عنوان الموضوع : صعوبات لدى رضيع عمره ستة شهور للساحة الامارات
مقدم من طرف منتديات الضمير العربي

مرحبا جميعا سؤالي مخصص لأمهات و الي عندهم خبرة بالرضع أنا ولدي البجر عمره ستة شهور داخل ع السابع عندي صعوبة في تغير بامبرز الرضيع لأني اذا أبا أغير له البامبرز يجلب ع بطنة مب قادرة البسه البامبرز حتى مب قادرة أغير ملابسه كله يتحرك و يصيح و عندي صعوبة في تطعيمه قصدي اغذيه مب اعطيه إبرة بس للتوضيح لازم اشغله بلعبة او اشغل له شيء في مبايلي او اي باد ما ياكل مثل اي ياهل

لو اسأل أمي أتقولي نحن ما كنا جي كانت تربيتنا سهله

فممكن حبايبي اتساعدوني راح لها

أنا ما حطيت سؤالي الا أني واثقة أني بحصل مساعدة من الجميلات الي يخطفن ع صفحتي و يرفعوا موضوعي المهم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
للرفع

__________________________________________________ __________

>>>> الرد الثاني :
الله يعينج شكله متعود

انا ولد اخوي عنده هالعاده الخايسه المتعبه تخيلي نركض وراه بالخاشوقه عشان ياكل
ويوم كبر حضرته يتشرط الا باكل بالحوي ف عز الحر
ولا باكل فالزراعه!

بس فالنهايه اللوم علينا لان دلعناه

لكن الحل

اتوقع الحل مدام بعده بالشهور

و اكيد ييلس اخذي لك كرسي الاكل
ويلسيه فيه
و حطي حذاله كم لعبه وشغلي التلفزيون

وحاولي تاكلينه
ولو صاح وطفر بج ومايبا ياكل لا تاكلينه لين ما روحه اييوع و بيدور الاكل
حزتها ردي حطيه فالكرسي و اكليه
عوديه عالكرسي انا اجوف افضل

بس نصييييحه لاتخلينه ع هالاسلوب لان والله متعب

__________________________________________________ __________

>>>> الرد الثالث :
بالنسبة لتبديل الملابس والبامبرز هذا عادي كل الاطفال جي وخاصه انه يقلب فيكون الطفل حركي عطيه لعبه بيده او عطيه علبة الكريم او لاعبيه شوي بحيث يركز معاج ويخليج تغيرين له
بالنسبه للأكل الكل يعاني مع الاطفال من هذي الناحيه بما انه يأكل لم تلاعبينه او تغنين له أوكي شو المشكله بالعكس اهم ما في الموضوع انه يأكل

حبيبتي تربية اول غير سبحانه الله من جيل لجيل يختلف الوضع وبالعكس انا لم اكل أعيالي وما أتكلم معهم تقولي الولدة مراح يأكل بيقعد دقيقه يسد جوعه وبيروح لازم تلاعبينه تغنين له علشان يقعد ويأكل

__________________________________________________ __________

>>>> الرد الرابع :
ههههه ابنك ولا ابني ؟؟
بالضبط نفس الأسلوب خخخ
بس عادي تقبلي الموضوع وشوي شوي بيتغير ..
يعني اذا بدلتي حاولي تكلميه ويسمع صوتك .. بينتبه لك ومابيقلب ..
والأكل للحين مالقيت حل خخخخ
ربي يحفظهم ويصلحهم

__________________________________________________ __________

>>>> الرد الخامس :
عادي حبيبتي كل اليهال جيه

ضرابة ويا اللبس والاكل خخخ

عشان الاكل. مثل ماقالت الاخت. خذي له الكرسي الخاص لاكل الياهل. وعطيه شي بايده يلعب فيه وانتي تاكلينه. ولا حطي له شي يعيبه فالتلفزيون مثل اناشيد لليهال وجيه. بيسمع الصوت


وعشان التبديل. كلنا بالهوا سوا. ماشي حل غير تتحملين وان شاء الله بيكبر وبيهدا


عادي الامور طيبه. ^_^