عنوان الموضوع : ولدي فيه حمى من 3 أيام من البلاعيم طبيعي و الا لا انا أحاتي وايد للساحة الامارات
مقدم من طرف منتديات الضمير العربي

هلا خواتي

ولدي عمره سنة و شهرين و عنده حمى من 3 أيام عطاه الدكتور تحاميل عن الحمى و مضاد حيوي و مضاد الحساسية بس الحمى ترد أول ما يخوز مفعول التحميل
يعني كل 6 الى 8 ساعات تيه حمى توصل 38

هذا اول ياهل عندي ساعدوني طبيعي الحمى تكون بالهشكل

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الغالية أنا بنتي عمرها سنه وخمس شهور من شهرين تقريبا استوتلها نفس الحاله والله كانت حرارتها 40 فديتها وقالي الدكتور انه البلاعيم هيه اللي تسوي جذه وعطاني نفس علاج ولدج الله يعافيه بالضبط وتمينا يومين عنفس الحاله جان اردها مره ثانية بس دخليتها عأخصائي الاطفال لاني كنت مودتنها الطواري فقالي اخصائي الاطفال انه هالدوا زين بس لازم مضاد ثاني وعطاني اياه ( أوجمنتين )البنفسجي والحمد لله يومين ورب العالمين شفاها . أنا أقول أحسن ردي وديييه وخذي الدوا اللي يستعمله وياج . الله يعافيه يارب ( انا كنت مودتنها مستشفى الزهرا عند الدكتور أسلم )

__________________________________________________ __________

>>>> الرد الثاني :
يزاج الله خير أنا وديته عند الدكتور سني في عيادة سني

__________________________________________________ __________

>>>> الرد الثالث :
الله يشافيه ويعافيه يارب..

__________________________________________________ __________

>>>> الرد الرابع :
الله يشافيه ..... أنا أقول أحسن ردي وديييه عند دكتور ثاني.....الغاليه تقريبا ولدي شرات عمر ولدج.... ولدي عمره سنة و شهر من 3 أسابيع أو أقل كان حرارته بين 39 -40 حطيتله كمادات ولبسته ملابس خفيفه علشان تطلع الحراره وعطيته ( أوجمنتين )البنفسجي للحراره ...والحمد لله فنفس اليوم انخفض بس لازم يأخذ الدواء بعد كل 6 ساعات ع حسب وصف الطبيب .... والله يشافيه يارب

حتى أنا هذا اول ياهل عندي ....وهذا طبيعي

__________________________________________________ __________

>>>> الرد الخامس :
سبحان الله بنتي نفس الشي مريضه فديتها فيها حمى وديتها المستشفى وعطوها تحامييل بس من يخلص المفعول ردت الحراره ؟؟ الله يشفيهم يا رب