عنوان الموضوع : بنتي الضعيفه لعشاق السياحة
مقدم من طرف منتديات الضمير العربي
السلام عليكم خواتي
بغيت منكم مساعده....بنتي عمرها 11 شهر وهي وايد ضعيفه كل من يشوفها ما يصدق انه عمرها 11 شهر يتحرونها بنت 6 شهور
ماتطيع تاكل وايد بعد....فشو الاكلات اللي تمتن اليهال وتخليهم بصحه...
حتى يوم تيلس احسبها مافيها توازن وشويه وتطيح..ابا حل يزاكم الله خير
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
شوفي اختي اسمعي رمستيه وان شاء الله مابتندمين واعطيج مده اقل عن شهر وبتلاحظين الفرق هذي عن تجربه لاني بكريه واااااااايد تلعوزت وكنت استخدم لولدي نان الله لايراوج كيف مسكين كان ضعيف وكنت كل ماسير بيت اهلي انهزب يقولون لي شكلج ماترضعينه شكلج هامله الياهل وياحراااااااام ليش ج ضعيف كنت ارد البيت متضايجه بس الحمدلله بفضل الله ثم البنات استفدت من تجاربهم وابيج تستفيدين من تجربتي بعد
1) غيريله الحليب استخدمي له حليب ابتاميل كومفورت واااااااااااااااااااااااااااااايد روعه يسمن ومايسبب لا غازات ولا امساك وحطي له فديتج في كل رضعه ملعقه سيريلاك
2) يوميا خذي ثلاث تمرات اعجينيهم وحطي في كاسه وخذي كاسه ماي فوري الين مايغلي اطفيه خذي ملعقه صغيره مليانه ينسون وشمر وحطي داخل الماي وغطيه مده نص ساعه اشخليه وردي سخنيه ومن يحر حطي عالتمر وغطيهلمده ساعتين وتمي كل بعد نص ساعه اهرسي التمره بالشوكه وبعدين اشخليه وحطيله فالمرضعه واااااااااااااااااااااااااااااايد مفيد ويسمن ويحمر الخدود بعد ماشاء الله
3)في دله الماي اللي تسوين فيله الحليب يوميا خذي بس 7 حبات حلبه اغسيليهم وحطيله اياه فالدله بتشوفين لون الماي بعد متغير هذا وااااااااايد مفيد لعظامه ويسمن
هذي عن تجربه فديتج بس فبل لاتبتدين اباج توزنين البيبي وتسوين اللي قلتلج عليه بالحرف الواحد ولمده شهر وبتقولين هدوء قالت توكلي على الله بس خبريني شو صار وياج ولا تنسين تاكلينه اكل بعد انتي سويله جدول نظمي اكله وشربه
وبعد سويله خضار بطاط + جزر + رز مصري + كوسه +ذره ملح وقطعه صغيره دجاجه ثوريه الين مايستوي بعدين اخلطيه فالخلاط واكليها كوجبه غداء يوميا
__________________________________________________ __________
>>>> الرد الثالث :
الأخت هدوء القلب ماقصرت معاك عطاتك أحسن النصائح , أنا بعد أرجع وأقولك عليك بالحلبة
__________________________________________________ __________
>>>> الرد الرابع :
تسلموووون خواتي يزاكم الله خيييييييييييييييييييييييييرررر...........وان شاء الله بجرب نصايحج اختي هدوء وان شاء الله خيير
__________________________________________________ __________
>>>> الرد الخامس :
انا بعد بنتي عمرها سنه وشهر وكل الي يشوفها يقولي وايد ضعيفه وخفيفه وجنها بنت 6 شهوور
مع اني أكلها ..
بس بجرب نصايح هدووء مشكوووووووووووره وان شالله تستفيد بنتي ..
رد مع اقتباس
