عنوان الموضوع : اسنان ولدي على وشك التسوس شو اسوي
مقدم من طرف منتديات الضمير العربي
مرحباا
ولدي ما يحب يفرش اسنانه عدل بس يعظ الفرشاة
وحسيت ان اسنانه بدت تصفر وحتى بعد ما يفرش اسنانه احس انها ما تنظفت عدل
هل الاطفال في سن 3 او 4 سنوات يحتاجون زيارة لطبيب الاسنان للتنظيف وهل في طرق ثانيه اقدر احمي اسنانه من التسوس
وتسلموون
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
طبعا يزور طبيب يجيك عالأسنان وينظفها..تحافظين عليها..بالتنظيف المستمر...إنتي نظفيله قبل النوم تحديدا..لأنه إذا كانت الأسنان اللبنية سليمة تكون الدائمة سليمة..والعكس صحيح...لا تقولين بتطيح عادي..لا بيأثر عاللي تحته إذا تسوس وصار مشاكل
__________________________________________________ __________
>>>> الرد الثاني :
هلا ولدج يرضع بالمرضعة ؟ لان المرضعة تسبب التسوس
__________________________________________________ __________
>>>> الرد الثالث :
عادي اختي وديه لدكتور اسنان خاص بالاطفال يجيك عليه
وانتي لازم تستمري وياه لين يبدا ينظف اسنانه عدل
انا ولدي كان بعد مايحب. يعني مرات عادي ومرات مايبا
عقب تميت اقوله انه اسنانك بتتسوس وبتصير سوده وبتعورك وايد. و راويته صورة اسنان متسوسه بالنت
فقال خلاص ماما بسوي معجون انا مابا اسناني تصير سوده هههه حبيبي
والحين عادي الحمد لله
واهم شي بالتعود
عودي الياهل من يوم صغير ينظف اسنانه دوم
دوم ابدي ويا عيالي من تطلع اسنانهم والحمد لله تعودوا : )
وعلى فكرة الياهل نقدر نقنعه بوايد طرق عشان ينظف اسنانه
غير انج تحكين له عن النظافه مع الصور
ييبي له فرشاه حلوه. فيها اشكال كرتونية
وفيه فرش اطلع مسيقى بعد
وغيري له بين فترة وفترة الفرشاه وحتى المعجون
واذا شفتي انه محتاج تجييك من دكتور اسنان وديه من غير تردد
انا هاي طريقتي ويا عيالي
__________________________________________________ __________
>>>> الرد الرابع :
وانا شراااتج كلي ايمان ولدي واايد يحب يفرش اسنانه الحمدالله مرات ايبله فرشاه بن 10 مرات كارز مرات سبايدر مان ودايمن اغير له ويستاااانس ^^
__________________________________________________ __________
>>>> الرد الخامس :
حبيبتي لازم تاخدي لطبيب اسنان ...من الممكن وضع مادة تغلف الاسنان لتجنب تسوسها ...على ما اعتقد اسم المادة فلوريد ....لا تهملي عزيزي الاسنان اللبنية لانها مهمه كما الاسنان الدائمة .
رد مع اقتباس
