عنوان الموضوع : كلمـه يآهل صارت مسبـه في الامارات
مقدم من طرف منتديات الضمير العربي
السلام عليكم ورحمة الله وبركآته
انا مب معرسه طبعا .. بس خاطري اتناقش وياكم في موضوع . .
برأيكم شو هي الطريقه الصحيحه للتعامل مع الأطفال . .
1. التعامل معاهم على اساس انهم كبار وممكن نعتمد عليهم
2. ولا المفروض نعاملهم على حسب عمرهم ونحسسهم انهم يهال
بشرح لكم أكثــر . .
انا عندي اخت صغيره عمرها 4 سنوات . . ماتحب حد يعاملها
على انها ياهل .. تبا كل شي شرات الكباار .. حاليا هي فالروضه
بس قبـل لا تدش الروضه لما كانوا اخواني يشترون شي حق المدااارس
تغار لازم تبا شراتهم شنطه ودفاتر وسوالف .. وكل الامور لازم تاخذها
بهالاسلوب . .
حتى هالايام محصله لهاا سالفه يديده عسب تقص علينااا خخخخخخ
اذا حد قالهاا لا في اي شي بتطيح اونه اغمى عليهااا .. ونحن نضحك
عليهااا .. عقب بتيي امي وبتدخل لها فلوووس من تحت ايدها وهي طايحه
على الارض بس ما بتنش بعد ( اونها ذكيه البنت ) وعقب ما ايي ابووي
ويقول خلااص بنسويلها اللي تباه بتتحرك شوووي << على اساس انها ابتدت
ترضى .. ولما ترد امي تدخل لها الفلوس من تحت ايدها خلااص بتنش
فـــ احس انه هاليهال بيمشووونا على كيفهم
كل شي يبووونه لازم ننفذه ..
ادري بتقولون دام شي عااادي ليش نحرمهم منه .. انا مب قصدي شي عادي
يعني مثلا لما يطلبوووون اشياء تأذيهم ليش نحن مجبورين ننفذ بس عشان
ما يزعلووون ؟؟
مثل ياهل عمره 5 سنوات ويبا دراجه وين يبا هذا ههههههههههههه
جانب ثاني من الموضوع :
امممم احس لما تعودون الياهل من صغره على انه ريال خلااص هالشي يثبت
في عقله ويبتدي يتصرف على هالاساس .. يعني ممكن يدوووس فبطن خواته
الصغار كل يوووم ( يضربهم ) . . وممكن يسوي عمره ريال البيت .. وفي نفس الوقت
ممكن هالشي تكون له نتائج ايجابيه . . لانه بتقدرين تعتمدين عليه وبيحاول يثبت لج
بكل الطرق انه مب ياااهل عسب تمدحينه عقب خخخخخخخ
حتى الحين لما تقول حق اي ياهل . . انت ياهل يعتبرها مسبه
ويعصب ههههههههههههههه
فـ اذا بترمسووون اي يااهل قولوا له ( انت طفل ) لانه كلمة ياهل
تجرح مشاعرهم مساااكييين
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
انا عندي بنتين واعامل كل وحده فيهن على قد عمرها
بس بنتي البجر عمرها سنتين وماشا الله عليها ذكيه فمرات احاول ارمسها على اساس انها كبيره لانها تفهم علي وشو ابا مثلا اقولها شلي الصحن وديه المطبخ تشله وتوديه ومرات اقولها شو ها تقولي دراجه ولا سياره ولا طياره
واذا شافت الضو تقول هذا حار بس من ناحيه الدلع بحدود ماباها تلعوزنا بعدين
__________________________________________________ __________
>>>> الرد الثاني :
البراءة مالت الاطفال انقرضت زمان انا عن يهالي من 6 شهور لين 3 سنوات وهم ينقطون براءة بعدها تتلاشى براءتهم تدريجيآ... اونهم كبروا خخخخخخخ
__________________________________________________ __________
>>>> الرد الثالث :
الدلع يخرررب الياهل ويأذيييه
في ناس يتحروون اذا دلعوا عيالهم آخر دلع خلاص بيكسبوووونـــه
بالعككس .. هاليــآهل يوم بيكبــر بيتنكرر لهم وبتزيد طلباااته وذا ما تنفذت عادي يوصــل للسب والإهــآنة
أنا عندي كلـــه ولا الدلــع .. في دلع بس بحــدود
يعني اختج الكتكوووتة الممثلة لو كانت عندي .. بلبسهااا واكــبر طااف والله ههههههههههههههههههههه
روووحها بتنش آخر شي يوم بتمـــــل ..
حلو اتعلميــن اليــآهل يتحمل مسؤوولية صغيـــرة
بس في نفس الوقـــت ماحب اليآهل اللي تكون تصرفاته اكبر عن عمــره
احب الياهل اللي يعيـــش كل مراحل حياته بالتدريــج
يعيش طفوووولـــته
بس عياال هالايام نادر ما تحصلين اللي يعيش طفوولته
احس على طوول يكبرووون مادري كيف هههههههههههههه
__________________________________________________ __________
>>>> الرد الرابع :
اليهال الصغارلازم اتعاملينهم على انهم صغار ولا تحرمينهم من اى شى يبغونه بس ها هب معناته انه نحن انلبى كل طلباتهم يعنى مب لازم الياهل يتعود على انه طلباته دايما مجابه لانه اذا حس انه هله يعطونه الى يبغيه دايماوما يرفضون له اى طلب بيتمادى فى طلباته وبيتعود على هالشى والدلع له حدود لنه ممكن يسبب لج احراج اذا رفضتيله اى طلب اذا كنتوا خارى البيت او فى مكان عام
اما العيال الى فى سن المراهقه يعنى 10 وفوق فاعتقد انه الام والابو لازم يتعاملون وياهم على انهم اصدقاء يعنى فيه اخذ وعطى امبينهم ويتناقشون وياهم واذا الامر استوجب انه يكون فيه نوع من الحزم والشده فهالشى مطلوب بعد فى هالسن بعد يعنى شوية صداقه على شوية حزم وشده واخذ وعطى وجييه
__________________________________________________ __________
>>>> الرد الخامس :
لا حول ولا قوة إلا بالله
غاليتي
أنا بنظري الطفولـة حلاوتها ببراءتهــا ..
ولازم الأم تعيش عيالها براءة الطفولـة وشغبهـا الحلو ^^
وإلا يوم بيكبرون العيال الناس بتعقل وهم بيردون للطفولـة لإن بيستوي عندهم نقص في التكوين الطبيعي للانسان
رب العالمين خلقنا في أعمار مختلفـة لحكمــة
ولازم كل انسان يعيش عمره باللي يناسبه ^_^
ربي يحفظها لكـم
وحاولي تنصحين أهلج وتقنعينهم ان يكون التحكم بإيدهم ومب بإيد الصغارية
عسب بعدين يقدرون يسيطرون عليهم في التربيـة وما يستوي الصغارية هم المسيطرين ^^
ربي يوفقج لكل خير
رد مع اقتباس
