عنوان الموضوع : مشكله وابيكم تساعدووني في الامارات
مقدم من طرف منتديات الضمير العربي

مرحباااا ..

شخباركم .. عساكم مرتاحين

ابي مساعده منكم

ولدي الله يحفظه عمره سبع شهور احسه يحب يمط الشعر مثلا ,, مره كنت ف بيت خالتي وجاف ولد خالتي وراح بالقاري حذاله ومط شعره,,, ومره كان ع ويولي وبنت اخت ريلي يت حذاله عمرها سنه وشهرين مط شعرها .. وحتى مره أمي كانت شالتنه وأخوي يدامه جي فجاه مط شعره ,,,وكل ما يسوي هاي الحركه اقوله لا عيب عيب ماما واقوله بسوي تح تح .. رمسرت ريلي ف هالموضوع قال بعده ياهل يبي يستكشف اللي حوليه لا تهزيبنه طبعا مب صراخ وضرب نفس مايقولون وبخه .. وخااااايفه يطلع هجومي يهجم ع الصغاريه يمط شعرهم ثيابهم اي شي وماااااا احب هالطبع .. اللي عندها خبره او مرت ب هالحاله تفيدني او كيف اتفاده او انسي ولدي هالحركه باسلوب ,, وها بجري الله يخليه لي فديته والله




اتريااااكم ,'' *

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
هلا الغالية

عادي فديتج ليش تحاتين اغلب اليهال جذي بتني تمط الشعر وتعض وتقرص فديت قلبها تلعب الياهل يكون عنده فضول
وانتي اذا يضايقج هالشي قبل ليمط شعر حد شليه وبوسي ايده خليه يلها عطيه العاب فيها صوت او موسيقى

__________________________________________________ __________

>>>> الرد الثاني :
هالشي ججدا عادي واكثر اليهال جي لا تحاتين طنشي

__________________________________________________ __________

>>>> الرد الثالث :
تسلمون ع الردود حبايبي

__________________________________________________ __________

>>>> الرد الرابع :
عادي بنتي جيه حتى ما شاء الله عليها تشمخ أحاول أعطيها ألعاب حتى تنسى

الله يحفظهم لنا يارب

__________________________________________________ __________

>>>> الرد الخامس :
اختي لاتقولين له عيب لانه هو ماسوا شي هالشي عادي ويالس يستكشف اللي حوليه خليه ينظلق وماعليج بتحاسبينه يوم بيكبر وبيفهم ..واذا الياهل ماشاغب يوم صغير مايكون طبيعي فيه شي

والله يحفظ عيالنا وعيال المسلمين