عنوان الموضوع : ولدي ومعاناتي بليز ساعدوني في الامارات
مقدم من طرف منتديات الضمير العربي

ببسم الله الرحمن الرحيم


اشحالكن خواتي؟؟ عساكن مرتاحين إن شاء الله....


بقولكم قصتي مع ولدي.

الاولى: يوم كمل فديته شهرين تقريبا وديته اختنه عند الدكتور " بيان حميد" مستشفى دار الشفاء ابوظبي بس بعد مرور شهر عالختان بديت الاحظ ان اللحم يرد عالذكر واحسه جنه مب امختن...
وعقب وديته حق الدكتور قالي: انه ولدج فجأة زاد وزنه عسب جي رد اللحم وما اقدر اسويله شي عقب السنة اخاف اقصر من اللحم ويستويله قصر...

الثانية : ولدي اللحينه عمره ما شاء الله 6 شهور ومن فترة 3 شهور تقريبا يتله كحه وبلغم وما خازت عنه الكحة والصوت اللي بصدره بعد ما خاز لين يومكم يوم يخوز ويردله..

وديته عيادة عادل مطاوع عند دكتور احمد يومين خازت الكحة وبعد ردت.
وديته عيادة الدكتورة نادية عند دكتور قيس ونفس الشي
وديته مستشفى السلامة عند الدكتورة نشوى وحطتله بخار لمدة 5 ايام وما فاد

والحين صده مصطك عليه وقلت باجر إن شاء الله بوديه المستشفى الايراني في دبي وبشوف ...

الحمد لله رب العالمين على كل حاال.......

احس قلبي يعورني ومتضايجة احسه صغير وكل مرة يعطونه دوا...

فياليت اللي تعرف دكتور شاطر فالختان و احد شاطر في سوالف الكحة والبلغم؟؟؟؟؟
لاتنسوني من دعواكم..

السموووحة عالإطالة............

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يشفي وللدج وييسر امرج

انا احين بختن ولدي مره ثانيه لان الختان الاول ختنته بانيومدكل سنتر والحين ولدي بالشهر السادس والجلد مغطي العضو
فقالولي اختمه عند الدكتور احمد حلمي موجود في نفس بنايه الحمرا بلازا او عند دكتور في عياده الامل في بني ياس

اما بلنسبه للكحه ما ادري
ان شاء الله

البقيه يفيدوج

__________________________________________________ __________

>>>> الرد الثاني :
الله يشفيه يارب للختان دكتور مصطفاوي
وللكحه دكتور محمد الموصلي عيادته ورا سيتي سينتر دبي بنايه زينه واي سؤال انا حاظره

__________________________________________________ __________

>>>> الرد الثالث :
مشكووورين حبيباتي

انا سمعت عن اللي في الحمرا بلازا يمدحونه بس محتارة اخااف لانه ولدي الوحيد..

واتمنى حد يساعدني عن دكتور للكحة اذا امكن في بوظبي

__________________________________________________ __________

>>>> الرد الرابع :
محمد خليل ... دكتور اطفال في مدينة العين
في شارع خليفه
وااااااااايد زين


الدكتور حازم في مجمع السلطان في فلج هزاع في العين .... تخصص اذن وانف وحنجرة وااااااااايد زين

الدكتور خالد الجمل .... دكتور اطفال في العين ..... يعرف حق سوالف الختان


الله يشفيلج ولدج ..... سامحيني كل الاماكن في العين بس الصراحه يستاهلون المدحه

والله هو الشافي

__________________________________________________ __________

>>>> الرد الخامس :
الغاليه الدكتور عبالرحيم مصطفوي في مركز مزايا مجمع البرج الطبي في دبي و بعد مدير او شيء كبير في مستشفى الوصل وديه و هو بيفيدج