عنوان الموضوع : اللي عندها عيال مراهقين للساحة الامارات
مقدم من طرف منتديات الضمير العربي
السلام عليكم ورحمة الله وبركاته
انا والله محتارة ومب عارفة كيف اتصرف ......؟!
بغيت اسأل كل من عندها خبرة او تعرف عن التعامل مع الصبيان اللي في هذا العمر
يعني عمر 13 و14
كيف تتعاملين مع ولدج اللي عمره 13 سنة وما يسمع الكلام
ولدي متفوق في دراسته ....لكن ألحين كبر وصار في اكبر صف في المدرسة ( صف تاسع )
وقام يظارب الاولاد اللي معاه اقوله ليش ايقولي هم يبدون ..اقوله رمس الاخصائي او المشرف المدرسين أي حد منهم عشان يحل المشاكل اللي تستوي امبينكم ايقولي انا ريال وباخذ حقي بيدي
المشرف والاخصائي ما بيسون شي
وكل يوم والثاني المدرسين يشتكون منه مع انه اغلب المدرسين متحسفين عليه حسب قولهم انه ليش استوى جذه
وانا اقول لهم ان المسألة مسألة هذي المرحلة من العمر وانشاء الله بيكبر وبيعقل ..
وبعض مدرسينه الله حق فاهمين الوضع انه مسألة هذا العمر
بس كم بيصبرون عليه وبيسونله سالفة
مب عارفة كيف احل هذي المشكلة ...مع انه عندي ولدين اكبر منه لكن ما سوو مثله يوم كانو في عمره
اتمنى منكم اللي تقدر اتساعدني سواء بدعاء اوبكلمة اواسم كتاب او موقع
ما تبخل علي
واتمنى دعواتكم
والله يهدي عيالنا كلنا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ربي يهديه يارب ويحفظه و يخليه لج إن شاء الله
__________________________________________________ __________
>>>> الرد الثاني :
سبحانك اللهم و بحمدك === أشهد أن لا إله إلا أنت === أستغفرك و أتوب إليك
__________________________________________________ __________
>>>> الرد الثالث :
ممم سمعيني .. رمسيه ولا تضربينة ترى الرمسة في هالعمر ماتي بالصراخ .. حاولي تكلمينة بهدوء .. واذا ماسمع الكلام لازم يكون شي عقاب احرميه من شي مايحبة واهم شي يوم بترديلة الشي الي يحبة لا تعطينة وقت ماهوة يصيح .. وهو هادي او لاحضتي سلوكة تغير سويلة الي يباه مع مكافئة
وقوليلة لو كل مرة بتستوي احسن بتسوين له مكافئة
واهم شي ترشدينة وترمسينة صدقيني في هالسسن اهم شي يكون معاه انسان كبير ينصحة ويرشدة
__________________________________________________ __________
>>>> الرد الرابع :
الله يهديه ان شاء الله ..
فعلاً البعض يوم يوصل لـ أكبـــر
مرحله / من مراحل عديدة بذات المدرسه/ يبدأ
جي يتصرف ..
يمكن ، لانه جآف الأولاد اللي أكبر منه يوم
يوصلون لـ هـ المستوى جي يسوون ..
نحن مدرستنـا كانت جي ، الأولاد يوم يكونون
الأكبر وايــــد يتفرعنون و يتضاربون ><
الحل بيـــدج حبوبهـ ..
يلسي وياه و تفاهمي ..
هـ الشي مب شي وايــــد عميق ..
لكنه انزرع فيه طوال سنيـــــن تواجده
فـ المدرسه ، و هو يجوف اللي يوصل لـ هـ المرحله
تكثر ضرايبه و ما يخاف لنه ماشي حد أكبر عنه خلاص !
فـ هو فـ مرحلة ما شاء الله كبيــــره ..
و المفروض يكون عــــاقل و واعي ..
ضرابه ولا ثنتين الوآحد بيطنش ، لكن التكـرار
يستوجب وقفـــه صارمـــه ..
لنه ما تدرين يمكن يتعـود ، و عقب تكبــر ضرايبه
و ينطـرد ، ولا يأذي حد بدنيـاً لا سمح الله !
فـ انت يلسي وياه و فهميـه العواقب ..
و الله يهـديه لـ نفسه و لج =)
:
:
ينقـل لـ القسم المناسب =)
__________________________________________________ __________
>>>> الرد الخامس :
رب اجعلني مقيم الصلاه ومن ذريتي ربنا تقبل دعاء
الله يهديه ان شاءالله
رد مع اقتباس
