عنوان الموضوع : القرية العالمية 2017-2016 بعدسة ^الدماني^ - الجزء الأول في الامارات
مقدم من طرف منتديات الضمير العربي


المشاركة الأصلية كتبت بواسطة AL Hour
عزيزتي ^الدماني^ .. بخصووص موضوعج الرووعه عن القرية .. تبين تقهرينا مثلا ؟ خخخخ

تسلمين فديتج ..

بنتااابع الباااجي






المشاركة الأصلية كتبت بواسطة Darb alwed
كالعاده مميزة يا ^الدماني^
تقرير ولا اروع عيشتينا الجو
عااد أحلى شي فالسنة بكبرها القرية وانتي زدتيها حلاوة
يعطيج ربي الف عافية
فانتظار تقاريرج الياية بشووووق









الموقع الرسمي
https://www.globalvillage.ae/


من 1 نوفمبر -2017 – 3 مارس 2016


أوقات العمل :

السبت - الأربعاء : 4 عصرا – 12 منتصف الليل
الخميس والجمعة : 4 عصرا – 1 صباحا
الأثنين يوم مخصص للعائلات فقط


سعر التذاكر : 10 دراهم للشخص الواحد


باكيج الـ VIP




الأسعار تختلف حسب الأرقام المميزة ابتداء من :

750 درهم – 1000 درهم – 1500 درهم – 2017 درهم – 3000 درهم

وتشمل الآتي :



ملصق الـ VIP للسيارة




تذاكر لخدمة المواقف المدفوعة



تذاكر دخول



تذاكر للألعاب الترفيهية



وبطاقة ممغنطة لدخول لا محدود للقرية





التاجرات المشاركات في القرية هذي السنة :


Bellegirl
https://www.forum.uaewomen.net/member.php?u=104253

+

أحلام علي
https://www.forum.uaewomen.net/showthread.php?t=993316

+

Dantell
https://www.forum.uaewomen.net/member.php?u=163755

(التاجرات الثلاث مشتركات في متجر واحد ) :
في القرية الإماراتية : متجر رقم 30


*******

ام رشوودي
https://forum.uaewomen.net/member.php?u=14326
جناح فرصتي : محل 32 بوابة رقم 5


******

توته الحلوه
https://forum.uaewomen.net/showthread...8#post36400148
القرية الاماراتية : برقع للعطوروالبخور محل 69

*********



ملاحظة : هذي السنة بأحط لكم اسعار البضائع اللي أذكرها ..
لكن لا تعتمدون عليها وايد لأني "أخيب" وحدة تعرف تكاسر

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ودارت الدنيا ...
وفتحت القرية




ما أقول الا .....


قاصد جداكم حافي يا حلوين المشم
ولكم ضميري صافي ولغيركم ما يظم

(كلمات بابا زايد الله يرحمه)


قبل لا ندخل حبيت أبشّر اللي بيوقفون السيايير مكان بعيد وريولهم بتطيح من المشي
انه عند كل موقف في ركشات توصلكم لين باب القرية أو العكس (لين قريب سياييركم)
لاحظوا الهندي اللي محتفل بوشاح العيد الوطني





يالا نبتدي التقرير !



*** القرية الإسبانية ***




آآآآه يا زمان الوصل بالاندلس


__________________________________________________ __________

>>>> الرد الثاني :
اسميه هالقرية ردت لي ذكريات سفرتي الأولى الى اسبانيا قبل 26 سنة


مثل هالبوسترات ...





اذا حقج ... فبيطبعون اسمج على هذا البوستر الجاهز
امممممم .. مثلا :


راقصة الفلامنكو الشهيرة : ^الدماني^





واذا حق ريلج .... بيطبعون :

مصارع الثيران الشهير : بعلولها (مثلا يعني )




أكثر شي أثار أشجاني انه لافتات المحلات كأنها مكتوبة بطريقة البلاط الاسباني الشهير




عندهم AIR BRUSH TATOO




وهذا المحل ...




متخصص في الأحذية الاسبانية اليدوية الصنع اللي تشتهر بها اسبانيا



وهذا المحل اللي يبيع ماركة Ria الأسبانية



للأطفال ...



الأسعار تبتدي من 120 درهم


__________________________________________________ __________

>>>> الرد الثالث :
شوفوا هذا شقايل كيوت



وللكبار .....(الأسعار تبتدي من 200 – 400 درهم حسب الشغل)



هذا من وحي البيئة الإماراتية : .... طيطار متخفي في الرمله




أما هذا المحل اللي يبيع منتجات فريق برشلونة ...



.... حبّوه الفريخات




"بُـطـُـلْ" عصير عنب خالي من السكر ومن الكحول ..
شكل الغرشه "يسطّل" بدون شي



محل تحف برونزية وكريستالات شغل اسبانيا



ملابس ...



أكثر ستايلها غجري




سلاسل واكسسوارات من الكروشيه


__________________________________________________ __________

>>>> الرد الرابع :
شنط مطرزة




وفي منتجات غذائية اسبانية وايدة ..مثل التين المجفف




والبابريكا المدخّن




والغورميه فود مثل المخللات والساردين المعلّب والتونه ...




وزيت الزيتون الأصلي




هذا المحل عليه اقبال ...




يبيع مفارش وشالات تقليدية مطرزة يدويا (اسعارها من 500 درهم وطالع حسب نوعية الشغل)




ستاند للفرق الاسبانية الشعبية




والرقصات الإسبانية .... لاحظوا راقصة الفلامنكو بالزي التقليدي
(والشعر الغجري المجنون يسافر في كل الدنيا) مع الاعتذار لنزار قباني !




أحلى ما في القرية اللوحات اللي تصورون وياها




وهذا فنان يرسمكم بصورة كاريكاتيرية


__________________________________________________ __________

>>>> الرد الخامس :
وهذا واحد يكتب الأسماء على الأساور ...
شوفوا هالإسم اللي يضحك : قرقوري !!!!!!!
أظني قصده اسم GREGORY يعني




أما هذا المحل ....




رووووعة ! يبيع زي الفلامنكو للبنوتات من كل القياسات (150 درهم)




العقود والأساور والحلق المكملين للزي ...
(العقد 20 درهم ، الاسوارة 20 درهم ، الحلق 6 دراهم)




مشوط لتسريحة شعر راقصة الفلامنكو ... (6 دراهم)




الشوز اللي تخبلت عليه




وطبعا ما يحلى الفلامنكو الا بالـ ........"صاجات" الاسبانية !
(الكبار 30 درهم ، الصغار 14 درهم)




ليكتمل الزي ويصبح هكذا




عندهم أشيا تذكارية ثانية مثل ...

جربة ماي مصنوعة من جلد الثور (ذكرتني بأفلام الكاوبوي )