عنوان الموضوع : عيالي الله يهديهم لل(مربيات من قريب) وللأمهات الثانيات للسياحة
مقدم من طرف منتديات الضمير العربي
الامهات والامهات اللي مربيات قريب
كيف أنتن مع عيالكن الثانيين
يعني روتينكم اليومي اختلف عن أول ولا لا
وقت الرقاد ووقت النشه
وقت الريوق والغداء والعشاء
هل اختلف عن أول ولا لا
وكيف تتعاملون مع عيالكم إاذ تمو يصارخون أو يضاربون
أنا مرات اطنش
ومرات اضرب
ومرات اكلمهم وافهمهم بهداوه
بس ولا وحده من هذه نفعت
إذا طنشت زادو
وإاذ ضربت صدعوني بصياحم وردو يسون اللي قبل كانوا يسونه
وإذا كلمتهم يسمعون شوي وبينسون
أقعد ألعب معاهم اضاربو
خاصه أن الفرق بين أعمارهم 3 سنوات
والله ما أعرف شو أسوي وياهم خاصه أني مربيه من قريب ومشغوله مع البيبي
ومش عارفه كيف ارتب رقادهم وتعاملهم ويانا وتعاملهم مع بعض
وبغيت أسألكن كيف رقادكن
الظهر والليل
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ان شاء الله الامهات يجاوبونج لان عندي بنت وحده بس ...
الغاليه سويلهم غرفة العاب خاصة ويلسيهم فيه مع تلفزيون وشغليلهم قنوات الاطفال.... ووقت الرقاد رقدي الكبار وخلي اي حد ايود البيبي مثل الابو او المربية وبعدين ارجعب للبيبي ...
__________________________________________________ __________
>>>> الرد الثاني :
بصراحه ماحب اسلوب الضرب ..
بالعكس استانس لما اشوف اليهال يركضون ويصارخون ..
احاول افهمهم او اعاقبهم .. مب اضرب اخواني الصغار ..
العقاب يكون عباره عن الحرمان ...
__________________________________________________ __________
>>>> الرد الثالث :
مشكووورة وااايد يا vip
بس المشكله أن رقاد البيبي يكون وقت رقاد أخوانه
و إذا رقدته أول وايي ارقد أخوانه يوعي قبل ما يرقدون
وما اعطيه للخدامه
وأبوه ما يكون موجود وإذا كان العيال الثانيين ما يرقدون ويتمون يلعبون وياه
مشكورة يا فراشه
إدري أن الضرب ما ينفع وأنا ما أضرب واايد
وإذا عاقبتهم يتمون يصرخون ورأسي يعورني
وإذا عورني اتم اصارخ عليهم
__________________________________________________ __________
>>>> الرد الرابع :
المشاركة الأصلية كتبت بواسطة بنوتة العين
الامهات والامهات اللي مربيات قريب
كيف أنتن مع عيالكن الثانيين
يعني روتينكم اليومي اختلف عن أول ولا لا
وقت الرقاد ووقت النشه
وقت الريوق والغداء والعشاء
هل اختلف عن أول ولا لا
وكيف تتعاملون مع عيالكم إاذ تمو يصارخون أو يضاربون
أنا مرات اطنش
ومرات اضرب
ومرات اكلمهم وافهمهم بهداوه
بس ولا وحده من هذه نفعت
إذا طنشت زادو
وإاذ ضربت صدعوني بصياحم وردو يسون اللي قبل كانوا يسونه
وإذا كلمتهم يسمعون شوي وبينسون
أقعد ألعب معاهم اضاربو
خاصه أن الفرق بين أعمارهم 3 سنوات
والله ما أعرف شو أسوي وياهم خاصه أني مربيه من قريب ومشغوله مع البيبي
ومش عارفه كيف ارتب رقادهم وتعاملهم ويانا وتعاملهم مع بعض
وبغيت أسألكن كيف رقادكن
الظهر والليل
الحمدالله عكل حال والله يعينك، أنا يوم اسبح او أبدل حق النونو اقول حق سارة (3سنوات) تساعدني فتستانس، الحشرة والضرايب موجوده، ماشي الا انك تطلعينهم يفرغون طاقتهم برع، انا بس ارقد فالليل
__________________________________________________ __________
>>>> الرد الخامس :
هلا أم راكان
بالنسبه للسبوح اخلي العود والصغير عندي يوم اسبح البيبي يستانسون يوم يرشونه بالماي أو اخلي العود يحط الصابون على جسمه والصغير يحط البودره على جسمه
بس المشكله عندي فترة الظهر والليل يتعبوني
وبالنسبه للرقاد أنا بعد ما ارقد إلا فالليل ومتأخر
رد مع اقتباس
