،

اول شي .. اخترتي الوقت الصح لزيارة الامارات ،، الجو يكون ممتاااااااز ..
المدة بين بوظبي ودبي تقريبا ساعة .. او ساعة ونص على حسب السيارة ومنو يسوقها 
في شركات نقل كثيرة ،، ومنها مواصلات دبي .. وبما انج بتروحين دبي هذي فرصة تجربين المترو .. والشي المميز انه يوقف في محطات مختلفة للتسوق مثل مول الامارات وغيره

بالنسبه للكتب آسفة ما عندي فكرة .. بس مرات يكون لهم أكشاك في زوايا المولات .. ان شاء الله تحصلين .. والمكاتب الكبيرة بعد فيها مثل مكتبه جرير وغيرها

احسن وقت الصبح للمولات ،، يعني الساعة ١٠ تكونين فالمول ،، تلفين شوي ،، وبعدها يكون وقت غداء .. والمطاعم في كل مكان وكل الانواع .. هندي .. عربي .. آسيوي .. وبالعااااافية
اذا عندج أطفال أحلى شي لهم عالم كيدزينيا في دبي مول .. نزليهم والمكان أمان ومستحيل يطلع الطفل الا لما توصل امه تاخذه .. وفعلا يستمتعون ويمر الوقت ولا يحسون فيه ..
السنيما في وقت الظهر او المساء تكون افلام أحلى ،، وياااارب تكون إجازة حلوة وسعيدة
بالتوفيق يا الغالية

__________________________________________________ __________

>>>> الرد الثاني :

شكرررررا كبر السما مره كنت خائفة انو وقت العيد يكون زحمة موت

بس سوال أخير السوق متي يفتح الساعه كم يعني

__________________________________________________ __________

>>>> الرد الثالث :

الاسواق زحمه طول الوقت وقت المساء .. يعني من الخمسة العصر وطالع زحححححمة !!
لكن احسن الوقت الصبح .. والمولات تفتح الصبح عالعشرة ..

دبي ما شاء الله كل العالم فيها .. وراح تشوفين زحمة فالشوارع فالفترة المسائية اكثر شي .. بوظبي شوي ..

اذا حابه .. روحي مدينه العين .. تابعة لإمارة بوظبي .. قمة الروعة والهدوء .. فيها مولات حلوة .. تقدرين تزورين جبل حفيت ومنطقة مبزرة وهم في نفس المنطقة وجوها روووووعة في وقت شهر ١١ و ١٢ .. أنا من هالمنطقة .. وهي هااااادية مقارنه بدبي وبوظبي

__________________________________________________ __________

>>>> الرد الرابع :

ربي يوفقج أختي

__________________________________________________ __________

>>>> الرد الخامس :

حياج الله اختي فالامارات احسن وقت للمولات هدوء الصبح من الساعه 10 بتستانسين فدبي اكثر من بوظبي السبب لكثره المولات والاسواق السينمه عندج سينمه الفستيفال هدوء وبالنسبه لدبي مول يبيلج 3 ايام تلفين فالمول لانه وايد كبير المواصلات من بوظبي لدبي عندج الغزال للمواصلات او الوطنيه وان شاء الله تستمتعين فالاجازه وعلى فكره بتكون القريه العالميه فاتحه لازم تزورينها وناسه عالم ثاني