السلام عليكم ورحمة الله
اليوم كنت ادور على مطعم اتعشي فيه مع ريلي
خاطري في شي يديد ومميز
فكنت اسوي حوسه في هالنت اشوف لو في تقارير عن مطاعم او صور عسب لو سرت اعرف شو بحصل
فيت هالفكرة على بالي
ليش مانفتح موضوع نحط فيه صور الاكل للمطاعم الى جربناها
طبعا أنا ماعرف عنكم بس انا مجنونة تصوير اكل
يعني بس اظهر مطعم او حد اطلب من مطعم لازم اصور في تلفوني
الموضوع بيكون كالتالي:
اسم المطعم:
الامارة:
الاسعار:
وطبعا الصورة و تقرير بسيط عن رأيج في المطعم
اخليكم مع الصور:
اسم المطعم: Bon Appetit cafe
الامارة: بوظبي
الاسعار: متوسطة
طلبنا من عندهم كرواسون محشي (بالجبنة ، البيض، الدجاج، وغيره) بصراحة طعمة روعة
وطلبنا بعد ميني برجر بالخبز الفرنسي محشي (باذنجان، فلفل احمر، دجاج، وغيره)
وبعد طلبنا منهم شيز كيك (حلوه خفيفة)
وكب كيك (ماعجبني بس شكل بس مافي طعم)
اسم المطعم: فوالة للمعجنات
الامارة: بوظبي
الاسعار: ماعرف لأن دوم الدوام يطلبه حقنا
معجناتهم وايد حلوه ولذيذة
لكن الكيك ماعجبني ابدا (ثقيل)
اسم المطعم: Sugar Daddy
الامارة: بوظبي
الاسعار: الكب كيك الصغير 5 دراهم والكبير يبدا من 12
طلبت منهم بوكسين منوع عشان عيد ميلاد ربيعتي
بصراحة وايد عجبني خفيف وطعمه حلو
اسم المطعم: مس جي كافية
الامارة: المارينا مول - بوظبي
الاسعار: اسعارهم معقولة (الكيك يعتمد على كم كيلو تبين)
بصراحة وااايد احب الكيك مالهم شكل وطعم روووعة لذيذ
خصوصا الشوكليت
اول وحده يبوها البنات حق عيد ميلاد ربيعتي
تمينا ناكل الفروالة
والثانية شريتها ان واختي عشان نفرح اختنا الصغيرونه لما تخرجت من الجامعة
عندي وايد مطاعم بس الصور امتسحت من تلفوني القديم وهالمطاعم بقت
يله بنات نبى الهمة اكيد كلكم تحبون تصورون الاكل في المطاعم ^_^
بنات شيكوا الصفحة الثانية حطيت فيه باقي الصور مال المطاعم
رد مع اقتباس
