عنوان الموضوع : ولدي مب راضي يرقد بروحه ابا الحل للسياحة
مقدم من طرف منتديات الضمير العربي

السلام و عليكم و رحمه الله و بركاته .....

تعبت من ولدي مب راضي يرقد بروحه عمره 4 سنوات و ملعوزني اسير ارقده في حجرته يصارخ و يصيح بشكل ينقطع له القلب يقول اخاف لا تخلوني بروحي حتي اني اسير ارقده و اقعد عداله لين ما يرقد لا ما ينفع وياه يصيح بشكل فظيع اتمني اللي تقدر تنصحني و تساعدني كيف اتصرف معاه.....

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
بعطيج شويه افكار ان شاء الله تفيدج..

وقت رقاده وديه فراشه و اقري وياه قرآن و اقري له قصص
خلي القصص فيها شخصيات اونها ترقد بروحها في حجره و امدحي هالشخصيات

خلي الاباجوره مفتوحه..
قوليله بعد بسير الحمام و برجع لك.. بسير اسوي شغله و برجع لا تتحرك و إلا ما بقولك قصه

شي مهم انه يحس بالامان و يعرف انج موجوده حواليه

السالفه يبالها صبر و الله يعينج

لو عنده اخ او اخت يرقدون وياه بيكون الموضوع وايد اسهل

__________________________________________________ __________

>>>> الرد الثاني :
طريقة ام ساره وايد بتفيييييدج ولاتنسييين لازم تشجعيينه على هاشي.. سويييله جدول واشترييله استكرات نجوم او اي شخصيه يحبها وكل ليله يبات فيها في الحجره حطييله استكر ولو كمل مثلا 4 ليالي او 5 اوعدييه توديينه مكان هو يحبه - صدقيني اليهال يحبون هالاسلووب ^_* والله يسهل لج الامور

__________________________________________________ __________

>>>> الرد الثالث :

المشاركة الأصلية كتبت بواسطة ام_ساره
بعطيج شويه افكار ان شاء الله تفيدج..

وقت رقاده وديه فراشه و اقري وياه قرآن و اقري له قصص
خلي القصص فيها شخصيات اونها ترقد بروحها في حجره و امدحي هالشخصيات

خلي الاباجوره مفتوحه..
قوليله بعد بسير الحمام و برجع لك.. بسير اسوي شغله و برجع لا تتحرك و إلا ما بقولك قصه

شي مهم انه يحس بالامان و يعرف انج موجوده حواليه

السالفه يبالها صبر و الله يعينج

لو عنده اخ او اخت يرقدون وياه بيكون الموضوع وايد اسهل




ما اعرف!!
ولدي قد ولدج تقريبا
وولدي الثاني سنتين و4 شهور تقريبا
ينامون بروحهم وفرحانين بعد
اشغل لهم سبيس تون او اشرطة انا شاريتها
ويطالعون لين ينامون
عودتهم اقولهم يالله كل واحد على سريره
حتى ولدي الثاني فديته كله يقولي ماما سليلي<<< قصده سريري

يمكن علشان ولدج بروحه وما حصل حد عنده غير عن اثنين
وولدي الثالث بدخله معاهم بس خل اخلص تأثيث غرفه العابهم عقب غرفتهم

__________________________________________________ __________

>>>> الرد الرابع :
مشكورات بنات ما قصرتوا...ان شا الله بحاول و بخبركم بالنتايج و تسلمون

__________________________________________________ __________

>>>> الرد الخامس :