عنوان الموضوع : ((( يزاها الله خير كل أم بترد عليه حتى لو بدعوه ))) سياحة الامارات
مقدم من طرف منتديات الضمير العربي

مرحبااا الساااع خواااتي ،،

شحاالكن وشحااال عياااالكـــن ،،

طولي بعمااركن انا ام يديده ومربيه من جريب ( بنتي توها مكملة شهر وكم يوووم )


خوااتي مادري شووو اييهاا بنتي ،، ع فليل تتيبس من الصياااح

اسكتها واقرى عليها واحركها وماشئ فااايده

لدرجه انه صووتها حتى يروح من كثر ماتصاااارخ

اول مره صار لها تميت اصيح وركضت عند امااايه وتمت تشلها وتقرااا عليها

وشوي شوي وتسكت وتصخ مره وحده واتم متنحه صااخه مادري ليش

وعقب شوي ترد نفس الحاااله

قلت يمكن مغص والا شئ ،، فتميت احاول اخليها على بطنها اكثر وقت ممكن خاصه انها تصيح وماتحب اطيح ع بطنها واايد


ومن ثلاث ايااام يا خوااتي على هالحاااله

وديتهـــــــــــااا عند د.اياد وقال مافيهاا شئ كل شئ طبيعي وعطاني قطرة انفاكول حقها على اساس اعطيها اياها كل ساعتين ثلاث مرات في اليوم واشوفها تخبلت اكثر وصريخهااا زااااااااد


ف وقفت عنها الدوا ووديتها عند دكتوور ثاني عراقي وقالي طبيعيه البنت مافيهاا شئ والحمدالله بس غازااات

ف مادري شووو سالفة الغازات ومتى بتخووز عنها مع اني اخليها اطلع الغازات عقب كل رضعه

وقالي عن شاي امبريس اعطيها اياه مرتين كل يوم بالبااابونج

ف مادري بعد هل بيفيدها الشاي والا بيسويلها غازاات اكثر


فيدووووني الله يخليكن





وهي بغيت اسألكن عن شئ

بنتي اول شهر كانت ترقد وايد بس الحين اشوووف رقاادها قل واااااايد

ف هل هالشئ طبيعي والاااااااااااا لاا



ومابى منكن غير دعووه علني فداااااااااااااكن

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
إختي العزيزه ،، تقريبا كل اليهال جذه في بداية ايامهم

بعدين الإنفاكول لازم تعطين البيبي قبل الرضعه ، حاولي تدسعينها عدل عقب ما ترضع ، خليها فتره على جتفج .

جربي دوا ثاني للمغص ،، احيد ولدي ما نفع وياه الانفاكول ، جربي سالينال ماركة جلفار و ان شاءالله خيير

اذا ترضعينها لا تاكلين اشيا تسوي غازات ، و اذا تعطينها صناعي استخدمي حليب ما يسبب امساك مثل بيبي لاك

الله يعينج على تربيتها يارب ،، تأكدي دووم انها مش مبلوله حاولي تكون جافه دووم بدلي بإستمرار ولا تنسين تتأكدين من المطقه الحساسه يمكن عندها التهاب لا سمح الله .

ماعليها شر ، جربي سالينال و شوفي ..

__________________________________________________ __________

>>>> الرد الثاني :
لا تحاتين ان شاء الله كل شي طبيعي

__________________________________________________ __________

>>>> الرد الثالث :
عادي فديتج .. كل اليهال جي في بداية الامر..

الله يسخرها لج ان شاء الله

__________________________________________________ __________

>>>> الرد الرابع :
ماعليها شر اختي كل عيالنا كانوا جي بصياحهم
الله يخليها لج

__________________________________________________ __________

>>>> الرد الخامس :
هاي غازات حطي على بطنها شوية زيت زيتون ودلكي بطنها بشكل دائري لمدة دقيقتين والأهم إنج تعطينها أعشاب الشاي الميلوبا بالشمار

وماي غريب عطيها شوي شوي لا تكثرين بمقياس