عنوان الموضوع : بنتي والزواع ...ساعدوني
مقدم من طرف منتديات الضمير العربي

السلام عليكم ورحمة الله وبركاته

امهات لو سمحتوا ابيكم تساعدوني عندي مشكلة مب عارفه شو اسوي فيها....

بنتي من طاحت على الدنيا وهي ترجع بتقولولي عادي كل اليهال يرجعون بقولكم بنتي غير
زواعها بكثره مب قليل لو اقولكم اني لما ارضعها اتزوعه كله وهاي الحاله اللي يسميه كثير من الناس زواع النافوره ...لانه بكثره..

قالي الدكتور كل ماكبرت كل ماقل الترجيع وانا اجوف العكس
كل مامر علينا الايام يزيد عندها وماعرف شو اسوي مااقدر اشلها او اعطيها اي احد خوفا من انها تخيسه بزواعها وبينتي بسم الله عليها كملت خمس شهور وكل يوم يزيد عندها ...
الحمدالله وزنها يزيد بس هالحاله تعبتني لاني اظطر اغير لها ملابسها اكثر من ست لبسات باليوم...
قمت اخاف اظهرها لانها تزوع علي عباتي ...

والله تعبت من هالحاله ابي حل بليز ساعدوني...

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
يمكن البنت فيها غازات في بطنها حاولي تشجئيها بعد كل رضعه والله يعافيها لج

__________________________________________________ __________

>>>> الرد الثاني :
شجون 99 مشكوره على مرورج

الحمدالله اجديها بس الدكتور قالي في فئة من الاطفال يكونون جي بس انا ابي حل

__________________________________________________ __________

>>>> الرد الثالث :
الغالية اناا بنتي تقريبااااا لين مااا قاربت ع 8 شهور والزواع ما وقف عندهاااا
بس الوزن ما شاء الله اوكيه
وانااا كنت اخاف عليها وايد كان الزواع لدرجة انه يطلع من خشمهاااا
بس الحمد الله

__________________________________________________ __________

>>>> الرد الرابع :
حبيبتي عمي ابو ريلي دوم يقولي "الزواع و الخروج" لا تطرينه عند حد .. و يقول لانه الياهل اللي يزوع و الخروج عنده يوميا يكون مستصح لانه يطلع الغش
انا ولدي كان يزوع نفس طريقة بنتج لكن مش على كل رضعه و الحمد لله الحين قل زواعه واااااايد ماشاءالله

لا تحاتين مدام بنتج ماشاءالله وزنها زين ..

__________________________________________________ __________

>>>> الرد الخامس :
مشكورين ع مروركم

ريم الرمال بنتي هي بعد يطلع الزواع من خشمها...وهالشي مسولي هاجس...