عنوان الموضوع : ولديه ...... لعشاق السياحة
مقدم من طرف منتديات الضمير العربي

الله يسلمكم عندي ولد واحد عمره 3 سنين ونص الله يحفظه يارب
شهر سته عنده مقابله في المدرسه ان شاء الله سمعت ان المديره انجليزيه وشديده شوي
يعني تبغي الطالب يوم المقابله يعرف يمسك القلم ويلون ويركب بااازل يعني يعرف الاساسيات
اللحين يوم ابغي اخليه يلون يعصب عليه ويصااارخ ويلون بدفااااشه كم مره مسكت اعصاابي عنه ومرااات اضربه واتلوم فيه ياااربي ساااعدني ما عرفت اتعامل معاااه طبعه عنيد وعصبي ويغاااار من العيال الصغااار يعني يوم يشوفني ماسكه يااهل يتعامل معااه بدفاشه وصريخ اونه يلعب انا ماعندي غير هالولد يمكن من زوود البزا استوى طبعه جيه سااعدني كيف اتعامل معااه ما عندي خبره وااايد كبف اخليه يحب التلوين ويستوي طبعه حبوب

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
وديه حضانه كم شهر عشان يتعود على اسلوب الحضانات الاجنبيه

وغير جي بالحضانه بتشجع لانه كل يهال ويتنافسون منو يلون ويركب مكعبات وفي اشياء وايد يعلومنهم اياها

__________________________________________________ __________

>>>> الرد الثاني :
ختيه لا تجبري الياهل ع شي ما يبيه
انتي بس مسكي الالوان جدامه ولا تقولين تعال لون
اونه انتي تلوين ورمسي وانتي تلونين قولي ياي هاللون حلوو
الحين برسم طياره ولا سفينه او اي شي يحبه
هو اروحه شوي شوي بيتقرب وبيمسك القلم
المهم ما تجبرين الياهل ع شي
وهالشي يبيله صبر لا تتوقعين من اول محاوله يتقبل هالشي

__________________________________________________ __________

>>>> الرد الثالث :

المشاركة الأصلية كتبت بواسطة بابايا
وديه حضانه كم شهر عشان يتعود على اسلوب الحضانات الاجنبيه

وغير جي بالحضانه بتشجع لانه كل يهال ويتنافسون منو يلون ويركب مكعبات وفي اشياء وايد يعلومنهم اياها




__________________________________________________ __________

>>>> الرد الرابع :
مره وحده كتبت عن فكره حلوه

سويله ورقه فيها اسمه وكل مايسوي شي زين حطيله نجمه .. لين مثلا مايكمل خمس نجوم وعقب وديه محل الالعاب وخليه يختار لعبه او شي ثاني يستانس عليه

جربي هالحركه ممكن يتجاوب معاها

__________________________________________________ __________

>>>> الرد الخامس :
احس اليهال يبالهم سياسه
وبعد مثلا يوم بيتيمعون الصغاريه سوولهم مسابقه رسم اللي عنده احلى تلوين عطوه جايزه
وخلي ولدج هو الفايز جي بيحس ان هو شاطر في هالشي