عنوان الموضوع : (((... نقاش ...))) .. شو هو رايج في دور الحرمه والريال في .. سياحة الامارات
مقدم من طرف منتديات الضمير العربي

السلام عليكم ورحمة الله وبركاته

جيف حالكم خواتي

إن شاء الله بخير

عندي لكم اليوم بعض الاسئله اللي دايما نتجادل فيها خاااااصة أحنا الحريم



*************************



شو هو دور الحرمه والريال في




1- تربية العيال من الناحيه التربويه
هل تعتقدين أن دور الأم كفايه في تربية عيالها أو أنها تقدر أتسيطر عالوضع أو أنج أتوشفين دور الريال مهم فيه ولازم يشارك فيه خاصة أن أغلب الريايل هالايام ما يشاركون في تربية عيالهم

*************************


2- في الاهتمام في العيال يعني تأكيلهم تسبيحهم إذا نشوا الفليل يسير يرقدهم ولا هذا كلللللله في إعتقادج من دور الأم

قصدي مساعده مب دايما ^_^

*************************


3 - والسؤال الأخيييييير والهام هل تعتقدين أنج إذا شليتي الحمل كله عن ريلج بيقدرج من ناحية الأهتمام بالعيال ولا لازم الحرمه تعود ريلها على مشاركتها في كللللللل شي ولو بشكل بسيط

************************

وتسلمووووووووووووووون


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
لازم بالتاكيد للاب دور مهم في تربية العيال ويشل بعض المسؤوليه عن الام
وحلو التعاون بينهم حتى الام ترتاح نفسيتها وبتكون مطمئنه لو استوى بها شي او مرضت لان اعيالها بيكونوا مع ابوهم ويعرف يتصرف بهالحالات
مثلا ريلي الحمدالله يساعدني لو كان فاضي في مذاكرة اعياله هو يقبض واحد وانا الثاني
ومرات يرقدهم وييلس معهم لي ما يناموا ويساعدني في تلبيسهم وهاكله يسويه بدون ما اكوله يوم يشوفني وايد منعفسه وحالتي حاله ويا اليهال والا يوم اكون مريضه ..الله لا يحرمني منه ويخليه لينا ....

__________________________________________________ __________

>>>> الرد الثاني :
1 طبعا للأب دور مهم وكبير جدا في التربية
مب لأن الحرمة ما تقدر اتشيل بروحها... لأ
من ناحية ان الحرمة تعلم أشياء ...والريال يعلم ويضيف أشياء
مثلا يعلم الولد تحمل المسئولية والصلاة في المسجد وكيف يتعامل مع الناس في المجالس....الخ
ويعطي البنت الحب والاهتمام والوجود الذكوري في حياتها اللي تحتاجه كل بنت

2- بصراحة...المفروض يساعد
يعني منو القال وقرر ان هذي مسئولية الحرمة
المفروض انهم يتعاونون... خاصة اذا الأم اداوم
يعني ليش هي اتنش من الصبح وتروح الدوام وتتعب ولما ترجع البيت يكون كل الضغط عليها
والريال قاعد مرتاح
مثل ما انت تعبان بعد هي... وبالعكس يمكن جسم الريال يستحمل التعب أكثر

3-لا ما أعتقد انه رايح يقدر اذا هي شايله كل شي
لأن هو ما جرب يهتم في العيال وما يعرف كيف هذا الشي متعب
على باله عااادي...وسهل ومب متعب

__________________________________________________ __________

>>>> الرد الثالث :

المشاركة الأصلية كتبت بواسطة الصهبا
لازم بالتاكيد للاب دور مهم في تربية العيال ويشل بعض المسؤوليه عن الام
وحلو التعاون بينهم حتى الام ترتاح نفسيتها وبتكون مطمئنه لو استوى بها شي او مرضت لان اعيالها بيكونوا مع ابوهم ويعرف يتصرف بهالحالات
مثلا ريلي الحمدالله يساعدني لو كان فاضي في مذاكرة اعياله هو يقبض واحد وانا الثاني
ومرات يرقدهم وييلس معهم لي ما يناموا ويساعدني في تلبيسهم وهاكله يسويه بدون ما اكوله يوم يشوفني وايد منعفسه وحالتي حاله ويا اليهال والا يوم اكون مريضه ..الله لا يحرمني منه ويخليه لينا ....




ماشاء الله عليييييكم الله يخليكم لبعض إن شاء الله ويوفقكم دنيا وآخره آمييييين

__________________________________________________ __________

>>>> الرد الرابع :

المشاركة الأصلية كتبت بواسطة شيطونة
1 طبعا للأب دور مهم وكبير جدا في التربية
مب لأن الحرمة ما تقدر اتشيل بروحها... لأ
من ناحية ان الحرمة تعلم أشياء ...والريال يعلم ويضيف أشياء
مثلا يعلم الولد تحمل المسئولية والصلاة في المسجد وكيف يتعامل مع الناس في المجالس....الخ
ويعطي البنت الحب والاهتمام والوجود الذكوري في حياتها اللي تحتاجه كل بنت

2- بصراحة...المفروض يساعد
يعني منو القال وقرر ان هذي مسئولية الحرمة
المفروض انهم يتعاونون... خاصة اذا الأم اداوم
يعني ليش هي اتنش من الصبح وتروح الدوام وتتعب ولما ترجع البيت يكون كل الضغط عليها
والريال قاعد مرتاح
مثل ما انت تعبان بعد هي... وبالعكس يمكن جسم الريال يستحمل التعب أكثر

3-لا ما أعتقد انه رايح يقدر اذا هي شايله كل شي
لأن هو ما جرب يهتم في العيال وما يعرف كيف هذا الشي متعب
على باله عااادي...وسهل ومب متعب



صحيح كلامج لازم الحرمه تعود ريلها على تحمل المسؤوليه مب لأنها ما تقدر بالعكس تقدر لكن مساعدته لها يخليها ترتاح شوي وبعد يخلي الريال يقدر مرته وتسلميييين عزيزتي كلامج في قمة العقل ماشاء الله

__________________________________________________ __________

>>>> الرد الخامس :
في تربيت العيال لازم يتشاركون لان ان احد اعتمد الثاني بتخترب تربيتهم وبيضيعون العيال
لان اناعتمد الزوج على الام بتصير فجوه بين لاب والاعيال لاحب و لا احساس بيكون بينهم
الام الي تقدر تبني العلاقة بين الابن والاب ...لان ان ما كانت هناك علاقة بتكون اهناك فجوة بينهم وبهابون الابو