عنوان الموضوع : الجو جميل و شاعري .......... قروب بنات البر لعشاق السياحة
مقدم من طرف منتديات الضمير العربي





السلام عليكم


حي الله بنات البر و البحر هههههههههههه
خاصة الحين بدى الجو يعتدل





يبغي لنا حصير + دلة كرك و نتوكل ع الله







خبرونا بنات وين تتيمعون مع اهاليكم يوم تسيرون البر ؟
وين تسيرون

الامارة :
المكان بالضبط:


مثلا بالنسبة لي نحب نسير صوب:
شارع محمد بن زايد / عيمان أو راس الخيمة
العراقيب اللي مجابلة الشارع الرئيسي
نيلس هناك مع الكرك ++ الضووو و نشوي بطاط و ذرة هههههههههههههه



حياكم بنات شاركونا بالاماكن الحلوة اللي تسيرون لها

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
انا اروح البدع-العين
اشل العده كلها واوري ضو واسوي شاي ومجبووووووس دياي واستمتع بوقتي الجميل في هالجو الحلو

__________________________________________________ __________

>>>> الرد الثاني :
هممم .. صوب المسند .. المزرع .. عزبة يرانا
لكن احلى شي يوم جي تدخل داخل البر مكان مافيه عرب رواحنا .. بس نحن
او صوب البحر .. واحلى يمعه بالنسبه لي في حوي البيت

واهم شي الكرك ..

__________________________________________________ __________

>>>> الرد الثالث :

السلام عليكم ورحمة الله و بركاته
حنا ناخذ الحصير و ناخذ العدة و نطبخ في البر ،،،
و ما ننسى الدلال و الغوري

مكان التجمع ،،، نتجمع صوب الصرامي ،،، ويا الدراجات و نلعب هناك
المكان الي نروح له ما شي جمعة عائلات وايد ،،، و اذا كنا في منطقة
مستحيل العائلة الثانية يتقربون منك ،،، حفاظا على الخصوصية ،،، و خاصة
ان العائلات من حريم و رياييل يلعبون دراجات ،،،


او نسير صوب المزرعة في ليوا ،،،،الصراحة جو ليوا لا يعلى عليه ،،،

__________________________________________________ __________

>>>> الرد الرابع :
لا تنسن الكستنا والذرة والبطاطا أحلى شيء
والكررك والقهوة

__________________________________________________ __________

>>>> الرد الخامس :
امّمم البدع عدنا فالعين اذا بغيت بر وإذا بحر أسير صوب دبا مسافه بعيده خط وسوالف حلو لين نوصل وإذا مارمت اطلع مكان أحب اتريق فحوشي اصبح فالبرد والدخان يطّلع من شاهي الزنجبيل