عنوان الموضوع : ممكن مساعده للسياحة
مقدم من طرف منتديات الضمير العربي

السلام عليكم ورحمة الله وبركاته

شحا لكم؟؟؟؟

المهم بدخل بالموضوع على طول

أنا حامل بالبجر وبالشهر السادس ومب عارفه شو أخذ للبيبي او شو اجهز بالضبط ومتى أبدى أخذ او من وين ؟؟؟؟؟؟؟؟ احس عمري متخبطة وايد

ياليت تساعدوني

وشكرا

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
احس بدري اشوية
بتحصلين في بيبي شوب ومذكير خذي منز للبيبي وثياب بتحصلين
هناك كل شي
الله يقومج بالسلامة

__________________________________________________ __________

>>>> الرد الثاني :
اكتبي لستة بالاشياء الضرورية .. وحاولي ما اتكثرين واااايد خاصة لاول 3-6 شهور لان اليهال الله يحفظهم يكبرون بسرعة
سوي حساب لبس المستشفى يعني مثل الاندروير والقماط والاوفرولول لانج تقريبا بتربين قريب الشتاء
كبدايه خذي 4 قماطات ويفضل الابيض والبيج ( احس انهم عمليين اكثر)
مجموعة اوفرولات واندروير
كم طقم للزيارات العائلية
وعقب انتي بتشوفين طبيعه جسم البيبي وقياس اللبس اللي يحتاجه
لا تنسين الاشياء الخاصة بنظافته الشخصية
كاول اسبوعين احس بالنسبة لي صعب اني اسبحه لان السرة كانت بعدها مو طايحة فكنت ابلل فوطة خاصة
فيه بماء دافي وافرك بها جسمه وعقب استخدم اللوشن او زيت الاطفال مع البودرة
كنت اغرر السرة بزيت زيتون على كلام امي اني اطيح السرة بسرعة وفعلا فاقل من اسبوعين طاحت السرة

وبعد شوفي ردود البنات هذا اللي فبالي لان الصراحة انا استفدت من خبرات البنات وخواتي فديتهم

__________________________________________________ __________

>>>> الرد الثالث :
لا تكثرين باللبس وايد

يعني 3 افرولات مقاس نيوبورن كفاية لانه بيلبسهم اسبوعين تقريبا
و6 من 0-3
وفنايل داخلية 10 مثلا
وقمطات خفيفه شربت 4
قماطات غليظة 2 عمليات و2 للكشخه
حوض سبوح واسفنجة السبوح
كابات 4
هاللي فبالي الحين

الملابس بتردين تاخذين عقب فترة فاحسن انج ما تكثرين والبيبي افضله الافرولات في اول 3 شهور

__________________________________________________ __________

>>>> الرد الرابع :
الله يوفقج

__________________________________________________ __________

>>>> الرد الخامس :
ثانكس خواتي

ما تقصرن