عنوان الموضوع : ولـــــدي مــــادري شو اسوي به للساحة الامارات
مقدم من طرف منتديات الضمير العربي

السلام عليكم ورحمه الله وبركاته

بنات شخباركم عساكم طيبين الله يحفظ لكم عيالكم ان شاء الله
بنات انا تقريبا من 3 اسابيع مربيه وولدي من ربيته وهو يعاني من بطنه طول الليل يتعصر ويتعصر ومايتسهل بطنه بسرعه يتم بالساعات يعاني... وعقب يوم يسويها يسويها شرات الماي ولونه اصفر
ناس قالولي مب زين يكون البراز وايد سائل جذه وناس قالولي طبيعي مادري منو منهم الصح
ولدي معتمد حاليا على صدري اعطيه حليب بيبي لاك بس نادر مب دوم اكثر شي صدري
فهل حليب الصدر يخلي البراز سائل جذه؟؟؟ وهل لونه طبيعي؟؟؟

وسؤال ثاني شو اسوي بمعاناته من الغازات وبطنه الي يعوره والله انه مرات يصرخ من قمه راسه وانا ازيغ واتم اصيح وياه ماعرف شو اسوي به


الي عندها خبره تخبرني الله يخليكم ليش جذه يستوي بولدي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
هلا الغالية لاتحاتين وايد هذا الشي عادي اول شي البراز هذا يسموونه العقا وعادي ممكن يستمر وياه لين تخلصين الاربعين فأنتي عندج اختيارين يا اتشربينه اشوي ماي وسكر نبات والا ماي وكم من حبة من حبة الحمرا اتودنيها واتشربينه وبيعق العقا اللي في بطنه كله وهالتعصير والصياح كله بيخووز ...وحتى الغازات وانتي حاسبي على اكلج واشربي قبل لاترقدين يانسون دافي بدوون سكر ونصيحتي جربي اللي انا اسويه لعيالي وبتدعيلي عقب ماتبدلييله اثيابه واتجهزينه للرقاد يبي شوي زين زيتون ودفييه زين وعقب تمي امسحي بطن ولدج زين زين وعقب قمطييه زين ورضعييه عدل ودسعييه وبتشوفييينه ماشاء الله كيف بيرقد حاولي كل يوم اتسويله جذه وان شاء الله الله بيعافيه لاتحاتين

__________________________________________________ __________

>>>> الرد الثاني :

المشاركة الأصلية كتبت بواسطة um_abduallah
هلا الغالية لاتحاتين وايد هذا الشي عادي اول شي البراز هذا يسموونه العقا وعادي ممكن يستمر وياه لين تخلصين الاربعين فأنتي عندج اختيارين يا اتشربينه اشوي ماي وسكر نبات والا ماي وكم من حبة من حبة الحمرا اتودنيها واتشربينه وبيعق العقا اللي في بطنه كله وهالتعصير والصياح كله بيخووز ...وحتى الغازات وانتي حاسبي على اكلج واشربي قبل لاترقدين يانسون دافي بدوون سكر ونصيحتي جربي اللي انا اسويه لعيالي وبتدعيلي عقب ماتبدلييله اثيابه واتجهزينه للرقاد يبي شوي زين زيتون ودفييه زين وعقب تمي امسحي بطن ولدج زين زين وعقب قمطييه زين ورضعييه عدل ودسعييه وبتشوفييينه ماشاء الله كيف بيرقد حاولي كل يوم اتسويله جذه وان شاء الله الله بيعافيه لاتحاتين



ياختيه افركه بزيت زيتون كل يوم وماشي فايده يمكن لاني ما ادفيه الله يعلم
بس هذا التعصير كله من العقا يعني؟ انا احيدهم يقولون العقا لونه اخضر ..
وهالسيوله الي فالبراز عادي؟ شرات الماي هو

بجرب ياختيه الي قلتيلي عليه والله يعين مشكوووووره غناتي فديتج

__________________________________________________ __________

>>>> الرد الثالث :
اختي ام عبدالله الحبه الحمرا شقايل اسويبها كم خاشوقه تقريبا

وبس احط الحبه الحمرا فالماي واودنها وعقب اشربه من مايها؟؟؟؟

__________________________________________________ __________

>>>> الرد الرابع :
مرحبا ... ماشالله تبارك الرحمن ما في ولدج الا العافيه انا بناتي ثلاث نفس الشي هذا شي عشان الرضاعه الطبيعيه.... عاااااااااااادي توه يتعود بطنه على الهضم وخروج البراز والغازات لاتحاتين..... استمري رضعيه ومثل ما قلت الاخت الله يوفقها مسجي بطنه اشوي وعطيه ماي وسكر نبات يهدي المعده اشوي...وانتبهي على اكلج عن الغازات

__________________________________________________ __________

>>>> الرد الخامس :
هلا الغالية .. عن الغازات عندج دوء اسمه infacol واييد زيين بس اعطي قبل الرضاعه وتمي نص ساعه وعقب رضعي او عطي ينسون وحطي ع بطنه بيرتاح ^^