عنوان الموضوع : مشكلة الخوف عند الاطفال لعشاق السياحة
مقدم من طرف منتديات الضمير العربي

السلام عليكم ورحمة الله وبركاته اشحالكم خواتي انشالله بخير مشكلتي ان عندي بنتين واكبرهم عمرها 7 سنين بس وايد يخافون ومن كل شي ومب عارفه كيف غير هذا الشي اللي فيهم هل الخوف من كل شي في هذا السن طبيعي ؟! اتمنى أنكم تفيدوني ويزاكم الله الف خير.

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
طريقه التعامل في البيت هي اللي تخلي الطفل يصير شجاع او جبان

يخاف من كل شئ

حاولي تشوفي طريقه تعاملك معهن واقري كتب ان شاء الله بيتغيرون

__________________________________________________ __________

>>>> الرد الثاني :
اختي الاطفال مايخافوا من شئ الا اذا سبق شافوا شئ يخوفهم فيبقى الخوف بداخلهم حاولي انك ماتقوليلهم قصص مرعبة اويشوفوا صور مخيفة عشان مايتولد معاهم الخوف والله يشفيهم ويشفي اطفال المسلمين اجمعين من كل شئ

__________________________________________________ __________

>>>> الرد الثالث :
الله المستعان

__________________________________________________ __________

>>>> الرد الرابع :
بشكل عام البنات يميلن للخوف اكثر من الاولاد (:

اختي انتي كيف اسلوب حياتكم بالبيت ؟ تطلعين بناتج وايد ؟ تخلينهن يخالطن ؟ احيانا يوم يكون الياهل معزول فقط مع امه و اهل امه يصير جي
بعدين .. حد من اليهال الاكبر عنهم يفتري عليهن وايد ؟ يعني يخوفهن .. دووم يضربهن ؟
حتى لو الياهل شاف موقف .. مثلا شخص جدامه صرخ يوم شاف صرصور .. اليهال على طول بيبرمج نفسه انه يخاف من الصرصور ..
و مرات الرمسه اروحها تخوف الياهل .. مثلا لو قروب كبار يرمسون و الياهل يسمع .. وايد بتمر عليه مواضيع حياة و موت و حوادث .. الخ .. يمكن يتعقد

هو في عدة اسباب اختي .. انتي لا تلومين نفسج بشىء و ان شاء الله مرحلة بتعدي (:
من تجاربنا بالعايله .. اقول بس انه البنات من النوع الي يخاف و يحاتي اكثر

عدنا بنات صغار بالعايله .. بعدهن ما طلعن من البيضه بس خوفهن و رمستهن مب مال يهال ..
تلقينهن يحاتن الاخوان الصغار ..لا قدر الله الحوادث .. يسألن عن الحياة و الموت ..
بس للآسف هل الطبع لازمهن لحين ..

__________________________________________________ __________

>>>> الرد الخامس :
يعتمد على طريقة التعامل في البيت أنتي تقدرين إتغيرينهم و بعدين هالشي طبيعي أنا في صغري كنت خوافه وايد و الكل يقول لأن ما كنا نطلع و لا نخالط الناس مش شرات اليهال لأن أمي وايد كانت إتخاف علينا و ساعات كانت إتخوفنا حاولي إطلعينهم و إتخلينهم يخالطون الناس و لا اتخوفينهم و لا يمكن حد من اليهال عندكم يخوفونهم عادي البنات طبيعتهم جي