عنوان الموضوع : بنتي 7 سنوات.. ما ترقد الليل.. تعبت منها للساحة الامارات
مقدم من طرف منتديات الضمير العربي




مثل ما قريتو في العنوان

بنتي نور عيني عمرها 7 سنوات الله يحفظها ما ترقد الليل. اتنش يمكن 10 مرات أو أكثر واتي عندي الحجرة وتنششني ما تخليني أرقد.
ساعات اتيني اتصيح، أقولها ماما ليش اتصيحين؟ اتقول أنا أباج. أقولها انزين ماما أنا ما رحت مكان. وأخليها ترقد عندي 10 دقايق واقولها يلا روحي غرفتج، تروح وترجع بعد فترة. وطول الليل على هالحالة لين الفجر. بعد الفجر ترقد عادي متواصل لين الساعة 11 تقريبا.

وخلال النهار أسألها ماما ليش صحتي أمس فليل اتقول أباج أنا وايد أحبج أو ساعات ماتتذكر شي.
أسألها ماما انتي خايفة من شي؟ اتقول لا. وعلى فكرة هي ترقد ويا أخوها الصغير يعني مب بروحها. وهي متعودة من يوم كانت صغيرة أصلا كانت ترقد بروحها وعادي عندها.

المشكلة بدت من موقف استوالها في المدرسة. كانوا مسوين إخلاء وهمي في حالة الحريق في المدرسة. والظاهر بنتي كانت تتحرا انه صدق في حريجة ويوم سألت الأبلة فعلا قالت انه بنتي كانت الوحيدة اللي لاصقة فيها (الأبلة) وتصيح ومرعوبة، والأبلة تحاول اتفهمها انه بس تدريب.
بس من ذاك اليوم حسيتها استوت خوافة وعصبية واخترب رقادها، وهالكلام تقريبا يمكن من 9 شهور.

ماعرف شو أسوي وياها، ساعات من كثر ما تنششني فليل أعصب عليها وعقب تغمظني.

شو تنصحوني؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
عطيها ينسون وبابونج قبل الرقاد وخليها تتسبح قبل الرقاد وان شاء الله ترقد نومه العوافي

__________________________________________________ __________

>>>> الرد الثاني :
طبيعي هالشي يصير لها وخاصه بعد هالموقف ... وحتى لو مااستوا هالموقف الطفل احيان يمر بمرحلة خوف وفترة وتعدي باذن الله ... من رأيي لما تجي تنام خليك جنبها لاتحسسينها انك قاعده تنوميها ... هي بالفراش تنام وانتي سوي نفسك منشغله باي شي تسوينه بغرفتهم .. لحد ماتنام وتكون نايمه ومرتاحه لانها لما نامت كنت حوالينها.. أستمري فتره هالوضع ان شاء الله كل شي يتعدل ويرجع مثل ماكان ...الله يخليهم لك يارب .. وتشوفين اعيالهم واعيال اعيالهم اللهم آمين ..

__________________________________________________ __________

>>>> الرد الثالث :
حاولي انج دايما تكونين معاها وقولي لها قصة تشبه الموقف اللي صار وان البنمت ما خافت

ودايم حصنيها باية الكرسي والمعوذات

__________________________________________________ __________

>>>> الرد الرابع :

المشاركة الأصلية كتبت بواسطة لمعة خرز
عطيها ينسون وبابونج قبل الرقاد وخليها تتسبح قبل الرقاد وان شاء الله ترقد نومه العوافي



مشكورة عالنصيحة

المشاركة الأصلية كتبت بواسطة fashions
طبيعي هالشي يصير لها وخاصه بعد هالموقف ... وحتى لو مااستوا هالموقف الطفل احيان يمر بمرحلة خوف وفترة وتعدي باذن الله ... من رأيي لما تجي تنام خليك جنبها لاتحسسينها انك قاعده تنوميها ... هي بالفراش تنام وانتي سوي نفسك منشغله باي شي تسوينه بغرفتهم .. لحد ماتنام وتكون نايمه ومرتاحه لانها لما نامت كنت حوالينها.. أستمري فتره هالوضع ان شاء الله كل شي يتعدل ويرجع مثل ماكان ...الله يخليهم لك يارب .. وتشوفين اعيالهم واعيال اعيالهم اللهم آمين ..



إن شاء الله بجرب ومشكورة

المشاركة الأصلية كتبت بواسطة منى الحمادي
حاولي انج دايما تكونين معاها وقولي لها قصة تشبه الموقف اللي صار وان البنمت ما خافت

ودايم حصنيها باية الكرسي والمعوذات



فكرة حلوة بجربها إن شاء الله

__________________________________________________ __________

>>>> الرد الخامس :
حبيتي دامنه خايفه لالالالالالاتتركينها حتى لو تنامين عندها أوجنبها لين ماتنام ...وبعدين تقومين عنها بس لاتخلينها في الغرفه بروحها لان متى حست بالامان بترتاح وتنام لان فيها خوف ....و الامان بالنسبه لها هو قربج منها بتتعبين بس لازم تصبرين فتره وتعدي