عنوان الموضوع : ولدي عمره سنتين وعنيد وايد ابا الحل ارجوكم للساحة الامارات
مقدم من طرف منتديات الضمير العربي

شحالكم خواتي انا اول مره اشارك في هذا الباب بغيت مشورتكم عندي ولد عمره سنتين كان قبل 3 اسابيع على طبيعته العاديه يعني محد احسن عنه الكل كان يقولي انه ماشاءالله غير عن كل الاولاد فجأه مرض جاسه اسهال وحراره وترجيع يمكن تم على هالحال اسبوع ومن عقبه تغير حاله صار وايد يصيح على كل شي ودومه معقد حياته ومعصب احنا كلنا مستغربين منه وقام يضرب اخته اللى اكبر منه وحتى انا يضربني واذا صاح مايسكت لو حتى يتم عطول يصيح عادي عنده ولازم انراضيه وكل اللي يباه يصيح عشان ياخذه والله مووووول ماكن جذه وايد شاغل تفكيري ومب عارفه شواسويله والا كيف اتعامل وياه الله يهديه يارب، فديتكم اذا في حل قولولي لانه صاير وايد مزعج وكل يصارخ على اي شي .

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
بنتي نفس حالة ولدج الله يحفظه بس هي عمرها سنه واربع شهور من مرضت تغيرت ومب عارفه شسويبها واللي تعرف
وعندها خبره ترحمنا وتفيدنا ويزاها الله الف خير؟؟

__________________________________________________ __________

>>>> الرد الثاني :
يعني محد يقدر يرد عليه ويرحني والله تعبت

__________________________________________________ __________

>>>> الرد الثالث :
أختي الغالية ..
الطفل في هالسن من سنتين لين اربع سنوات يكون اعند ما يكون وبالاسلوب الصحيح تقدرين انج تخففين من هالعناد والعصبية الزايدة...
انا عندي ولدين الله يحفظهم لي ان شاء الله... ومريت بهالشي... اولا حطي في بالج انه الدوا يمكن يخلي طفلج شوي عصبي وعنيد.. شي ثاني لاتعودينه اي شي يباه تعطينه... لانه بيأذيج بعدين.. وحاولي تطنشين... يمكن اول فتره بتكون صعبه لكن لازم تقوين قلبج ولا تحاولين تسمعينه...
وبعدين الطفل ذكي يعرف اذا تم يصيح بيحصل اللي يبيه... فلا تردين عليه خليه... وصدقيني بتشوفين التغيير... انا عيالي كانوا من كثر الصياح يرجعون الاكل..ويتدلعون.. بس عرفوا انه مهما صاح ما بيحصل اللي يباه.. اعرف يمكن تقولين ما اروم و حرام عيالي.. بس النتيجة مضمونه...
واخيرا.. داااايما دااايما اقري على عيالج الصبح والمسا بالمعوذات والرقي.. ما تعرفين يمكن حد يحسدهم و لا شي... واستغفري ربج دوووم...

الله يهدي عيالج.. وعيال الكل ان شاء الله.. ويسعدهم ... ويخليهم قره عين لج بإذن الله

__________________________________________________ __________

>>>> الرد الرابع :
أختي اقري عليه وارقيه كل يوم الصبح وقبل لا يرقد .. وتاكدي من جرعة الادوية يمكن تكونين تعطينه جرعة زياده فيتم معصب .. والله يشفيه لك ..

__________________________________________________ __________

>>>> الرد الخامس :
حبيبتي اولا اليهال في هالسن 2-5 يكونون عصبيين وعنيدين ويصيحون على اتفه الاشياء احيد ولدي الكبير كان يصيح يوم ما يقدر يفتح عصيره او الحلاوه اي شئ المهم يفج حلجه ويوم ما يحصل على شئ يعاند ويصيح لين ما نعطينه بس انا انتبهت انه هالشئ غلط لانه تعود على هاي السالفه فقمت اطنشه لين ما يسكت لدرجه انه كان يضرب راسه عالارض عشان اعطيه الشئ اللي يبغيه بس ما كنت ارضى لين ما ودر هاي العاده واصطلب والحين طالعلي الصغير وهو عمره 2.7 نفس حركات اخوه العود ................ بس صدقيني انتي كوني حازمه معاه ويوم بتكلمينه طالعي في عينه مباشرة وحاولي تتعاملين معاه باسلوب التطنيش ختى بعد ما يسكت لا تبوسينه او تحظنينه فتره لانه هو بيحس صدقيني لا تقولين بعده صغير لا هو يفهم وهم اذكياء
الله يهديه يارب