عنوان الموضوع : محتاجة مساعدتكن.. في الامارات
مقدم من طرف منتديات الضمير العربي

بسم الله الرحمن الرحيم
السلام عليكم ورحمة الله وبركاته
مشكلتي ويا ولدي صار عمره سنتين وخمس شهور وبعده ما يتكلم
تعبت من كثر ما أحاول وياه بس ماشي فايدة
ما أقول إني مليت بالعكس بعدني أحاول بس قلت أعرض المشكلة اهني يمكن حد يفيدني منكن
إللي عندها علاج أو تعرف طريقة تساعدني فيها لا تبخل علي يزاها الله الجنة إن شاء الله
لأن خاطري أشوف ولدي يسولف مثل باقي اليهال..
أتمنى تساعدوني ..
جزاكم الله كل الخير..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
مرحبا الغاليه

والله ماعرف اذا في طريقه

بس انا عيال اختي مايتكلمون الا اذا كملو 3 سنوات وعقب مايكملون 3 سنوات نترجاهم يسكتون من كثر البربرة الله يحفظهم


فاتوقع هالشي عادي

__________________________________________________ __________

>>>> الرد الثاني :
عادي اختي ها شي طبيعي
مرحلة النطق تختلف من طفل لطفل
انا اخوي عمره سنتين وبعده مايرمس
لاتحاتين ^_^

__________________________________________________ __________

>>>> الرد الثالث :
سمعت ان وحده من اهل ربيعتي ولدها نفس الشي وشلته تعالجه في الاردن ...!!
والله يشفيه لج يارب

__________________________________________________ __________

>>>> الرد الرابع :

المشاركة الأصلية كتبت بواسطة حرم الياسي
مرحبا الغاليه

والله ماعرف اذا في طريقه

بس انا عيال اختي مايتكلمون الا اذا كملو 3 سنوات وعقب مايكملون 3 سنوات نترجاهم يسكتون من كثر البربرة الله يحفظهم


فاتوقع هالشي عادي



الله يحفظهم لكم إن شاء الله.. وإن شاء الله يكون هالشي عادي.. بس أنا أحاتي وأخاف أكون امقصرة في حق ولدي..
تسلمين الغالية على الرد ربي يجزيج كل خير

__________________________________________________ __________

>>>> الرد الخامس :

المشاركة الأصلية كتبت بواسطة ~سوسو~
عادي اختي ها شي طبيعي
مرحلة النطق تختلف من طفل لطفل
انا اخوي عمره سنتين وبعده مايرمس
لاتحاتين ^_^



كلامج طمني اشوي.. تسلمين حبيبتي ربي يحفظج لأهلج