عنوان الموضوع : اللي عانت من بلغم وكحة وزجام ولدها ؟؟؟؟ للساحة الامارات
مقدم من طرف منتديات الضمير العربي

مرحبا امهات شحالكم ؟

الله يسلمكم ولدي من هو بو شهر وفيه زجام وبلغم وديته عند الدكتور عطاه دوا الكحه وبخاخ ودوا حق البلغم
استمريت كم يوم وما فاد احس
وقلت حرام صغير وياخد وايد ادويه .. الحين بعده فيه زجام وبلغم بس ع اخف الحمدلله

بس حبيت اسالكم شو احسن شي حق البلغم والكحه اقدر اعطيه ؟ شي طبيعي يعني الحين بيكمل 3 شهور ان شاء الله

سمعت بزيت سمسم ادهنه كل ليلة بس مااحس فيه فرق

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
زيت السمسم الاصلي تعطيه نقط على الريق الصبح قبل الاكل او الرضاعة وتحطي نقط على الانف

__________________________________________________ __________

>>>> الرد الثاني :
اختي جربي فكس مال اطفال وزعفران حطيه مع حليبج شوي وشربيه بالملعقه

__________________________________________________ __________

>>>> الرد الثالث :
مشكورين خواتي

بخصوص زيت السمسم عادي اعطيه وعمره 3 شهور ؟ كم نقط تقريبا ؟

__________________________________________________ __________

>>>> الرد الرابع :
الله يطمن قلبج و يشفيه ان شاء الله

__________________________________________________ __________

>>>> الرد الخامس :
أدوية للبيبي؟؟؟؟!!!!!!!
هذا دكتور اطفال؟؟؟
شوفي اي دكتور عنده ضمير مايوصف ادوية حق الاطفال الرضع الا اذا شي يأثر على صحته

ولدي نفس الشي
الزجام قطرة ماي وملح معقم من الصيدليةوانا استخدم Tonimer، قطرة وحدة في كل منخر ثلاث مرات باليوم
واذا في شي جامد في خشمه بعد القطرة بدقيقة شفطي بشفاطة الانف اقوي وحدة من بيجون،، لا تنفخين في خشمه،، عصريها الاول بعيد عنه عقب دخلي شوية بس من طرفها وفجي يديج بتشفط اي شي عالق
البلغم والكحة: ادهن رقبته وصدره وظهره بزيت زيتون عصرة اولى على البارد مع شوييييية زيت الحبة السودا،، ماشاءالله بسرعة يريح،، انا مجهزة غرشة وعلى طول في غرفة النوم..
خليه مدفي عدل بس بدون مايوصل لدرجة التعرق
اذا البلغم شديييييد ومؤثر على شربه للحليب بخريه بجهاز مال الربو متوفر في معظم الصيدليات بس حطي فيه انبوب واحد ماي وملح معقم اللي في الانابيب البلاستيكية،، هو نفسه قطرات الخشم،، قبل النوم