عنوان الموضوع : زيارة للامارات ..ساعدوني بارك الله فيكم ولكم دعوة بظهر الغيب
مقدم من طرف منتديات الضمير العربي
السلام عليكم ورحمة الله وبركاته..
عندي اجازة قصيرة وحبيت اقضيها بالامارات
سبق وزرت دبي بس هالمرة حابة اسير لامارات ثانية وعندي مجموعة استفسارات
اتمنى تساعدوني في الاجابة عليها واللي تساعدني لها دعوة بظهر الغيب
حتى للي ماتعرف تساعدني برفع الموضوع:
اسئلتي بالنسبة لدبي :
- كيف اروح للقرية العالمية من خلال محطة ابن بطوطة اوالغبيبة افضل؟؟ سكني خلف مول الامارات
- وهل الرحلات لها مواعيد ثابتة ولا القى بأي وقت حافلات متوفرة؟
- وش مواعيد عمل القرية؟
- وبخصوص العودة لدبي هل في باصات عند القرية ترجعنا؟؟
اسئلتي بالنسبة لأبو ظبي:
-ابا اسير أبوظبي بالباص, شيكت مواعيد باصات فلاي دبي ماناسبتني وقررت اروح بباصات الغبيبة
متى مواعيد الرحلات وكيف احجز وكم التكلفة؟
-متى اوقات الزيارة لمسجد الشيخ زايد؟وكيف احجز؟
- هل اقدر ازور فندق قصر الامارات؟ وكيف احجز لو ممكن؟
- حديقة الشيخ خليفة وشاطئ الراحة يستحقوا الزيارة؟؟ سكني بعيد عنهم وابعرف.
- كيف اسير العين من ابو ظبي؟؟
- شو افضل الاماكن في بوظبي والعين والفجيرة؟؟
سوري ع الاطالة حبايبي ...بليز لاتطولوا علي سفرتي قريبة وايد باذن الله..
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
فوق ال 60 مشاهدة وولا رد؟؟
الله يسامحكم والله ماكنت متوقعة. انه محد بيساعدني
__________________________________________________ __________
>>>> الرد الثاني :
هلا فيج في الإمارات
راج أجاوب عن دبي لان ما عندي فكره عن أبوظبي
القريه العالمية آخر يوم تاريخ 30 مارس
- كيف اروح للقرية العالمية من خلال محطة ابن بطوطة اوالغبيبة افضل؟؟ سكني خلف مول الامارات
مافي مترو قريب القريه استخدمي التاكسي أحسن
- وهل الرحلات لها مواعيد ثابتة ولا القى بأي وقت حافلات متوفرة؟
- وش مواعيد عمل القرية؟
القريه تفتح من الساعه 4
- وبخصوص العودة لدبي هل في باصات عند القرية ترجعنا؟؟
مافي باصات توصل للقريه
__________________________________________________ __________
>>>> الرد الثالث :
القرية تفتح من ٤ لين ١٢ الليل بس مافي مترو قريب للقرية فلازم تاخذين تكسي افضل وآخر يوم ٣٠ مارس
عن الباصات من دبي لبوظبي ماعندي فكرة لأن نحن دايما بروحنا نسير ما نستخدم المواصلات العامة
في دبي وااايد اماكن تزورينها بس طبعا بما ان الجو بدأ يحر فأفضل مكان المولات واذا عندج عيال وديهم كيدزانيا دبي مول وسيغاريبابليك يلعبون
عندج الجي بي ار كله مطاعم
في حديقة ورد يديدة فاتحينها بعدني ما سرتها بس يقوون حلوة اسمها ميريكال غاردن
في بوظبي حديقة الامارات للحيوانات اللي كانت معروفه باسم كيدز بارك
مكان واااايد حلو حق الصغارية وعندهم شاليهات يديدة للمبيت داخل الحديقة
عندج جزيرة ياس وعالم فراري والووتر وورلد حديقة مائية واايد حلوة
الفجيرة من زمااان مب سايرة بس اظن فاتحين فيها سيتي سنتر من فترة
حياج الله اختي في بلادج وان شاء الله تكون زيارة ممتعة لكم وتستانسون
__________________________________________________ __________
>>>> الرد الرابع :
اللهم اغفر لـ(عمر) وارحمه وأدخله جنات النعيم ونور مرقده وعطر مشهده وطيب مضجعه وآنس وحشته
__________________________________________________ __________
>>>> الرد الخامس :
متى زيارتك اختي لدبي لان القرية الي اعرفه بيسكرون 29 أو 30 الشهر
رد مع اقتباس
